Sai Pallavi | సాయిప‌ల్ల‌వి బాలీవుడ్ డెబ్యూ మూవీ ఓటీటీ రిలీజ్‌లో ట్విస్ట్ – నేరుగా యూట్యూబ్‌లో స్ట్రీమింగ్‌!

Sai Pallavi | ద‌క్షిణాదిలో తిరుగులేని విజ‌యాల‌తో దూసుకుపోతున్న సాయిప‌ల్ల‌వికి బాలీవుడ్‌లో తొలి అడుగులోనే నిరాశ ఎదురైంది. ఈ నాచుర‌ల్ బ్యూటీ హీరోయిన్‌గా న‌టించిన బాలీవుడ్ డెబ్యూ మూవీ ఏక్ దిన్ డిజాస్ట‌ర్‌గా నిలిచింది. రొమాంటిక్ ఎంట‌ర్‌టైన‌ర్‌గా తెర‌కెక్కిన ఈ సినిమాను అగ్ర హీరో ఆమిర్‌ఖాన్ నిర్మించారు. అత‌డి కొడుకు జునైద్ ఖాన్ హీరోగా న‌టించాడు. దాదాపు ఇర‌వై ఐదు కోట్ల బ‌డ్జెట్‌తో రూపొందిన ఈ సినిమా థియేట‌ర్ల‌లో ఐదు కోట్ల లోపే క‌లెక్ష‌న్స్ రాబ‌ట్టింది. ఆమిర్‌ఖాన్‌కు ఇర‌వై కోట్ల‌కుపైనే న‌ష్టాల‌ను మిగిల్చింది.

మ‌క్కీకి మ‌క్కీ...

ఏక్ దిన్ స్టోరీతో పాటు జునైద్‌ఖాన్‌, సాయిప‌ల్ల‌వి యాక్టింగ్‌పై కూడా దారుణంగా విమ‌ర్శ‌లొచ్చాయి. థాయ్ మూవీ వ‌న్ డేకు రీమేక్‌గా ఏక్ దిన్ రూపొందింది. ఒరిజిన‌ల్ వెర్ష‌న్‌ను మ‌క్కీకి మ‌క్కీగా కాపీ కొట్టారంటూ ట్రోల్స్ వ‌చ్చాయి.తాజాగా ఈ సినిమా ఓటీటీ రిలీజ్‌పై ట్విస్ట్ నెల‌కొన్న‌ట్లు ప్ర‌చారం జ‌రుగుతోంది. ఈ సినిమా ఓటీటీలో కాకుండా నేరుగా యూట్యూబ్‌లో రిలీజ్ కానుంద‌ట‌.

పే ఫ‌ర్ వ్యూ...

యూట్యూబ్‌లో పే ఫ‌ర్ వ్యూ విధానంలో ఏక్ దిన్ మూవీ జూన్ ఫ‌స్ట్ వీక్ లేదా సెకండ్ వీక్ నుంచి స్ట్రీమింగ్‌కు అందుబాటులోకి రానుంద‌ట‌. యూట్యూబ్ స్ట్రీమింగ్ త‌ర్వాతే సినిమాను ఓటీటీలో రిలీజ్ చేయాల‌ని ఆమిర్‌ఖాన్ భావిస్తున్నార‌ట‌. ఆమిర్‌ఖాన్ హీరోగా న‌టించిన సితారే జ‌మీన్ ప‌ర్ కూడా ముందుగా యూట్యూబ్‌లో...ఆ త‌ర్వాత ఓటీటీలోకి అందుబాటులోకి వ‌చ్చింది. అదే రూల్‌ను ఏక్ దిన్ విష‌యంలో ఫాలో కావాల‌ని అనుకుంటున్న‌ట్లు ప్ర‌చారం జ‌రుగుతోంది. అందుకే ఓటీటీ హ‌క్కుల‌ను ఆమిర్ ఖాన్ అమ్మ‌లేద‌ని అంటున్నారు.

ఏక్ దిన్ మూవీకి సునీల్ పాండే ద‌ర్శ‌క‌త్వం వ‌హించారు. ఏక్ దిన్ త‌ర్వాత హిందీలో రామాయ‌ణ సినిమా చేస్తోంది సాయిప‌ల్ల‌వి. ఈ మైథ‌లాజిక‌ల్ మూవీలో సీత పాత్ర‌లో క‌నిపించ‌బోతున్న‌ది. నితీష్ తివారీ ద‌ర్శ‌క‌త్వం వ‌హిస్తున్న ఈ సినిమాలో ర‌ణ‌భీర్‌క‌పూర్ రాముడిగా న‌టిస్తోన్న‌ది.