Tv Serial Actress | కోలీవుడ్‌లో విషాదం – ప్ర‌ముఖ టీవీ సీరియ‌ల్ న‌టి ఆత్మ‌హ‌త్య‌

Tv Serial Actress | కోలీవుడ్‌లో విషాదం చోటుచేసుకుంది. ప్ర‌ముఖ సీరియ‌ల్ న‌టి సుభాష‌ణి సోమ‌వారం ఆత్మ‌హ‌త్యకు పాల్ప‌డింది. క‌య‌ల్ సీరియ‌ల్‌తో బుల్లితెర ప్రేక్ష‌కుల‌కు చేరువైంది సుభాషిణి. ఈ సీరియ‌ల్ ద్వారా వ‌చ్చిన గుర్తింపుతో త‌మిళంతో పాటు మ‌ల‌యాళంలో ప‌లు సీరియ‌ల్స్‌తో పాటు కొన్ని సినిమాలు చేసింది. సుభాషిణి హ‌ఠాన్మ‌ర‌ణంతో త‌మిళ టీవీ, సినీ వ‌ర్గాలు దిగ్భాంతికి లోన‌య్యాయి. భ‌ర్త బిబిన్‌తో క‌లిసి చెన్నై అయ్య‌ప్ప‌న్ తంగ‌ల్‌లోని ఓ అపార్ట్‌మెంట్‌లో నివ‌సిస్తోంది సుభాషిణి. ఆమె ఆత్మ‌హ‌త్య‌కు కుటుంబ విభేదాలే కార‌ణ‌మ‌ని స‌మాచారం. చ‌నిపోవ‌డానికి ముందు భ‌ర్త‌తో వీడియో కాల్‌లో ఆమె గొడ‌వ‌ప‌డిన‌ట్లు పోలీసుల విచార‌ణ‌లో తేలింది. కేసు న‌మోదు చేసిన పోలీసులు విచార‌ణ జ‌రుపుతున్నారు. సుభాషిణి మ‌ర‌ణం ప‌ట్ల స‌హ‌చ‌ర న‌టులు, అభిమానులు సోషల్ మీడియా వేదికగా సంతాపం వ్యక్తం చేస్తున్నారు.

శ్రీలంక‌లో పుట్టి....

శ్రీలంక‌లో పుట్టి పెరిగిన సుభాషిణి ఇండియాలో సెటిలైంది. అనుప ర‌ణ‌సింహ పేరుతో శ్రీలంక‌లో కొన్ని సినిమాలు చేసింది. ఆ త‌ర్వాత ఇండియాకు వ‌చ్చిన త‌ర్వాత త‌న పేరును సుభాషిణి బాల‌సుబ్ర‌మ‌ణియ‌మ్‌గా మార్చుకుంది. యార్ అలైపాదు, హిమ్ హియ‌ర్ ఆఫ్ట‌ర్‌తో పాటు త‌మిళం, మ‌ల‌యాళంలో కొన్ని సినిమాలు చేసింది.సుభాషిణి సోష‌ల్ మీడియాలో చాలా యాక్టివ్‌గా ఉంటుంది. ఎక్కువ‌గా భ‌ర్త‌తో దిగిన ఫొటోల‌ను పోస్ట్ చేస్తుంటుంది.