Web Series | డేటింగ్ యాప్ క‌ల్చ‌ర్‌పై ర‌జ‌నీకాంత్ కూతురు రొమాంటిక్ వెబ్‌సిరీస్ – లిప్‌లాక్‌, డ‌బుల్ మీనింగ్ డైలాగ్స్‌తో ట్రైల‌ర్‌

Web Series |ర‌జ‌నీకాంత్ కూతురు సౌంద‌ర్య తండ్రి వార‌స‌త్వాన్ని కొన‌సాగిస్తూ సినిమా ఇండ‌స్ట్రీలోకి అడుగుపెట్టింది. గ్రాఫిక్ డిజైన‌ర్‌, ప్రొడ్యూస‌ర్‌, డైరెక్ట‌ర్‌గా ప‌లు సినిమాలు చేసిన సౌంద‌ర్య కోలీవుడ్‌లో బ‌హుముఖ ప్ర‌జ్ఞాశాలిగా గుర్తింపును సొంతం చేసుకుంది. ధ‌నుష్ హీరోగా 2017లో రిలీజైన వీఐపీ 2 సినిమాకు సౌంద‌ర్య ద‌ర్శ‌క‌త్వం వ‌హించింది. ఈ మూవీ త‌ర్వాత కోలీవుడ్‌కు దూర‌మైన సౌంద‌ర్య దాదాపు తొమ్మిదేళ్ల త‌ర్వాత ఓ రొమాంటిక్ వెబ్‌సిరీస్‌తో రీఎంట్రీ ఇస్తోంది. డేటింగ్ యాప్‌ క‌ల్చ‌ర్‌పై సౌంద‌ర్య ఓ వెబ్‌సిరీస్‌ చేసింది. ఈ సిరీస్ స్ట్రీమింగ్ డేట్‌తో పాటు ప్లాట్‌ఫామ్ క‌న్ఫామ్ అయ్యాయి.

నెట్‌ఫ్లిక్స్‌...

ల‌వ్ పేరుతో రూపొందిన ఈ వెబ్‌సిరీస్‌లో అర్జున్ దాస్‌, ఐశ్వ‌రల‌క్ష్మి లీడ్ రోల్స్‌లో న‌టించారు. ఈ వెబ్‌సిరీస్‌కు ప్రొడ్యూస‌ర్‌గా మాత్ర‌మే కాకుండా షో ర‌న్న‌ర్‌గా సౌంద‌ర్య ర‌జ‌నీకాంత్ వ్య‌వ‌హ‌రిస్తోంది. బాలాజీ మోహ‌న్ ద‌ర్శ‌క‌త్వం వ‌హించారు. అక్టోబ‌ర్ 2 నుంచి నెట్‌ఫ్లిక్స్‌లో ల‌వ్ వెబ్‌సిరీస్ స్ట్రీమింగ్ కాబోతుంది. త‌మిళంలో పాటు తెలుగులోనూ రిలీజ్ అవుతోంది.

ట్రైల‌ర్ రిలీజ్‌...

ల‌వ్ వెబ్‌సిరీస్ ట్రైల‌ర్‌ను నెట్‌ఫ్లిక్స్ రిలీజ్ చేసింది. లిప్‌లాక్‌లు, డ‌బుల్ మీనింగ్ డైలాగ్స్‌, రొమాంటిక్ సీన్ల‌తో యూత్ ఆడియెన్స్‌ను ఈ ట్రైల‌ర్ ఆక‌ట్టుకుంటోంది. ఇద్ద‌రు డేటింగ్ యాప్ నిర్వ‌హ‌కుల మ‌ధ్య పోటీతో డైరెక్ట‌ర్ బాలాజీ మోహ‌న్ ఈ వెబ్‌సిరీస్‌ను తెర‌కెక్కించారు. తార ఫౌండ్ అనే డేటింగ్ యాప్‌ను నెల‌కొల్పుతుంది. మాథ్యూ కూడా ఫైండ్ మై బే పేరుతో ఓ డేటింగ్ యాప్‌ను న‌డుపుతుంటాడు. ప్రేమ విష‌యంలో ఇద్ద‌రి దృక్ప‌థాలు వేర్వేరుగా ఉంటాయి. వ్యాపారంలో పోటీదారుడైన మాథ్యూతో తార ఓ ఛాలెంజ్ చేస్తుంది. అదేమిటి? ఆ బెట్ కార‌ణంగా ఇద్ద‌రి లైఫ్‌లు ఎలాంటి మ‌లుపులు తిరిగాయ‌నే క‌థ‌తో ఈ వెబ్‌సిరీస్ రూపొందుతోంది.

ఆన్‌లైన్ డేటింగ్ క‌ల్చ‌ర్‌...

ఆన్‌లైన్ డేటింగ్ యాప్ క‌ల్చ‌ర్‌, జెన్‌జీ మ‌న‌స్త‌త్వాల‌ను ప్ర‌తిబింబిస్తూ ద‌ర్శ‌కుడు బాలాజీ మోహ‌న్ ఈ వెబ్‌సిరీస్‌ను రూపొందించారు. పొన్నియ‌న్ సెల్వ‌న్‌, థ‌గ్ లైఫ్‌తో పాటు త‌మిళంలో ప‌లు సినిమాల్లో న‌టించిన ఐశ్వ‌ర్య ల‌క్ష్మి ...ల‌వ్ వెబ్‌సిరీస్‌తోనే ఓటీటీలోకి ఎంట్రీ ఇస్తోంది. సౌంద‌ర్య ర‌జ‌నీకాంత్‌కు కూడా ఇదే మొద‌టి సిరీస్ కావ‌డం గ‌మ‌నార్హం.