Sara Arjun | ధురంధర్ 2 మూవీ కోసం సారా అర్జున్ రెమ్యూనరేషన్ మ‌రీ అంత త‌క్కువా?

Sara Arjun | బాలీవుడ్‌తో పాటు టాలీవుడ్ బాక్సాఫీస్ వ‌ద్ద ధురంధ‌ర్ 2 హ‌వా కొన‌సాగుతోంది. రిలీజై మూడు రోజులు అవుతోన్న ఇప్ప‌టికీ ఈ సినిమా టికెట్స్ దొర‌క‌డం లేదు. రోజు రోజుకు ఈ బాలీవుడ్ మూవీ క్రేజ్ పెరుగుతుంది త‌ప్పితే త‌గ్గ‌డం లేదు. రెండు రోజుల్లోనే వ‌ర‌ల్డ్ వైడ్‌గా ధురంధ‌ర్ 2 330 కోట్ల వ‌సూళ్ల‌ను సాధించింది. ఫ‌స్ట్ వీకెండ్‌లో హ‌య్యెస్ట్ క‌లెక్ష‌న్స్ రాబ‌ట్టిన ఇండియ‌న్ సినిమా దిశ‌గా ధురంధ‌ర్ 2 సాగుతోంది. ధురంధ‌ర్ 2 ప్ర‌భంజ‌నం చూస్తుంటే ఈ బాలీవుడ్ ఈజీగా రెండు వేల కోట్ల వ‌సూళ్ల‌ను రాబ‌ట్ట‌డం ఖాయ‌మ‌ని అంటున్నారు.

తెలుగులో హౌజ్‌ఫుల్‌...

ధురంధ‌ర్ 2 తెలుగు, త‌మిళ‌, మ‌ల‌యాళ వెర్ష‌న్లు శ‌నివారం రిలీజ‌య్యాయి. తెలుగులో హౌజ్‌ఫుల్స్‌తో ఈ సినిమా దూసుకుపోతుంది.
ధురంధ‌ర్‌ ఆదిత్య ధ‌ర్ టేకింగ్‌, మేకింగ్‌, ర‌ణ‌వీర్‌సింగ్‌, సంజ‌య్ ద‌త్‌, మాధ‌వ‌న్ తో పాటు ఇత‌ర న‌టీన‌టుల యాక్టింగ్‌పై ప్ర‌శంస‌ల వ‌ర్షం కురుస్తోంది. ఇండియ‌న్ సినిమాల్లో ట్రెండ్ సెట్ట‌ర్‌, బెంచ్ మార్క్ అంటూ ప్ర‌శంస‌లు కురిపిస్తోన్నారు.

అతి త‌క్కువ రెమ్యూన‌రేష‌న్...

ఈ స్పై యాక్ష‌న్ మూవీలో సారా అర్జున్ హీరోయిన్‌గా న‌టించింది. ఈ సినిమాతోనే బాలీవుడ్‌లోకి ఎంట్రీ ఇచ్చింది. ర‌ణ‌వీర్‌సింగ్ ప్రియురాలిగా, భార్య‌గా డిఫ‌రెంట్ షేడ్స్‌తో కూడిన క్యారెక్ట‌ర్‌లో క‌నిపించింది. ధురంధ‌ర్‌, ధురంధ‌ర్ 2 సినిమాల కోసం సారా అర్జున్ తీసుకున్న రెమ్యూన‌రేష‌న్ బాలీవుడ్ వ‌ర్గాల్లో ఆస‌క్తిక‌రంగా మారింది. ఈ రెండు సినిమాల‌కు క‌లిపి కేవ‌లం కోటి రూపాయ‌లు మాత్ర‌మే సారా అర్జున్‌కు రెమ్యూన‌రేష‌న్‌గా మేక‌ర్స్ అంద‌జేశార‌ట‌. ఈ సినిమాల కోసం అతి త‌క్కువ రెమ్యూన‌రేష‌న్ అందుకున్న‌ది ఆమెన‌ని అంటున్నారు.
సారా అర్జున్ రెమ్యూన‌రేష‌న్ విష‌యంలో ధురంధ‌ర్ 2 మేక‌ర్స్‌పై నెటిజ‌న్లు విమ‌ర్శ‌లు కురిపిస్తున్నారు. మ‌రీ అంత త‌క్కువా అంటూ కామెంట్స్ పెడుతున్నారు. మూడు వేల కోట్ల సినిమాలో న‌టించినందుకు కోటి ఇవ్వ‌డం ఏంటి అని ట్రోల్స్ చేస్తున్నారు. రెమ్యూన‌రేష‌న్ విష‌యంలో ద‌క్షిణాది ఇండ‌స్ట్రీనే బెట‌ర్ అంటూ పేర్కొంటున్నారు. నెటిజ‌న్ల కామెంట్స్ వైర‌ల్ అవుతోన్నాయి.

లాభాల్లో వాటా...

ధురంధ‌ర్ రెండు పార్టుల‌కు క‌లిపి ర‌ణ‌వీర్‌సింగ్ యాభై కోట్ల‌కుపైనే రెమ్యూన‌రేష‌న్ అందుకున్నాడ‌ట‌. లాభాల్లో వాటా కూడా అత‌డికి ద‌క్కిన‌ట్లు స‌మాచారం. ఈ సినిమాల ద్వారా హీరో వంద‌ల కోట్లు సంపాదిస్తే హీరోయిన్‌కు మాత్రం కోటి ఇవ్వ‌డం అన్యాయ‌మంటూ నెటిజ‌న్లు కామెంట్లు పెడుతున్నారు. బాలీవుడ్‌లో లింగ వివ‌క్ష ఏ రేంజ్‌లో ఉందో చెప్ప‌డానికి ఇదే బెస్ట్ ఎంగ్జాంపుల్‌ అని అంటున్నారు.