Sreeleela | ఎస్ఎస్ఎస్ – శ్రీలీల డ్రీమ్‌బాయ్‌లో ఉండాల్సిన క్వాలిటీస్ ఇవేన‌ట‌!

Sreeleela |  కాబోయే జీవిత భాగస్వామిలో ఎలాంటి క్వాలిటీస్ ఉండాల‌ని అడ‌గ‌ట‌మే ఆల‌స్యం...హీరోయిన్లు పెద్ద లిస్ట్ చెబుతుంటారు. తాము కోరుకున్న ల‌క్ష‌ణాలున్న వ్య‌క్తి దొరికేవ‌ర‌కు ఎదురుచూస్తామ‌ని అంటుంటారు. అంతే కానీ డ్రీమ్ బాయ్ విష‌యంలో రాజీప‌డేది లేద‌ని ఖ‌రాఖండీగా చెప్పేస్తుంటారు. క‌ల‌ల రాకుమారుడి విష‌యంలో ధ‌మాకా బ్యూటీ శ్రీలీల‌కు మాత్రం పెద్ద కోరిక‌లేవి లేవ‌ట‌. ఎస్ఎస్ఎఎస్ అనే మూడు క్వాలిటీస్ ఉంటే చాల‌ని అంటోంది.

మూడు ల‌క్ష‌ణాలు...

ఓ ఇంట‌ర్వ్యూలో పెళ్లి గురించి శ్రీలీల రియాక్ట్ అయ్యింది. "తాను పెళ్లి చేసుకోబోయే వాడు సెన్సిబుల్ మ్యాన్ అయ్యుండాలి. సెన్సిటివ్‌గా ఉండ‌ట‌మే కాకుండా సెన్సాఫ్ హ్యూమ‌ర్ చాలా ఉండాలి" అని అన్న‌ది. త‌న డ్రీమ్‌బాయ్‌లో ఈ మూడు ల‌క్ష‌ణాలుంటే స‌రిపోతుంద‌ని చెప్పింది. ఇంత‌కుమించి పెద్ద కోరిక‌లేం లేవ‌ని పేర్కొన్న‌ది.

రైట్ ప‌ర్స‌న్ ఎదురైతే...

సినిమాల‌ను పెళ్లికి అడ్డంకిగా భావించ‌డం లేద‌ని చెప్పింది. రైట్ ప‌ర్స‌న్ ఎదురైతే పెళ్లి చేసుకొని కూడా సినిమాల‌ను కంటిన్యూ చేస్తాన‌ని అన్న‌ది. "కెరీర్‌, వ్య‌క్తిగ‌త జీవితం రెండింటిని బ్యాలెన్స్ చేసుకోవ‌డం చాలా ముఖ్యం. ఒక‌ దాని కోసం మ‌రో ఆనందాన్ని దూరం చేసుకోవ‌డం క‌రెక్ట్ కాదు. భ‌విష్య‌త్తు గురించి కొన్ని ప్ర‌ణాళిక‌లు వేసుకున్నా. వాటి ప్ర‌కార‌మే ముందుకు సాగాల‌ని అనుకుంటున్నా" అని శ్రీలీల అన్న‌ది. ప్ర‌స్తుతానికైతే పెళ్లి గురించి ఆలోచించ‌డం లేద‌ని, ఆ రోజు ఎప్పుడొస్తుందో కూడా తెలియ‌దంటూ బ‌దులిచ్చింది. ఆమె చేసిన కామెంట్లు వైర‌ల్ అవుతోన్నాయి.

త‌మిళంలో...

డిజాస్ట‌ర్ల కార‌ణంగా తెలుగు సినిమాల‌కు బ్రేక్ ఇచ్చిన శ్రీలీల ప్ర‌స్తుతం త‌మిళంతో పాటు హిందీ సినిమాల‌పై ఫోక‌స్ పెడుతోంది. కోలీవుడ్‌లో ధ‌నుష్‌తో ఓం సినిమా చేస్తోంది. ప్ర‌స్తుతం మ‌లేషియాలో ఈ మూవీ షూటింగ్ జ‌రుగుతోంది. ధ‌నుష్‌, శ్రీలీల‌పై రొమాంటిక్ డ్యూయెట్ సాంగ్‌ను షూట్ చేస్తున్నారు డైరెక్ట‌ర్ రాజ్ కుమార్ పెరియాసామి. ఈ తమిళ మూవీలో శ్రీలీలతో పాటు సాయిపల్లవి మరో హీరోయిన్ గా నటిస్తోంది.  హిందీలో రెండు సినిమాల‌కు గ్రీన్‌సిగ్న‌ల్ ఇచ్చింది శ్రీలీల. తెలుగులో రీ ఎంట్రీ కోసం వెయిటింగ్ లో ఉంది.