Taapsee | త‌ల్లి పాత్ర‌లో తాప్సీ – గ్లామ‌ర్ పాత్ర‌లే చేయాల‌ని రూలు లేదంటూ ట్రోల్స్‌పై ఫైర్‌

Taapsee | తాప్సీ క‌మ‌ర్షియ‌ల్ సినిమాల‌కు దూర‌మై చాలా కాల‌మైంది. గ‌త కొన్నేళ్లుగా ఎక్కువ‌గా లేడీ ఓరియెంటెడ్ సినిమాల్లోనే న‌టిస్తోంది. ప్ర‌స్తుతం గాంధారి పేరుతో యాక్ష‌న్ రివేంజ్ డ్రామా మూవీ చేస్తోంది తాప్సీ. ఈ సినిమాలో త‌ల్లి పాత్ర‌లో ఈ ఢిల్లీ బ్యూటీ క‌నిపించ‌నుండ‌టంపై విమ‌ర్శ‌లు వ‌స్తున్నాయి. క‌మ‌ర్షియ‌ల్ సినిమాలు అవ‌కాశాలు రాక‌పోవ‌డంతోనే తాప్సీ త‌ల్లి పాత్ర‌ల్లో క‌నిపిస్తుందంటూ ట్రోల్ చేస్తున్నారు. ఇటీవ‌ల న్యూఢిల్లీలో జాగ‌ర‌ణ్ ఫిల్మ్ ఫెస్టివ‌ల్‌కు తాప్సీ చీఫ్ గెస్ట్‌గా హాజ‌రైంది.ఈ వేడుక‌లో త‌న‌పై వ‌స్తోన్న విమ‌ర్శ‌ల‌పై బ‌దులిచ్చింది. హీరోయిన్లు అంటే అందంగానే క‌నిపించాల‌నే రూలు లేదంటూ కామెంట్లు చేసింది.

స‌మాజ ధోర‌ణుల‌కు భిన్నంగా...

"ఇండ‌స్ట్రీ ఏదైనా, ద‌ర్శ‌కులు ఎవ‌రైనా త‌మ సినిమాల్లో హీరోయిన్ల‌ను అందంగా చూపించ‌డానికే ఎక్కువ‌గా ప్రాధాన్య‌త‌నిస్తుంది. ప‌ద్ద‌తిగానే క‌థానాయిక‌ల పాత్ర‌ల‌ను ఆవిష్క‌రిస్తుంటారు. స‌మాజ ధోర‌ణుల‌కు భిన్నంగా హీరోయిన్ల‌ పాత్ర‌ల‌ను రాయ‌డానికి భ‌య‌ప‌డుతుంటారు. ఈ స్టీరియో టైప్‌ను బ్రేక్ చేయాల‌న్న‌దే నా సిద్ధాంతం. కెరీర్ ఆరంభంలో నాకు అలాంటి డిఫ‌రెంట్ రోల్స్ చేసే అవ‌కాశం రాలేదు. ఇప్పుడు ఆ ఛాన్స్ వ‌చ్చింది కాబ‌ట్టే వెరైటీ రోల్స్ చేస్తున్నా. పాత్ర‌ల ప‌రంగా రిస్క్‌లు తీసుకుంటున్నా" అని తాప్సీ అన్న‌ది.

ఇష్టానికి వ్య‌తిరేకంగా...

"మ‌హిళ‌లు త‌ప్పులు చేస్తుంటారు. వారిలో కొన్ని లోపాలు ఉంటాయి. త‌మ‌కు న‌చ్చిన‌ట్లుగా జీవించాల‌నే ఆలోచ‌న‌లు ఉన్నా సామాజిక క‌ట్టుబాట్ల కార‌ణంగా ఇష్టానికి వ్య‌తిరేకంగా బ‌తుకుతుంటారు. అలాంటి వారి జీవితాల‌ను నిజాయితీగా స్క్రీన్‌పై చూపించే సినిమాలు రావాల‌ని చెప్ప‌డం కంటే నేనే చేస్తే బాగుంటుంద‌ని అనుకున్నా. అందుకే క‌మ‌ర్షియ‌ల్ సినిమాల‌కు దూరంగా ఉంటున్నా" అని చెప్పింది.
గాంధారి మూవీ షూటింగ్ పూర్త‌య్యింది. సెప్టెంబ‌ర్ లేదా అక్టోబ‌ర్‌లో ఈ మూవీ నెట్‌ఫ్లిక్స్‌లో స్ట్రీమింగ్ కాబోతుంది. ఈ సినిమాను రాఘ‌వేంద్ర‌రావు మాజీ కోడ‌లు క‌నికా థిల్లాన్ నిర్మిస్తోంది. ఈ బాలీవుడ్ యాక్ష‌న్ థ్రిల్ల‌ర్ మూవీకి దేవాశిష్ మాకిజా ద‌ర్శ‌క‌త్వం వ‌హిస్తున్నారు.