Mamitha Baiju | ఓటీటీలోకి సూర్య, మ‌మితా బైజు సూప‌ర్ హిట్ మూవీ – పెళ్లి కాకుండానే హీరోయిన్ త‌ల్లిగా మారితే?

Mamitha Baiju | సూర్య‌, మ‌మితా బైజు హీరోహీరోయిన్లుగా న‌టించిన విశ్వ‌నాథ్ అండ్ స‌న్స్ ఇటీవ‌లే థియేట‌ర్ల‌లో రిలీజైన బిగ్గెస్ట్ బ్లాక్‌బ‌స్ట‌ర్‌గా నిలిచింది. 250 కోట్ల‌కుపైగా వ‌సూళ్ల‌ను ద‌క్కించుకుంది. రొమాంటిక్ ఫ్యామిలీ డ్రామాగా రూపొందిన ఈ మూవీకి వెంకీ అట్లూరి ద‌ర్శ‌క‌త్వం వ‌హించాడు.
త‌మిళంలో రూపొందిన ఈ మూవీ తెలుగులోనూ సేమ్ టైటిల్‌తో రిలీజైంది. రెండు భాష‌ల్లో సూప‌ర్ హిట్‌గా నిలిచింది.

నెల రోజుల త‌ర్వాత‌...

థియేట‌ర్ల‌లో రిలీజైన స‌రిగ్గా నెల రోజుల త‌ర్వాత విశ్వ‌నాథ్ అండ్ స‌న్స్ ఓటీటీలోకి రాబోతుంది. సెప్టెంబ‌ర్ 14 నుంచి నెట్‌ఫ్లిక్స్‌లో ఈ మూవీ స్ట్రీమింగ్ అవుతోంది. ఓటీటీలో త‌మిళంతో పాటు తెలుగు భాష‌లోనూ విడుద‌ల అవుతోంది.

సీనియ‌ర్ హీరోయిన్లు...

విశ్వ‌నాథ్ అండ్ స‌న్స్ మూవీలో సీనియ‌ర్ హీరోయిన్లు రాధిక శ‌ర‌త్‌కుమార్‌, ర‌వీనా టాండ‌న్ కీల‌క పాత్ర‌లు పోషించారు. సితార ఎంట‌ర్‌టైన్‌మెంట్స్ ప‌తాకంపై సూర్య‌దేవ‌ర నాగ‌వంశీ ఈ సినిమాను నిర్మించారు. జీవీ ప్ర‌కాష్ కుమార్ మ్యూజిక్ అందించారు.

ఏజ్ గ్యాప్ కాన్సెప్ట్‌...

ఓ జంట ప్రేమ‌క‌థ‌కు ఏజ్ గ్యాప్ ఎలా అడ్డంకిగా మారింద‌నే కాన్సెప్ట్‌కు ఫ్యామిలీ ఎమోష‌న్స్‌, స‌రోగ‌సీ అంశాల‌ను జోడించి ద‌ర్శ‌కుడు వెంకీ అట్లూరి ఈ సినిమాను తెర‌కెక్కించారు. సూర్య‌, మ‌మితా బైజు యాక్టింగ్‌, క‌థ‌, కామెడీ ఆడియెన్స్‌ను మెప్పించాయి. ఎలాంటి అశ్లీల‌త‌, అస‌భ్య‌త లేని క్లీన్ మూవీగా నిలిచింది.

ఒలింపిక్ విన్న‌ర్‌....

సంజ‌య్ విశ్వ‌నాథ్ ఒలింపిక్స్‌లో గోల్డ్ మెడ‌ల్ సాధిస్తాడు. తండ్రిపై ఉన్న ద్వేషం కార‌ణంగా ప్రేమ‌, పెళ్లి లాంటి బంధాల‌కు దూరంగా ఉంటుంటాడు. స‌రోగ‌సీ ద్వారా ఓ బిడ్డ‌కు తండ్రిగా మార‌తాడు సంజ‌య్‌. సంజ‌య్ కొడుకుకు ప్రాణాంత‌క‌మైన వ్యాధి వ‌స్తుంది. డ‌బ్బు కోసం ట్రీట్‌మెంట్‌కు సాయం చేయ‌డానికి స‌రోగ‌సీ ద్వారా సంజ‌య్ బిడ్డ‌కు జ‌న్మ‌నిచ్చిన మ్యాడీ (మ‌మితా బైజు) అంగీక‌రిస్తుంది. మ్యాడీ రాక‌తో సంజ‌య్ జీవితం ఎలా మారిపోయింది? బాబుకు ట్రీట్‌మెంట్ త‌ర్వాత అమెరికా వెళ్లిపోవాల్సిన మ్యాడీ సంజ‌య్‌పై కోర్టు లో కేసు వేయ‌డానికి కార‌ణ‌మేమిటి? మ్యాడీ ప్రేమ‌ను సంజ‌య్ అంగీక‌రించాడా? లేదా? అన్న‌దే ఈ మూవీ క‌థ‌.