Meenakshi Chaudhary | తెలుగు వెబ్‌సిరీస్‌లో మీనాక్షి చౌద‌రి – డీజే టిల్లు హీరోతో రొమాన్స్‌

Meenakshi Chaudhary | వెంకీ అట్లూరి ద‌ర్శ‌క‌త్వం వ‌హించిన ల‌క్కీ భాస్క‌ర్ సినిమాలో మీనాక్షి చౌద‌రి హీరోయిన్‌గా న‌టించింది. ఈ సూప‌ర్ హిట్ మూవీలో గ్లామ‌ర్ రోల్‌లో కాకుండా ఓ చిన్నారికి త‌ల్లిగా నాచుర‌ల్ యాక్టింగ్‌తో మెప్పించింది. ల‌క్కీ భాస్క‌ర్ త‌ర్వాత వెంకీ అట్లూరి, మీనాక్షి చౌద‌రి కాంబినేష‌న్‌లో మ‌రో ప్రాజెక్ట్ రాబోతుంది. అయితే సినిమా కాదు. వీరిద్ద‌రు క‌లిసి ఓ వెబ్‌సిరీస్ చేయ‌బోతున్నారు. ఇండియాలో జ‌రిగిన ఓ బిగ్గెస్ట్ స్కామ్ బ్యాక్‌డ్రాప్‌లో హై ఇంటెన్స్ యాక్ష‌న్ థ్రిల్ల‌ర్‌గా వెంకీ అట్లూరి ఓ వెబ్‌సిరీస్‌ను తెర‌కెక్కించ‌బోతున్నారు. ఈ సిరీస్‌లో సిద్దు జొన్న‌ల‌గ‌డ్డ లీడ్ రోల్‌లో న‌టిస్తున్నారు. అత‌డికి జోడీగా మీనాక్షి చౌద‌రి క‌నిపించ‌బోతున్న‌ట్లు వార్త‌లొస్తున్నాయి. ల‌క్కీ భాస్క‌ర్‌తో త‌న‌కు పెద్ద హిట్ ఇచ్చిన వెంకీ అట్లూరి ద‌ర్శ‌కుడు కావ‌డంతో క‌థ విన‌కుండానే ఈ సిరీస్‌లో న‌టించ‌డానికి మీనాక్షి ఓకే చెప్పింద‌ట‌.

ఆగ‌స్ట్ నుంచి షూటింగ్‌...

ఇందులో సిద్దు జొన్న‌ల‌గ‌డ్డ‌, మీనాక్షి రోల్స్ ప‌వ‌ర్‌ఫుల్‌గా సాగుతాయ‌ట‌. ప్ర‌స్తుతం ఈ సిరీస్‌కు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతోన్న‌ట్లు స‌మాచారం. ప్ర‌స్తుతం సూర్య హీరోగా న‌టిస్తోన్న విశ్వ‌నాథ్ అండ్ స‌న్స్ సినిమాతో వెంకీ అట్లూరి బిజీగా ఉన్నాడు. జూలైలో ఈ పాన్ ఇండియ‌న్ మూవీ రిలీజ్ కాబోతుంది. ఆగ‌స్ట్ నుంచి సిద్దు జొన్న‌ల‌గ‌డ్డ‌, వెంకీ అట్లూరి మూవీ వెబ్‌సిరీస్ షూటింగ్ మొద‌లుకాబోతున్న‌ట్లు స‌మాచారం. నెట్‌ఫ్లిక్స్‌లో ఈ వెబ్‌సిరీస్ స్ట్రీమింగ్ కాబోతుంది.

ఫ‌స్ట్ సిరీస్‌...

సితార ఎంట‌ర్‌టైన్‌మెంట్స్ సంస్థ ఈ తెలుగు వెబ్‌సిరీస్‌ను నిర్మిస్తుంది. మీనాక్షి చౌదరి న‌టిస్తోన్న ఫ‌స్ట్ సిరీస్ ఇదే కావ‌డం గ‌మ‌నార్హం. ఓవ‌రాల్‌గా రెండోది. గ‌తంలో హిందీలో అవుట్ ఆఫ్ ల‌వ్ అనే వెబ్ సిరీస్ చేసింది.
ఈ ఏడాది సంక్రాంతికి అన‌గ‌న‌గా ఒక రాజు మూవీతో పెద్ద హిట్‌ను అందుకుంది మీనాక్షి చౌద‌రి. న‌వీన్ పొలిశెట్టి హీరోగా న‌టించిన ఈ మూవీ వంద కోట్ల వ‌సూళ్ల‌ను ద‌క్కించుకుంది. ప్ర‌స్తుతం నాగ‌చైత‌న్య వృష‌క‌ర్మ సినిమాలో హీరోయిన్‌గా న‌టిస్తోంది. ఇందులో ఆర్కియాల‌జిస్ట్ పాత్ర‌లో క‌నిపించ‌బోతున్న‌ది.