Faria Abdullah | క‌మ‌ల్‌హాస‌న్ డైరెక్ట‌ర్‌తో ఫ‌రియా అబ్దుల్లా తెలుగు వెబ్‌సిరీస్ – టైటిల్ ఇదే

Faria Abdullah | జాతిర‌త్నాలు బ్యూటీ ఫ‌రియా అబ్దుల్లా తెలుగులో ఫ‌స్ట్ టైమ్ ఓ వెబ్‌సిరీస్‌కు గ్రీన్‌సిగ్న‌ల్ ఇచ్చింది. ట్ర‌య‌ల్ అండ్ ఎర్ర‌ర్ పేరుతో తెర‌కెక్కుతోన్న ఈ సిరీస్‌కు క‌మ‌ల్‌హాస‌న్ చీక‌టిరాజ్యం ఫేమ్ రాజేష్ సెల్వ ద‌ర్శ‌క‌త్వం వ‌హించ‌బోతున్నారు. ట్ర‌య‌ల్ అండ్ ఎర్ర‌ర్ సిరీస్ పూజా కార్య‌క్ర‌మాల‌తో ఆదివారం లాంఛ్ అయ్యింది. ఈ సిరీస్‌లో ఫ‌రియా అబ్దుల్లాతో పాటు స‌త్య‌దేవ్‌, ర‌మ్య‌కృష్ణ కీల‌క పాత్ర‌ల్లో క‌నిపించ‌బోతున్నారు. వారితో పాటు విరాజ్ అశ్విన్‌, చైత‌న్య‌కృష్ణ‌, వ‌ర్ష బొల్ల‌మ్మ కూడా న‌టిస్తున్నారు.

ప‌వ‌న్ క‌ళ్యాణ్ ప్రొడ్యూస‌ర్‌...

ఈ వెబ్‌సిరీస్ లాంఛ్ ఈవెంట్‌కు నిర్మాత అల్లు అర‌వింద్ గెస్ట్‌గా హాజ‌ర‌య్యారు. ప‌వ‌న్ క‌ళ్యాణ్‌తో గోపాల గోపాల‌, కాట‌మ‌రాయుడు, స‌ర్ధార్ గ‌బ్బ‌ర్‌సింగ్ సినిమాల‌ను నిర్మించిన శ‌ర‌త్ మ‌రార్ ట్ర‌య‌ల్ అండ్ ఎర్ర‌ర్‌కు ప్రొడ్యూస‌ర్‌గా వ్య‌వ‌హ‌రించ‌బోతున్నారు.

పోటాపోటీగా...

గ్రిప్పింగ్ యాక్ష‌న్ థ్రిల్ల‌ర్‌గా డైరెక్ట‌ర్ రాజేశ్ సెల్వ ఈ సిరీస్‌ను తెర‌కెక్కించ‌బోతున్నారు. స‌త్య‌దేవ్‌, ర‌మ్య‌కృష్ణ‌, ఫ‌రియా అబ్దుల్లా పాత్ర‌లు, వారి న‌ట‌న పోటాపోటీగా ఉంటాయ‌ని మేక‌ర్స్ వెల్ల‌డించారు.
స‌త్య‌దేవ్‌, ఫ‌రియా అబ్దుల్లా ...ఇద్ద‌రూ యాక్టింగ్‌లో ప్ర‌తిభ‌ను చాటుతున్నా స‌రైన విజ‌యాలు మాత్రం ద‌క్క‌డం లేదు. జాతిర‌త్నాలు త‌ర్వాత మ‌రో హిట్టు కోసం ఫ‌రియా అబ్దుల్లా చాలా కాలంగా ఎదురుచూస్తోంది. ఇటీవ‌లే సిగ్మా మూవీతో తెలుగు, త‌మిళ ప్రేక్ష‌కుల‌ను ప‌ల‌క‌రించింది. ద‌ళ‌ప‌తి విజ‌య్ త‌న‌యుడు జాస‌న్ సంజ‌య్ ద‌ర్శ‌క‌త్వం వ‌హించిన ఈ మూవీ డిజాస్ట‌ర్‌గా నిలిచింది.