Rashmika Mandanna | కాక్‌టెయిల్ 2 వ‌ర్సెస్ మా ఇంటి బంగారం – స‌మంత సినిమాకు లాభాలు – ర‌ష్మిక సినిమాకు న‌ష్టాలు

Rashmika Mandanna |  గ‌త వారం బాక్సాఫీస్ వ‌ద్ద స్టార్ హీరోయిన్లు ర‌ష్మిక మంద‌న్న‌, స‌మంత త‌మ సినిమాల‌తో పోటీప‌డ్డారు. ఈ బాక్సాఫీస్ వార్‌లో స‌మంత విన్న‌ర్‌గా నిల‌వ‌గా...ర‌ష్మిక సినిమా న‌ష్టాల‌తో డిస‌పాయింట్ చేసింది. జూన్ 19న స‌మంత తెలుగు మూవీ మా ఇంటి బంగారంతో పాటు ర‌ష్మిక మంద‌న్న బాలీవుడ్ సినిమా కాక్ టెయిల్ 2 ప్రేక్ష‌కుల ముందుకొచ్చాయి.

యాభై తొమ్మిది కోట్లు...

క్రైమ్ కామెడీగా రూపొందిన మా ఇంటి బంగారం మూవీకి నందిని రెడ్డి ద‌ర్శ‌క‌త్వం వ‌హించారు. భ‌ర్త రాజ్ నిడిమోరుతో క‌లిసి స‌మంత ఈ సినిమాను నిర్మించింది. ప్రీమియ‌ర్ షోస్‌ నుంచే పాజిటివ్ టాక్‌ను సొంతం చేసుకున్న మా ఇంటి బంగారం రిలీజై వారం రోజులు దాటినా హౌజ్‌ఫుల్స్‌తో అద‌ర‌గొడుతోంది. తొలి వారంలో వ‌ర‌ల్డ్ వైడ్‌గా ఈ తెలుగు సినిమా యాభై తొమ్మిది కోట్ల‌కుపైగా వ‌సూళ్ల‌ను ద‌క్కించుకుంది. 12 కోట్ల బ్రేక్ ఈవెన్ టార్గెట్‌తో రిలీజైన మా ఇంటి బంగారం నిర్మాత‌ల‌కు ఇప్ప‌టివ‌ర‌కు ప‌దిహేను కోట్ల‌కుపైగా లాభాల‌ను తెచ్చిపెట్టిన‌ట్లు ట్రేడ్ వ‌ర్గాలు చెబుతోన్నాయి. గురువారం రోజు కూడా 2.65 కోట్ల‌కుపైగా వ‌సూళ్ల‌ను ద‌క్కించుకుంది. మా ఇంటి బంగారం మూవీలో దిగంత్‌, గుల్ష‌న్ దేవ‌య్య కీల‌క పాత్ర‌ల్లో క‌నిపించారు.

బ్లాక్‌బ‌స్ట‌ర్ అనుకుంటే...

ర‌ష్మిక మంద‌న్న బాలీవుడ్ మూవీ మాత్రం రిలీజై వారం రోజులు దాటినా ఇప్ప‌టికీ లాభాల్లోకి అడుగుపెట్ట‌లేదు. వ‌ర‌ల్డ్ వైడ్‌గా 110 కోట్ల బ్రేక్ ఈవెన్ టార్గెట్‌తో రిలీజైన ఈ మూవీ ఫ‌స్ట్ వీక్‌లో 74 కోట్ల క‌లెక్ష‌న్స్ ద‌క్కించుకుంది. ఈ సినిమా ప్రాఫిట్ మార్క్‌ను ట‌చ్ చేయాలంటే ఇంకో 36 కోట్ల‌కుపైనే వ‌సూళ్ల‌ను రావాల్సివుంద‌ని ట్రేడ్ వ‌ర్గాలు చెబుతోన్నాయి. రోజురోజుకు క‌లెక్ష‌న్స్ త‌గ్గుముఖం ప‌డుతోన్న నేప‌థ్యంలో కాక్ టెయిల్ 2 హిట్టు కావ‌డం క‌ష్ట‌మేన‌ని అంటున్నారు. ఓపెనింగ్ బాగానే వ‌చ్చినా సినిమా కాన్సెప్ట్‌తో పాటు ర‌ష్మిక రోల్‌పై విమ‌ర్శ‌లు రావ‌డం మైన‌స్‌గా మారింది.

దీపికా ప‌డుకోణ్ సినిమాకు సీక్వెల్‌

కాక్ టెయిల్ 2లో షాహిద్‌క‌పూర్ హీరోగా న‌టించ‌గా...ర‌ష్మిక మంద‌న్న‌తో పాటు కృతి స‌న‌న్ మ‌రో నాయిక‌గా న‌టించింది. హోమీ అద్జానియా ద‌ర్శ‌క‌త్వం వ‌హించాడు. దీపికా ప‌డుకోణ్ హీరోయిన్‌గా న‌టించిన కాక్ టెయిల్ మూవీకి సీక్వెల్‌గా ఈ బాలీవుడ్ రొమాంటిక్ మూవీ రూపొందింది.