Telugu Movie | యూట్యూబ్‌లో రిలీజైన సుమ క‌న‌కాల తెలుగు కామెడీ మూవీ – ఫ్రీగా స్ట్రీమింగ్‌

Telugu Movie |  సుమ క‌న‌కాల ప్ర‌ధాన పాత్ర‌లో న‌టించిన తెలుగు మూవీ జ‌య‌మ్మ పంచాయితీ 2022లో థియేట‌ర్ల‌లో రిలీజైంది. కామెడీ డ్రామాగా రూపొందిన ఈ సినిమాలో దేవిప్ర‌సాద్‌, దినేష్ కుమార్‌, షాలిని కొండెపూడి కీల‌క పాత్ర‌లో న‌టించారు. జ‌య‌మ్మ పంచాయితీ మూవీతో లాంగ్ గ్యాప్ త‌ర్వాత సిల్వ‌ర్ స్క్రీన్‌పైకి రీఎంట్రీ ఇచ్చింది సుమ క‌న‌కాల‌. విజ‌య్ కుమార్ ద‌ర్శ‌క‌త్వం వ‌హించిన ఈ కాన్సెప్ట్ ఓరియెంటెడ్ సినిమాకు ఆస్కార్ విన్న‌ర్ ఎమ్ ఎమ్ కీర‌వాణి మ్యూజిక్ అందించారు.

ఫ్రీ స్ట్రీమింగ్‌...

తాజాగా జ‌య‌మ్మ పంచాయితీ మూవీ యూట్యూబ్‌లో రిలీజైంది. ఎలాంటి స‌బ్‌స్క్రిప్ష‌న్ ఛార్జీలు లేకుండా ఫ్రీగా స్ట్రీమింగ్ అవుతోంది. శ్రీకాకుళం బ్యాక్‌డ్రాప్‌లో విలేజ్ ఎంట‌ర్‌టైన‌ర్‌గా డైరెక్ట‌ర్ విజ‌య్ కుమార్ ఈ సినిమాను తెర‌కెక్కించారు. సుమ క‌న‌కాల‌కు బుల్లితెర‌పై ఉన్న ఇమేజ్ కార‌ణంగా ఓపెనింగ్స్ బాగానే రాబ‌ట్టింది. లాంగ్ ర‌న్‌లో థియేట‌ర్ల‌లో నిల‌బ‌డ‌లేక‌పోయిన ఈ మూవీ ఫెయిల్యూర్‌గా నిలిచింది. జ‌య‌మ్మ పంచాయితీ త‌ర్వాత మూడేళ్లు సినిమాల‌కు గ్యాప్ ఇచ్చిన సుమ క‌న‌కాల ఇటీవ‌ల ప్రేమంటే సినిమాలో ఓ కీల‌క పాత్ర పోషించింది.

పంజాయితీ...

జ‌య‌మ్మది మ‌ధ్య త‌ర‌గ‌తి కుటుంబం. భ‌ర్త మంచిత‌నంతో ఆస్తుల‌న్నీ పొగ‌డ‌తాడు. కుటుంబ బాధ్య‌త‌లు జ‌య‌మ్మ‌పై ప‌డ‌తాయి. ఇంత‌లోనే భ‌ర్తకు గుండె జ‌బ్బు ఉంద‌నే నిజం బ‌య‌ట‌ప‌డుతుంది. ఈ స‌మ‌స్య నుంచి జ‌య‌మ్మ ఎలా గ‌ట్టెక్కింది? ఊరి ప్ర‌జ‌ల‌ను ఆమె పంచాయితీకి పిల‌వ‌డానికి కార‌ణ‌మేమిటి అన్న‌దే ఈ మూవీ క‌థ‌.
యాంక‌ర్‌గా ఫేమ‌స్‌...
సినిమాలు త‌క్కువే చేసిన తెలుగులో టాప్ యాంక‌ర్‌గా సుమ క‌న‌కాల కొన‌సాగుతోంది. స్టార్ హీరో సినిమాల ఈవెంట్స్‌, ఇంట‌ర్వ్యూలు అంటే యాంక‌ర్‌గా సుమ త‌ప్ప‌నిస‌రిగా ఉండాల్సిందే. అంత‌లా ఆమె పేరు ఫేమ‌స్ అయ్యింది.