Satyadev | స‌మ‌వ‌ర్తిగా స‌త్య‌దేవ్ – టాలీవుడ్‌కు కొత్త జాన‌ర్‌ను ప‌రిచ‌యం చేస్తోన్న హీరో

Satyadev |  కెరీర్ ఆరంభం నుంచి డిఫ‌రెంట్ కాన్సెప్ట్‌ల‌ను ఎంచుకుంటూ సినిమాలు చేస్తోన్నాడు స‌త్య‌దేవ్‌. రిజ‌ల్ట్‌తో సంబంధం లేకుండా క‌థ‌, పాత్ర‌ల ప‌రంగా ప్ర‌యోగాలు చేయ‌డానికి వెనుకాడ‌టం లేదు. వెరైటీ జాన‌ర్‌తో త‌న నెక్స్ట్ మూవీని చేయ‌బోతున్నాడు. అచ్చ తెలుగు టైటిల్‌తో ఈ సినిమా ప్రేక్ష‌క‌లు ముందుకు రాబోతుంది. స‌త్య‌దేవ్ కొత్త సినిమాకు సమవర్తి అనే టైటిల్ ను ఖరారు చేశారు. శుక్ర‌వారం ఈ మూవీ టైటిల్ తో పాటు ఫస్ట్ లుక్ పోస్టర్ రిలీజ్ చేశారు. సత్యదేవ్ హీరోగా నటిస్తున్న 16వ చిత్రమిది. ఈ సినిమాకు అజ‌య్ నాగ్ వి ద‌ర్శ‌క‌త్వం వ‌హిస్తున్నారు.

ఎకోలాజిక‌ల్‌...

స‌మ‌వ‌ర్తి ఫ‌స్ట్ లుక్ పోస్ట‌ర్‌లో సత్యదేవ్ చుట్టూ ర‌క్తం మ‌ర‌క‌ల‌తో కూడిన గొడ్డళ్లు, కత్తులు ఉన్నాయి. ఆయుధాలు త‌న‌వైపు దూసుకొస్తున్నా ఎలాంటి భ‌యం లేకుండా హెడ్ ఫోన్స్ లో పాటలు వింటూ కూల్‌గా ఇంటెన్స్ లుక్‌లో స‌త్య‌దేవ్ ఈ పోస్ట‌ర్‌లో క‌నిపిస్తున్నాడు. బ్యాక్‌డ్రాప్‌లో పులితో పాటు గిరిజ‌నులు వాడే కొన్ని ఆయుధాలు, వ‌స్తువులు ఉండ‌టం ఆస‌క్తిని పంచుతోంది. ఎకోలాజికల్ యాక్షన్ థ్రిల్లర్ అనే విభిన్న‌మైన‌ జాన‌ర్‌లో ఈ సినిమా రూపొందుతోంద‌ట‌. తెలుగుతో పాటు త‌మిళం, మ‌ల‌యాళం, క‌న్న‌డ భాష‌ల్లో ఈ సినిమాను రిలీజ్ చేయ‌బోతున్న‌ట్లు ప్ర‌క‌టించారు. స‌మ‌వ‌ర్తిలో సత్యదేవ్ తో పాటు దిలీష్ పోతన్, రాజీవ్ కనకాల, గనవి లక్ష్మణ్, రవీంద్ర విజయ్, మోహన్ భగత్ కీల‌క పాత్ర‌ల్లో న‌టిస్తోన్నారు.

మ‌హేష్‌బాబు ప్ర‌జెంట‌ర్‌...

మ‌రోవైపు స‌త్య‌దేవ్ హీరోగా న‌టించిన రావు బ‌హ‌దూర్ మూవీ జూలై 3న థియేట‌ర్ల‌లోకి రాబోతుంది. టాలీవుడ్ అగ్ర హీరో మ‌హేష్‌బాబు ప్ర‌జెంట‌ర్‌గా వ్య‌వ‌హ‌రిస్తోన్న ఈ సినిమాకు వెంక‌టేష్ మ‌హా ద‌ర్శ‌క‌త్వం వ‌హిస్తున్నారు.