Comedy OTT | ఓటీటీలోకి సురేఖావాణి కూతురు క్రైమ్ కామెడీ మూవీ – లాయ‌ర్ పుష్ప‌గా మంచు ల‌క్ష్మి….

Comedy OTT | మంచు ల‌క్ష్మి, అన‌న్య నాగ‌ళ్ల ప్ర‌ధాన పాత్ర‌ల్లో న‌టించిన తెలుగు క్రైమ్ కామెడీ మూవీ లేచింది మ‌హిళా లోకం ఇటీవ‌లే థియేట‌ర్ల‌లో రిలీజైంది. కార్తీక్ అర్జున్ ద‌ర్శ‌క‌త్వం వ‌హించిన ఈ సినిమాలో సురేఖ‌వాణి కూతురు సుప్రిత‌తో పాటు శ్ర‌ద్ధా దాస్‌, హేమ‌, హ‌రితేజ, శ్రీరామ‌చంద్ర‌ కీల‌క పాత్ర‌లు పోషించారు. ఈ సినిమా రిలీజైన విష‌యం ఆడియెన్స్‌కు తెలిసేలోపే థియేట‌ర్ల‌లో నుంచి వెళ్లిపోయింది. ఈ డిజాస్ట‌ర్ మూవీ ఓటీటీ రిలీజ్‌పై అధికారిక ప్ర‌క‌ట‌న వ‌చ్చేసింది. ఏప్రిల్ 22 నుంచి స‌న్ నెక్స్ట్ ఓటీటీలో లేచింది మ‌హిళా లోకం స్ట్రీమింగ్ కాబోతుంది.

పురుషాధిక్య‌త‌...

స‌మాజంలోని పురుషాధిక్య‌త‌, మ‌హిళ‌ల‌పై వివ‌క్ష‌, భార్యభ‌ర్త‌ల మ‌ధ్య ఈగో స‌మ‌స్య‌లాంటి అంశాల‌ను వినోదాత్మ‌కంగా ఈ సినిమాలో చెప్పారు ద‌ర్శ‌క‌ద్వ‌యం. నిర్మాత‌లు, మ్యూజిక్ డైరెక్ట‌ర్‌తో పాటు ఈ సినిమాకు చాలా మంది మ‌హిళ‌లే ప‌నిచేశారు. కానీ క‌మ‌ర్షియ‌ల్‌గా మాత్రం లేచింది మ‌హిళా లోకం స‌రైన విజ‌యాన్ని అందుకోలేక‌పోయింది.

మ‌ర్డ‌ర్ ప్లాన్‌...

ప్రేమించి పెళ్లిచేసుకున్న భ‌ర్త త‌న‌ను ప‌ట్టించుకోవ‌డం లేద‌ని ఓ మ‌హిళా అసంతృప్తితో అంటుంది. అదే టైమ్‌లో అమెకు ఇరుగుపొరుగు ఇళ్ల‌ల్లో ఉంటే న‌లుగురు మ‌హిళ‌లు ప‌రిచ‌యం అవుతారు. వారి కార‌ణంగా భార్య‌భ‌ర్త‌ల మ‌ధ్య గొడ‌వ‌లు మ‌రింత పెరుగుతాయి. మ‌గాళ్ల‌ను వారంద‌రూ ద్వేషించ‌డానికి కార‌ణం ఏమిటి? వారి గొడ‌వ‌లోకి లాయ‌ర్ పుష్ప ఎలా వ‌చ్చింది? ఈ ఆరుగురు క‌లిసి ఎవ‌రిని మ‌ర్డ‌ర్ చేయాల‌ని అనుకున్నారు అన్న‌దే ఈ మూవీ క‌థ‌.