Suriya | సూర్య స్ట్రెయిట్ తెలుగు మూవీపై క్రేజీ అప్‌డేట్ – విశ్వ‌నాథ్ అండ్ స‌న్స్ రిలీజ్ డేట్ ఫిక్స్‌

Suriya |  క‌రుప్పు మూవీతో హీరోగా అదిరిపొయే క‌మ్‌బ్యాక్ ఇచ్చాడు సూర్య‌. ఆర్‌జే బాలాజీ ద‌ర్శ‌క‌త్వంలో యాక్ష‌న్ థ్రిల్ల‌ర్‌గా రూపొందిన ఈ మూవీ థియేట‌ర్ల‌లో 200 కోట్ల‌కుపైగా వ‌సూళ్ల‌ను ద‌క్కించుకుంది. తెలుగులోనూ వీర‌భ‌ద్రుడు పేరుతో డ‌బ్ అయిన ఈ సినిమా నిర్మాత‌ల‌కు భారీగా లాభాల‌ను తెచ్చిపెట్టింది. క‌రుప్పు మూవీతో లాంగ్ గ్యాప్ త‌ర్వాత సూర్య‌కు పెద్ద హిట్టు ద‌క్క‌డంతో అత‌డి అభిమానులు ఖుషి అవుతున్నారు. ఈ స‌క్సెస్ జోష్‌లోనే సూర్య‌ తెలుగు మూవీ విశ్వ‌నాథ్ అండ్ స‌న్స్‌పై క్రేజీ అప్‌డేట్ వ‌చ్చేసింది. ఈ సినిమా రిలీజ్ డేట్ క‌న్ఫామ్ అయ్యింది.

స్టైలిష్ లుక్‌లో...

ఫ్యామిలీ ఎంట‌ర్‌టైన‌ర్‌గా తెర‌కెక్కుతోన్న విశ్వ‌నాథ్ అండ్ స‌న్స్ స్వాతంత్య్ర దినోత్సవం సంద‌ర్భంగా ఆగ‌స్ట్ 14న వ‌ర‌ల్డ్ వైడ్‌గా థియేట‌ర్ల‌లోకి రానున్న‌ట్లు మేక‌ర్స్ ప్ర‌క‌టించారు. ఓ పోస్ట‌ర్‌ను అభిమానుల‌తో పంచుకున్నారు. వ‌ర్షంలో గొడుగు ప‌ట్టుకొని మొబైల్ చెక్ చేస్తూ స్టైలిష్ లుక్‌లో సూర్య క‌నిపిస్తున్నారు.

వెంకీ అట్లూరి డైరెక్ట‌ర్‌...

విశ్వ‌నాథ్ అండ్ స‌న్స్ మూవీకి వెంకీ అట్లూరి ద‌ర్శ‌క‌త్వం వ‌హిస్తున్నారు. ల‌క్కీ భాస్క‌ర్ త‌ర్వాత వెంకీ అట్లూరి డైరెక్ష‌న్‌లో వ‌స్తోన్న మూవీ కావ‌డం...సూర్య హీరోగా న‌టిస్తోండ‌టంతో విశ్వ‌నాథ్ అండ్ స‌న్స్‌పై భారీగా అంచ‌నాలు నెల‌కొన్నాయి. మాస్ ఎలిమెంట్స్ లేకుండా కంప్లీట్ హ్యూమ‌ర‌స్ ట‌చ్‌తో ఇందులో సూర్య రోల్ సాగుతుంద‌ని స‌మాచారం. గ‌త సినిమాల‌కు భిన్నంగా ఫ్యామిలీ మ్యాన్‌గా ద‌ర్శ‌కుడు వెంకీ అట్లూరి ఈ కోలీవుడ్ హీరోను ఆవిష్క‌రించ‌బోతున్న‌ట్లు చెబుతోన్నారు. ఈ సినిమాను సూర్యదేవర నాగ వంశీ, సాయి సౌజన్య నిర్మిస్తున్నారు.

మ‌మితా బైజు హీరోయిన్‌...

విశ్వ‌నాథ్ అండ్ స‌న్స్ మూవీలో సూర్య‌కు జోడీగా మమితా బైజు హీరోయిన్‌గా న‌టిస్తోంది. రాధికా శరత్‌కుమార్, రవీనా టాండన్ కీలక పాత్రల్లో నటిస్తున్నారు. జీవీ. ప్రకాష్ కుమార్ మ్యూజిక్ అందిస్తున్నారు. రామ్‌గోపాల్ వ‌ర్మ ర‌క్త చ‌రిత్ర 2 త‌ర్వాత సూర్య హీరోగా న‌టిస్తోన్న స్ట్రెయిట్ తెలుగు మూవీ ఇదే కావ‌డం గ‌మ‌నార్హం.