Sara Arjun | రామ్‌చ‌ర‌ణ్‌కు జోడీగా ధురంధ‌ర్ హీరోయిన్? – ఆర్‌సీ 17పై కొత్త రూమ‌ర్‌

Sara Arjun |  ధురంధ‌ర్ బ్యూటీ సారా అర్జున్ తెలుగులో గోల్డెన్ ఛాన్స్ ద‌క్కించుకున్న‌ట్లు స‌మాచారం. ధురంధ‌ర్ మూవీతో ఓవ‌ర్‌నైట్‌లోనే స్టార్‌గా మారిపోయింది ఈ ముంబై బ్యూటీ. రెండు పార్ట్‌లుగా తెర‌కెక్కిన ఈ సినిమాలో ర‌ణ్‌వీర్‌సింగ్ ప్రియురాలిగా, భార్య‌గా ఎమోష‌న‌ల్ రోల్‌తో అద్భుత న‌ట‌న‌ను క‌న‌బ‌రిచింది.. ధురంధ‌ర్‌, ధురంధ‌ర్ 2 సినిమాలు నిర్మాత‌ల‌కు లాభాల పంట‌ను పండించాయి. రెండు పార్ట్‌లు క‌లిపి 3200 కోట్ల‌కుపైగా వ‌సూళ్ల‌ను ద‌క్కించుకున్నారు. హీరోయిన్‌గా అరంగేట్రంలోనే బాలీవుడ్‌లో బ్యాక్ టూ బ్యాక్ బ్లాక్‌బ‌స్ట‌ర్ల‌ను ద‌క్కించుకున్న హీరోయిన్‌గా సారా అర్జున్ రికార్డ్ క్రియేట్ చేసింది.

ల‌క్కీ ఛాన్స్‌...

ధురంధ‌ర్ 2 త‌ర్వాత ఈ బ్యూటీకి అగ్ర ద‌ర్శ‌కుల నుంచి ఆఫ‌ర్లు వ‌స్తున్నాయి. తాజాగా తెలుగులో సారా అర్జున్ ఓ ల‌క్కీ ఛాన్స్ ద‌క్కించుకున్న‌ట్లు స‌మాచారం. మెగా హీరో రామ్‌చ‌ర‌ణ్‌తో జోడీక‌ట్ట‌బోతున్న‌ట్లు చెబుతోన్నారు.

ఆర్‌సీ 17...

రంగ‌స్థ‌లం త‌ర్వాత రామ్‌చ‌ర‌ణ్, డైరెక్ట‌ర్ సుకుమార్ కాంబినేష‌న్‌లో ఓ మూవీ రాబోతుంది. స్టైలిష్ యాక్ష‌న్ ఎంట‌ర్‌టైన‌ర్‌గా తెర‌కెక్కుతోన్న ఈ సినిమా ద‌స‌రాకు గ్రాండ్‌గా లాంఛ్ కానున్న‌ట్లు ప్ర‌చారం జ‌రుగుతోంది. న‌వంబ‌ర్ నుంచి రెగ్యుల‌ర్ షూటింగ్‌ను మొద‌లుపెట్టేందుకు మేక‌ర్స్ స‌న్నాహాలు చేస్తున్నారు. రామ్‌చ‌ర‌ణ్ హీరోగా న‌టిస్తోన్న ప‌దిహేడ‌వ మూవీ ఇది. ఈ సినిమాకు ఆర్‌సీ 17 అనే వ‌ర్కింగ్ టైటిల్‌ను ఖ‌రారు చేశారు.

కియారా అద్వానీ, కృతి స‌న‌న్‌...

కాగా ఆర్‌సీ 17లో హీరోయిన్ కోసం సుకుమార్ అండ్ టీమ్ గ‌త కొద్ది రోజులుగా అన్వేష‌ణ సాగిస్తున్నారు. ర‌ష్మిక మంద‌న్న‌, కియారా అద్వానీ, కృతి స‌న‌న్‌తో పాటు ప‌లువురు నాయిక‌ల పేర్లు ప్ర‌చారంలోకి వ‌చ్చాయి. వీరంద‌రిని కాద‌ని ఈ ఛాన్స్‌ను సారా అర్జున్ ద‌క్కించుకున్న‌ట్లు స‌మాచారం. ధురంధ‌ర్ 2లో సారా అర్జున్ న‌ట‌న‌కు సుకుమార్ తెగ ఇంప్రెస్ అయిన‌ట్లు తెలిసింది. ఈ బాలీవుడ్ మూవీ చూసే ఆర్‌సీ 17లో ముంబై బ్యూటీని హీరోయిన్‌గా సెలెక్ట్ చేసిన‌ట్లు టాక్ వినిపిస్తోంది. సెప్టెంబ‌ర్‌లో రామ్‌చ‌ర‌ణ్, సారా అర్జున్‌ల‌పై ఓ ఫొటో షూట్ నిర్వ‌హించ‌బోతున్న‌ట్లు చెబుతున్నారు. ఆ ఫొటో షూట్ త‌ర్వాతే సారా అర్జున్ పేరును అఫీషియ‌ల్‌గా క‌న్ఫామ్ చేసే అవ‌కాశం ఉంద‌ని అంటున్నారు.