Sreeleela | తెలుగులో శ్రీలీల కొత్త ప్రయోగం – ఫ‌స్ట్ టైమ్‌ లేడీ ఓరియెంటెడ్ జానర్‌లో క్రేజీ మూవీ!

Sreeleela |  న‌య‌న‌తార‌, సాయిప‌ల్ల‌వి, స‌మంత‌తో పాటు మ‌రికొంద‌రు స్టార్ హీరోయిన్లు క‌మ‌ర్షియ‌ల్ సినిమాలు చేస్తూనే మ‌రోవైపు లేడీ ఓరియెంటెడ్ క‌థ‌ల్లో భాగ‌మ‌వుతోన్నారు. తాజాగా వీరి బాట‌లోనే శ్రీలీల అడుగులు వేయ‌బోతున్న‌ట్లు స‌మాచారం. తెలుగులో ఫ‌స్ట్ టైమ్ ఓ లేడీ ఓరియెంటెడ్ మూవీకి శ్రీలీల గ్రీన్‌సిగ్న‌ల్ ఇచ్చిన‌ట్లు చెబుతున్నారు.

మ‌ద్య‌పాన నిషేదం...

రాజు వెడ్స్ రాంబాయి మూవీతో డైరెక్ట‌ర్ వేణు ఊడుగుల ప్రొడ్యూస‌ర్‌గా మారారు. తొలి ప్ర‌య‌త్నంలోనే పెద్ద స‌క్సెస్ అందుకున్నారు. రాజు వెడ్స్ రాంబాయి త‌ర్వాత నిర్మాత‌గా వేణు ఊడుగ‌ల ఓ పీరియాడిక‌ల్ కామెడీ సినిమాను తెర‌కెక్కించ‌నున్న‌ట్లు తెలిసింది. 1994లో మ‌ద్య‌పాన నిషేధం విధించిన‌ త‌ర్వాత జ‌రిగిన ప‌రిణామాల‌తో రూపొంద‌నున్న ఈ సినిమాకు చుక్క‌లు తెమ్మ‌న్నా తెంచుకురానా అనే టైటిల్‌ను ప‌రిశీలిస్తోన్నార‌ట‌. తొలుత ఈ సినిమాలో హీరోయిన్‌గా భాగ్య‌శ్రీ బోర్సేతో పాటు సాయిప‌ల్ల‌విల‌లో ఒక‌రిని తీసుకోవాల‌ని అనుకున్నారు. బ్యాక్ టూ బ్యాక్ మూవీస్‌తో బిజీగా ఉన్న వీరిద్ద‌రు ఈ పీరియాడిక‌ల్ మూవీని రిజెక్ట్ చేశార‌ట‌. దాంతో చుక్క‌లు తెమ్మ‌న్నా తెంచుకురానా సినిమాలో శ్రీలీల‌ను హీరోయిన్‌గా ఫైన‌ల్ చేసిన‌ట్లు వార్త‌లొస్తున్నాయి.

ఫ‌స్ట్ టైమ్‌....

తెలుగులో ఇప్ప‌టివ‌ర‌కు ఎక్కువ‌గా క‌మ‌ర్షియ‌ల్ సినిమాలు, గ్లామ‌ర్ పాత్ర‌ల్లోనే క‌నిపించింది శ్రీలీల‌. ఫ‌స్ట్ టైమ్ చుక్క‌లు తెమ్మ‌న్నా తెంచుకురానాతో లేడీ ఓరియెంటెడ్ జాన‌ర్‌ను ట‌చ్ చేయ‌బోతుంది. కాగా శ్రీలీల తెలుగులో హిట్టు కొట్టి చాలా రోజులే అవుతోంది. లేడీ ఓరియెంటెడ్ జాన‌ర్‌తోనైనా మ‌ళ్లీ స‌క్సెస్ బాట ప‌డుతుందా? లేదా? అన్న‌ది ఆస‌క్తిక‌రంగా మారింది. ఈ సినిమాకు ర‌మేష్ ఎలిగేటి ద‌ర్శ‌క‌త్వం వ‌హిస్తున్న‌ట్లు స‌మాచారం. త్వ‌ర‌లోనే ఈ సినిమాపై అఫీషియ‌ల్ అనౌన్స్‌మెంట్ రానున్న‌ట్లు స‌మాచారం.

త‌మిళంలో...

ప్ర‌స్తుతం త‌మిళంలో ధ‌నుష్‌తో ఓ స్పై యాక్ష‌న్ థ్రిల్ల‌ర్ మూవీ చేస్తోంది శ్రీలీల‌. హిందీలో ఆషీకి 3లో హీరోయిన్‌గా న‌టిస్తోంది.