Shah Rukh Khan | హంతకుడా…ప్రేమికుడా..? – కింగ్ పోస్ట్‌పోన్ రూమ‌ర్ల‌పై స్టైలిష్‌ పోస్ట‌ర్‌తో షారుఖ్ క్లారిటీ

Shah Rukh Khan |  షారుఖ్‌ఖాన్ (Shah Rukh Khan) కింగ్ మూవీ పోస్ట్‌పోన్ కానున్న‌ట్లు గ‌త కొద్ది రోజులుగా రూమ‌ర్లు వినిపిస్తున్నాయి. డిసెంబ‌ర్ 24న విడుద‌ల కావాల్సిన ఈ మూవీ షూటింగ్‌తో పాటు పోస్ట్ ప్రొడ‌క్ష‌న్ ప‌నులు ఆల‌స్యం కావ‌డంతో వ‌చ్చే ఏడాదికి వాయిదా ప‌డిన‌ట్లు జోరుగా ప్ర‌చారం జ‌రుగుతోంది. ఈ పుకార్ల‌కు త‌న‌దైన స్టైల్‌లో బాలీవుడ్ బాద్‌షా షారుఖ్‌ఖాన్ చెక్ పెట్టారు. ఓ కొత్త పోస్ట‌ర్‌ను అభిమానుల‌తో పంచుకున్నారు. ఇందులో సాల్ట్ అండ్ పెప్ప‌ర్ లుక్‌లో పెదాల మ‌ధ్య గులాబీ పువ్వు, చేతిలో రివాల్వ‌ర్ ప‌ట్టుకొని షారుఖ్‌ఖాన్ క‌నిపిస్తోన్నారు. అత‌డి వెన‌కాల మంట‌ల్లో కాలిపోతున్న ఓ విమానం క‌నిపిస్తోంది.

హంత‌కుడిని కాదు...

ఈ పోస్ట‌ర్ వైర‌ల్ అవుతోంది. హంత‌కుడిని కాదు ప్రేమికుడిని అంటూ ఈ పోస్ట‌ర్‌కు ఇచ్చిన క్యాప్ష‌న్ ఆస‌క్తిని పంచుతోంది. డిసెంబ‌ర్ 24నే కింగ్ మూవీని ప్రేక్ష‌కుల ముందుకు తీసుకురాబోతున్న‌ట్లు షారుఖ్‌ఖాన్ క్లారిటీ ఇచ్చారు . పోస్ట్‌పోన్ రూమ‌ర్ల‌ను ఖండించారు.

సుహానా ఖాన్‌...

కింగ్ మూవీలో షారుఖ్‌ఖాన్ కూతురు సుహానా ఖాన్ ఓ కీల‌క పాత్ర‌లో క‌నిపించ‌బోతుంది. తండ్రీకూతుళ్లు క‌లిసి న‌టిస్తోన్న ఫ‌స్ట్ మూవీ ఇది. దీపికా ప‌డుకోణ్ (Deepika Padukone) హీరోయిన్‌గా న‌టిస్తోన్న ఈ సినిమాలో అభిషేక్‌బ‌చ్చ‌న్ విల‌న్‌గా న‌టిస్తున్నాడు. అనిల్ క‌పూర్‌, రాణి ముఖ‌ర్జీ ప్ర‌ధాన పాత్ర‌లు పోషిస్తున్నారు. క‌రీనా క‌పూర్ స్పెష‌ల్ సాంగ్‌లో క‌నిపించ‌బోతుంది.

అనిరుధ్ బీజీఎమ్‌...

సిద్ధార్థ్ ఆనంద్ ద‌ర్శ‌క‌త్వం వ‌హిస్తున్న ఈ సినిమాకు షారుఖ్‌ఖాన్ స‌తీమ‌ణి గౌరీ ఖాన్ ఓ ప్రొడ్యూస‌ర్‌గా వ్య‌వ‌హ‌రించ‌బోతుంది. దాదాపు 350 కోట్ల బ‌డ్జెట్‌తో రూపొందుతోన్న ఈ సినిమాకు అనిరుధ్ బీజీఎమ్ స‌మ‌కూర్చుతున్నారు.

ధురంధ‌ర్ 2 కాపీ...

కాగా కింగ్ కొత్త పోస్ట‌ర్‌ను ధురంధ‌ర్ 2తో కంపేర్ చేస్తూ కొంద‌రు నెటిజ‌న్లు పోస్ట్‌లు పెడుతోన్నారు. ధురంధ‌ర్ 2 కాపీ కొట్టి ఈ పోస్ట‌ర్‌ను డిజైన్ చేశారంటూ కామెంట్లు పెడుతోన్నారు.