Telugu OTT | ఓటీటీలోకి తెలుగు ఫాంట‌సీ కామెడీ మూవీ – సూర్య క‌రుప్పుతో కంపేరిజ‌న్స్‌

Telugu OTT |టాలీవుడ్ సీనియ‌ర్ హీరోలు శ్రీకాంత్‌, రాజేంద్ర‌ప్ర‌సాద్ ప్ర‌ధాన పాత్ర‌ల్లో న‌టించిన మిస్ట‌ర్ మిడిల్ క్లాస్ మూవీ గ‌త నెల‌లో థియేట‌ర్ల‌లో రిలీజై డిజాస్ట‌ర్‌గా నిలిచింది. ల‌య హీరోయిన్‌గా న‌టించిన ఈ మూవీకి జి నాగేశ్వ‌ర రెడ్డి ద‌ర్శ‌క‌త్వం వ‌హించాడు.

ఆహా ఓటీటీలో...

ఫాంట‌సీ కామెడీగా రూపొందిన మిస్ట‌ర్ మిడిల్ క్లాస్ ఓటీటీలోకి వ‌చ్చేస్తోంది. ఆగ‌స్ట్ 19 నుంచి ఆహా ఓటీటీలో ఈ మూవీ స్ట్రీమింగ్ కాబోతుంది. ఈ సినిమా ఓటీటీ రిలీజ్ డేట్‌ను అఫీషియ‌ల్‌గా ప్ర‌క‌టించింది. శ్రీకాంత్‌, రాజేంద్ర‌ప్ర‌సాద్‌తో పాటు అలీ, ర‌ఘుబాబు, వెన్నెల‌కిషోర్ లాంటి క‌మెడియ‌న్లు ఉన్నా మిస్ట‌ర్ మిడిల్ క్లాస్ ప్రేక్ష‌కుల‌ను న‌వ్వించ‌లేక‌పోయింది. ఔట్‌డేటెడ్ కాన్సెప్ట్‌తో పాటు మైథాల‌జీ మూవీలో డ‌బుల్ మీనింగ్ డైలాగ్స్‌, బూతులు ఎక్కువ కావ‌డంపై విమ‌ర్శ‌లొచ్చాయి. రిలీజైన వారంలోనే థియేట‌ర్ల‌లో క‌నిపించ‌కుండాపోయింది.

క‌రుప్పుతో కంపేరిజ‌న్స్‌...

ఇటీవ‌ల రిలీజై బిగ్గెస్ట్ బ్లాక్‌బ‌స్ట‌ర్‌గా నిలిచిన సూర్య క‌రుప్పుతో పాటు య‌మ‌లీల వంటి సూప‌ర్ హిట్ సినిమాల స్ఫూర్తితో ఈ సినిమా తెర‌కెక్కిన‌ట్లు కంపేరిజ‌న్స్ వ‌చ్చాయి. ఈ సినిమాలో వెంక‌టేశ్వ‌ర స్వామిగా రాజేంద్ర‌ప్ర‌సాద్ న‌టించాడు.

వెంక‌ట‌ర‌మ‌ణ క‌ష్టాలు...

వెంక‌ట‌ర‌మ‌ణ ఓ టిఫిన్ సెంట‌ర్ న‌డుపుతుంటాడు. రెస్టారెంట్ పెడితే బాగా డ‌బ్బులు వ‌స్తాయ‌ని అప్పులు తెస్తాడు. కానీ రెస్టారెంట్ అనుకున్నంత‌గా న‌డ‌వ‌దు. అప్పులు పెరిగిపోయి అమ్మేస్తాడు. అదే రెస్టారెంట్‌లో వ‌ర్క‌ర్‌గా ప‌నిచేస్తుంటాడు. వెంక‌ట‌ర‌మణ క‌ష్టాల‌ను చ‌లించిన వెంక‌టేశ్వ‌ర‌స్వామి అత‌డికి ఓ బుక్ ఇస్తాడు. అందులో ఏం రాస్తే అది జ‌రుగుతుంద‌ని అంటాడు? ఆ బుక్ వ‌ల్ల వెంక‌ట‌ర‌మ‌ణ క‌ష్టాలు తొల‌గిపోయాయా? దేవుడు ప్ర‌త్య‌క్ష‌మైన త‌ర్వాత వెంక‌ట‌ర‌మ‌ణ జీవితం ఎలాంటి మ‌లుపులు తిరిగింది అన్న‌దే ఈ మూవీ క‌థ‌.