OTT | ఓటీటీలోకి తాప్సీ బాలీవుడ్ కోర్ట్‌రూమ్ థ్రిల్ల‌ర్ మూవీ – క్లైమాక్స్ ట్విస్ట్ అదుర్స్‌

OTT |  గ‌త కొన్నేళ్లుగా క‌మ‌ర్షియ‌ల్ సినిమాల‌కు దూరంగా ఉంటోంది తాప్సీ. ఫిమేల్ సెంట్రిక‌ల్ మూవీస్‌, ప్ర‌యోగాత్మ‌క క‌థ‌ల‌కు ఎక్కువ‌గా ప్రాధాన్య‌త‌నిస్తోంది. ఇటీవ‌లే అస్సీ పేరుతో ఓ లేడీ ఓరియెంటెడ్ సినిమా చేసింది తాప్సీ. కోర్ట్ రూమ్ డ్రామాగా తెర‌కెక్కిన ఈ మూవీ విమ‌ర్శ‌కుల ప్ర‌శంస‌ల‌ను అందుకుంది. కానీ నిర్మాత‌ల‌కు మాత్రం న‌ష్టాల‌ను తెచ్చిపెట్టింది.

ఓటీటీలోకి...

తాజాగా అస్సీ మూవీ ఓటీటీలోకి రాబోతుంది. ఏప్రిల్‌ 17 నుంచి జీ5 ఓటీటీలో ఈ బాలీవుడ్ మూవీ స్ట్రీమింగ్ కాబోతుంది. అస్సీ మూవీకి బాలీవుడ్ సీనియ‌ర్ డైరెక్ట‌ర్ అనుభ‌వ్ సిన్హా ద‌ర్శ‌క‌త్వం వ‌హించారు. క‌నీ క‌స్తూరి, రేవ‌తి కీల‌క పాత్ర‌ల్లో న‌టించారు. ఫిబ్ర‌వ‌రి మూడో వారంలో అస్సీ థియేట‌ర్ల‌లో రిలీజైంది.

నేష‌న‌ల్ అవార్డ్‌...

అస్సీ మూవీలో లాయ‌ర్‌గా తాప్సీ న‌ట‌న అద్భుత‌మంటూ కామెంట్స్ వినిపించాయి. ఈ సినిమాకుగాను ఈసారి తాప్సీకి బెస్ట్ హీరోయిన్‌గా నేష‌న‌ల్ అవార్డ్ రావ‌డం ఖాయ‌మంటూ ప్ర‌చారం జ‌రిగింది. ఊహించ‌ని ట్విస్ట్‌తో క్లైమాక్స్‌ను ముగించిన తీరు బాగుంద‌ని అన్నారు. మ‌హిళ‌ల‌పై జ‌రుగుతోన్న లైంగిక దాడుల పాయింట్‌తో సందేశాత్మ‌కంగా ద‌ర్శ‌కుడు అనుభ‌వ్ సిన్హా ఈ సినిమాను తెర‌కెక్కించారు. ముప్పై కోట్ల బ‌డ్జెట్‌తో రూపొందిన ఈ మూవీ థియేట‌ర్ల‌లో కేవ‌లం 12 కోట్ల‌లోపే వ‌సూళ్ల‌ను ద‌క్కించుకుంది. నిర్మాత‌ల‌కు 18 కోట్ల‌కుపైనే న‌ష్టాల‌ను తెచ్చిపెట్టింది. అస్సీ మూవీకి డైరెక్ట‌ర్ అనుభ‌వ్ సిన్హా ఓ ప్రొడ్యూస‌ర్‌గా వ్య‌వ‌హ‌రించాడు.

లాయ‌ర్ రావి....

ప‌రిమ ఓ స్కూల్‌లో టీచ‌ర్‌గా ప‌నిచేస్తుంటుంది. ఓ రోజు స్కూల్ నుంచి ఇంటికి వ‌స్తోన్న క్ర‌మంలో ఐదుగురు వ్య‌క్తులు ఆమెపై లైంగిక దాడికి పాల్ప‌డుతారు. ఆమెను తీవ్రంగా గాయ‌ప‌రుస్తారు. ఈ కేసు సంచ‌ల‌నంగా మారుతుంది. కానీ త‌మ ప‌లుకుబ‌డితో ఐదుగురు కేసు నుంచి త‌ప్పించుకునే ప్ర‌య‌త్నం చేస్తున్నారు. ప‌రిమ కుటుంబంపైనే త‌ప్పుడు ఆరోప‌ణ‌లు చేస్తారు. ప‌రిమ త‌ర‌పున ఈ కేసును కోర్టులో వాదించ‌డానికి లాయ‌ర్ రావి ముందుకొస్తోంది. ఆ త‌ర్వాత ఏమైంది? ప‌రిమ‌కు జ‌రిగిన అన్యాయాన్ని రావి ఎలా బ‌య‌ట‌పెట్టింది? ఆమెపై బెదిరింపుల‌కు పాల్ప‌డింది ఎవ‌రు అన్న‌దే అస్సీ మూవీ క‌థ‌.