Kangana Ranut | క‌లిసిరాని బాలీవుడ్ – హార‌ర్ మూవీతో టాలీవుడ్‌లోకి కంగ‌నా ర‌నౌత్ రీఎంట్రీ

Kangana Ranut |  గ‌త కొన్నేళ్లుగా కంగ‌నా ర‌నౌత్ (Kangana Ranaut) బ్యాడ్‌టైమ్ న‌డుస్తోంది. ఆమె చేసిన లేడీ ఓరియెంటెడ్ సినిమాల‌న్నీ బాక్సాఫీస్ వ‌ద్ద వ‌రుస‌గా బోల్తా కొడుతూ వ‌స్తోన్నాయి. మంచి హిట్టు అందుకొని ప‌దేళ్లు దాటిపోయింది. 2015లో రిలీజైన త‌ను వెడ్స్ మ‌ను రిట‌ర్న్స్ త‌ర్వాత కంగ‌నా న‌టించిన సినిమాల‌కు అవార్డులు వ‌చ్చినా డ‌బ్బులు మాత్రం రాలేదు. చివ‌ర‌కు తానే డైరెక్ట‌ర్‌, ప్రొడ్యూస‌ర్‌గా మారి సినిమాలు చేసింది. న‌ష్టాలే మిగిల్చ‌డం త‌ప్పితే కంగ‌నా ఆ సినిమాలే ఏ విధంగా హెల్ప‌వ్వ‌లేదు.

హారర్ థ్రిల్లర్...

బాలీవుడ్‌పై ఆశ‌లు వ‌దులుకున్న ఈ బ్యూటీ ఓ తెలుగు (Tollywood)సినిమాకు గ్రీన్‌సిగ్న‌ల్ ఇచ్చింది. దాదాపు పంతొమ్మిదేళ్ల త‌ర్వాత టాలీవుడ్‌లోకి రీఎంట్రీ ఇవ్వ‌బోతుంది. తెలుగులో వెరైటీ సినిమాల డైరెక్ట‌ర్‌గా పేరుతెచ్చుకున్న ర‌విబాబు ద‌ర్శ‌క‌త్వంలో కంగ‌నా ర‌నౌత్ ఓ సినిమాకు గ్రీన్‌సిగ్న‌ల్ ఇచ్చిన‌ట్లు స‌మాచారం. హార‌ర్ థ్రిల్ల‌ర్‌గా ఈ మూవీ రూపొందుతోన్న‌ట్లు వార్త‌లు వినిపిస్తున్నాయి.

ప్రయోగాత్మకంగా...

తెలుగులో గ‌తంలో వ‌చ్చిన హార‌ర్ (Horror Movie )సినిమాల‌కు భిన్న‌మైన పాయింట్‌తో ప్ర‌యోగాత్మ‌కంగా ఈ సినిమా ఉండ‌బోతున్న‌ట్లు తెలిసింది. ర‌విబాబు చెప్పిన పాయింట్ న‌చ్చ‌డంతో కంగ‌నా ఈ సినిమాకు గ్రీన్‌సిగ్న‌ల్ ఇచ్చిన‌ట్లు చెబుతోన్నారు. త్వ‌ర‌లోనే కంగ‌నా ర‌నౌత్ తెలుగు మూవీపై అఫీషియ‌ల్ అనౌన్స్‌మెంట్ వ‌చ్చే అవ‌కాశం ఉంద‌ని అంటున్నారు.

ప్రభాస్ మూవీ...

పంతొమ్మిదేళ్ల క్రితం ప్ర‌భాస్ (Prabhas) హీరోగా పూరి జ‌గ‌న్నాథ్ ద‌ర్శ‌క‌త్వంలో రూపొందిన ఏక్ నిరంజ‌న్ సినిమాతో టాలీవుడ్‌లోకి అడుగుపెట్టింది కంగ‌నా ర‌నౌత్‌. ప్ర‌భాస్ మూవీ ఫెయిల‌వ్వ‌డంతో కంగ‌నా మ‌ళ్లీ తెలుగులో సినిమా చేయ‌లేదు.

తమిళంలో...

ప్ర‌స్తుతం త‌మిళంలో (Kollywood)స‌ర్కిల్ పేరుతో ఓ సైక‌లాజిక‌ల్ థ్రిల్ల‌ర్ సినిమాకు గ్రీన్‌సిగ్న‌ల్ ఇచ్చింది. మాధ‌వ‌న్ హీరోగా న‌టిస్తోన్న ఈ సినిమాకు ఏఎల్ విజ‌య్ ద‌ర్శ‌క‌త్వం వ‌హిస్తున్నారు. బాలీవుడ్ సినిమాలు క‌లిసిరాక‌పోవ‌డంతోనే ద‌క్షిణాది సినిమాల‌పై ఈ బీజేపీ ఎంపీ ఫోక‌స్ పెడుతోన్న‌ట్లు ప్ర‌చారం జరుగుతోంది.