Horror OTT | ఓటీటీలోకి మైండ్‌బ్లాక్ ట్విస్ట్‌ల‌తో సాగే తెలుగు హార‌ర్ మూవీ – కాటేర‌మ్మ క‌థ‌తో

Horror OTT |  శ్ర‌ద్ధా దాస్ తెలుగులో చాలానే సినిమాలు చేసింది. స్టార్ హీరోల‌తో జోడీ క‌ట్టింది. కానీ స‌క్సెస్ ఫుల్ హీరోయిన్ అనే పేరు, గుర్తింపు మాత్రం ఈ హాట్ బ్యూటీకి ద‌క్క‌లేదు. తెలుగులో ఎక్కువ‌గా గ్లామ‌ర్ పాత్ర‌ల్లోనే క‌నిపించిన శ్ర‌ద్ధా దాస్ ఇటీవ‌లే త్రికాల పేరుతో సూప‌ర్ నాచుర‌ల్ హార‌ర్ థ్రిల్ల‌ర్ సినిమా చేసింది. మాస్ట‌ర్ మ‌హేంద్ర‌న్‌, అజ‌య్‌, ఆమ‌ని, సాహితి అవంచ ప్ర‌ధాన పాత్ర‌ల్లో న‌టించిన ఈ సినిమాకు మ‌ణి తెల్ల‌గూటి ద‌ర్శ‌క‌త్వం వ‌హించాడు.
థియేట‌ర్ల‌లో ప్రేక్ష‌కుల‌ను మెప్పించ‌లేక‌పోయిన ఈ తెలుగు హార‌ర్ మూవీ ఇటీవ‌లే స‌న్ నెక్స్ట్‌లో రిలీజైంది. తాజాగా మరో ఓటీటీలోకి వ‌చ్చింది. శుక్ర‌వారం నుంచి జియో హాట్ స్టార్‌లో స్ట్రీమింగ్ అవుతోంది.

స‌నాత‌న ధ‌ర్మం...

విభిన్న‌మైన కాన్సెప్ట్‌తో ద‌ర్శ‌కుడు త్రికాల క‌థ‌ను రాసుకున్నాడు. అనుభ‌వ‌లేమితో పాటు బ‌డ్జెట్ ప‌రిమితుల కార‌ణంగా స్క్రీన్‌పై ఆస‌క్తిక‌రంగా చెప్ప‌డంలో త‌డ‌బ‌డిపోయాడు. హార‌ర్ అంశాల‌తో పాటు స‌నాత‌న ధ‌ర్మం పాయింట్‌ను ఈ సినిమాలో ట‌చ్ చేశారు. ఇందులో శ్ర‌ద్ధా దాస్ సైకాల‌జిస్ట్ పాత్ర‌లో క‌నిపించింది.

కాటేర‌మ్మ క‌థ‌తో...

రాజ‌వంశానికి చెందిన వైత‌ర‌ణ్ సూర్యుడిని చూడ‌లేని ఓ అరుదైన వ్యాధితో బాధ‌ప‌డుతుంటాడు. ఆ వ్యాధి కార‌ణంగా ఊరికి దూరంగా ఉన్న ఓ పెద్ద బంగ‌ళాలో ఎప్పుడూ చీక‌టిలోనే బ‌తుకుతుంటాడు. అత‌డి గ‌త జ‌న్మ తాలూకు ఓ ర‌హ‌స్య అనుకోకుండా బ‌య‌ట‌ప‌డుతుంది. నిధి అనే అమ్మాయి క‌నిపించ‌కుండా పోతుంది. నిధి గురించి అత‌డి ప్రియుడు శివ వెతుకుతుంటాడు. ఈ క్ర‌మంలోనే కాటేర‌మ్మ త‌ల్లి గురించి శివ‌కు తెలుస్తుంది? ఆ మిస్ట‌రీని ఛేదించే క్ర‌మంలో శివ‌కు ఎలాంటి అనూహ్య ప‌రిణామాలు ఎదుర‌య్యాయి? వైత‌ర‌ణ్ జీవితంలోకి వ‌చ్చిన మాయ ఎవ‌రు అన్న‌దే ఈ మూవీ క‌థ‌.

యానిమ‌ల్ ఫేమ్‌...

త్రికాల మూవీకి యానిమ‌ల్‌, అర్జున్ రెడ్డి ఫేమ్ హ‌ర్ష‌వ‌ర్ధ‌న్ రామేశ్వ‌ర్ మ్యూజిక్ అందించాడు. మే నెల‌లో థియేట‌ర్ల‌లో రిలీజైన ఈ మూవీ బాక్సాఫీస్ వ‌ద్ద ఫెయిల్యూర్‌గా నిలిచింది. సిద్ధు ఫ్ర‌మ్ శ్రీకాకుళం మూవీతో హీరోయిన్‌గా టాలీవుడ్‌లోకి అడుగుపెట్టింది శ్ర‌ద్ధా దాస్‌. అధినేత‌, ఆర్య 2, డైరీ, మ‌రో చ‌రిత్ర‌, నాగ‌వ‌ల్లితో పాటు ప‌లు సినిమాలు చేసింది.