Sunny Leone | స‌న్నీలియోన్‌కు సాధువుల వార్నింగ్ – కార‌ణ‌మిదే?

Sunny Leone | బాలీవుడ్ శృంగార తార స‌న్నీలియోన్‌కు హిందూ సంఘాల‌తో పాటు సాధువులు షాకిచ్చారు. ఈ బాలీవుడ్ బ్యూటీ పేరు చెబితేనే ఫైర్ అవుతున్నారు. అవ‌స‌ర‌మైతే పోలీస్ కంప్లైట్ ఇవ్వ‌డానికి రెడీ అంటూ స‌న్నీలియోన్‌కు వార్నింగ్ ఇచ్చారు. స‌న్నీలియోన్‌పై సాధువులు ఆగ్ర‌హం వ్య‌క్తం చేయ‌డానికి వెనుక ఓ కార‌ణం ఉంది. న్యూ ఇయ‌ర్ సంద‌ర్భంగా ఉత్త‌ర ప్ర‌దేశ్‌లోని మ‌థుర‌లో ఓ ఈవెంట్ ఆర్గ‌నైజ‌ర్స్ స‌న్నీలియోన్‌తో భారీ ఈవెంట్ ప్లాన్ చేశార‌ట‌. ట్రంక్ హోట‌ల్‌లో గ్రాండ్‌గా జ‌రుగ‌నున్న ఈ షోకు సంబంధించిన ఏర్పాట్లు పూర్త‌య్యాయ‌ట‌. స‌న్నీలియోన్‌కు ఉన్న క్రేజ్ కార‌ణంగా టికెట్లు కూడా హాట్ కేకుల్లా అమ్ముడుపోయాయ‌ట‌.
ఈ స‌న్నీలియోన్ షోకు మ‌థుర‌లోని సాధువుల నుంచి వ్య‌తిరేక‌త‌ ఎదురైంది. స‌న్నీలియోస్ మ‌థుర‌లో అడుగుపెట్ట‌డానికి వీలు లేదంటూ హిందూ సంఘాల‌తో క‌లిసి వంద‌లాది మంది సాధువులు నిర‌స‌న‌కు దిగారు. స‌న్నీలియోన్ షోను క్యాన్సిల్ చేయాలంటూ డిమాండ్ చేశారు. శ్రీకృష్ణుడి జ‌న్మ‌స్థ‌ల‌మైన మ‌థుర‌లో ఇలాంటి అస‌భ్య‌క‌ర‌మైన షోల‌ను నిర్వ‌హించ‌డానికి వీలు లేదంటూ ఆగ్ర‌హం వ్య‌క్తం చేశారు.
నిర‌స‌న‌ల‌తో ఆగిపోకుండా జిల్లా మెజిస్ట్రేటుకు ఓ విన‌తి ప‌త్రాన్ని అంద‌జేశారు. శ్రీకృష్ణుడు న‌డ‌యాడిన ఈ ప‌విత్ర స్థ‌లంలో స‌న్నీలియోన్ షోల‌ను నిర్వ‌హించ‌డానికి వీలు లేదంటూ ఇందులో పేర్కొన్నారు. అవ‌స‌ర‌మైతే స‌న్నీలియోన్‌తో పాటు ఈవెంట్ ఆర్గ‌నైజ‌ర్స్‌పై చ‌ట్ట ప్ర‌కారం చ‌ర్య‌లు తీసుకోవ‌డానికి సిద్ధ‌మంటూ పేర్కొన్నారు. సాధువుల నిర‌స‌న‌తో ఈవెంట్ ఆర్గ‌నైజ‌ర్స్ దిగొచ్చిన‌ట్లు స‌మాచారం. స‌న్నీలియోన్ షోను క్యాన్సిల్ చేశార‌ట‌.