Samantha | వంద కోట్లకు చేరువ‌లో స‌మంత సినిమా – టాలీవుడ్ హిస్ట‌రీలోనే ఫ‌స్ట్ టైమ్‌

Samantha |  మా ఇంటి బంగారం మూవీతో అదిరిపోయే క‌మ్‌బ్యాక్ ఇచ్చింది స‌మంత‌. ఈ క్రైమ్ కామెడీ మూవీ రిలీజై రెండు వారాలు దాటింది. అయినా రోజురోజుకు క‌లెక్ష‌న్స్ పెరుగుతున్నాయి త‌ప్పితే త‌గ్గ‌డం లేదు. వంద కోట్ల క్ల‌బ్‌కు చేరువ‌లో ఉన్న మా ఇంటి బంగారం తాజాగా స‌రికొత్త రికార్డును క్రియేట్ చేసింది. టాలీవుడ్‌లోనే హ‌య్యెస్ట్ క‌లెక్ష‌న్స్ రాబ‌ట్టిన లేడీ ఓరియెంటెడ్ మూవీగా నిలిచింది. ఈ వీకెండ్‌లోనే మా ఇంటి బంగారం మూవీ వంద కోట్ల మైలురాయిని ట‌చ్ చేయ‌వ‌చ్చ‌ని ట్రేడ్ వ‌ర్గాలు అంచ‌నా వేస్తున్నాయి. తెలుగులో ఇప్ప‌టివ‌ర‌కు ఏ ఫిమేల్ సెంట్రిక్ మూవీకి వంద కోట్ల క‌లెక్ష‌న్స్ రాబ‌ట్ట‌లేదు. ఈ ఘ‌న‌త‌ను సాధించిన ఫ‌స్ట్ హీరోయిన్‌గా స‌మంత చ‌రిత్ర‌ను తిర‌గ‌రాయ‌డం ఖాయ‌మ‌ని అంటున్నారు.

92 కోట్లు...

ఇప్ప‌టివ‌ర‌కు మా ఇంటి బంగారం సినిమాకు 92 కోట్ల వ‌సూళ్లు వ‌చ్చిన‌ట్లు మేక‌ర్స్ అఫీషియ‌ల్‌గా ప్ర‌క‌టించారు. ఓ పోస్ట‌ర్‌ను అభిమానుల‌తో పంచుకున్నారు. తెలుగులో హ‌య్యెస్ట్ క‌లెక్ష‌న్స్ రాబ‌ట్టిన మ‌హిళా ప్ర‌ధాన సినిమాల్లో మ‌హాన‌టి 85 కోట్ల‌తో ఇన్నాళ్లు నంబ‌ర్ వ‌న్ ప్లేస్‌లో కొన‌సాగింది. కీర్తి సురేష్ సినిమా రికార్డును స‌మంత దాటేసింది.

30 కోట్ల లాభాలు...

మా ఇంటి బంగారం మూవీకి నందిని రెడ్డి ద‌ర్శ‌క‌త్వం వ‌హించారు. క్రైమ్ ఫ్యామిలీ డ్రామాగా రూపొందిన ఈ సినిమాను భ‌ర్త రాజ్ నిడిమోరుతో క‌లిసి స‌మంత నిర్మించింది. మా ఇంటి బంగారంతో ఈ జంట జాక్‌పాట్ కొట్టేశారు. థియేట్రిక‌ల్ ర‌న్‌లోనే దాదాపు 30 కోట్ల వ‌ర‌కు స‌మంత‌, రాజ్ నిడిమోరుల‌కు లాభాలు వ‌చ్చిన‌ట్లు స‌మాచారం. ఓటీటీ, శాటిలైట్ రైట్స్ కూడా భారీ ధ‌ర‌కే అమ్ముడుపోయాయి. మొత్తంగా ఈ సినిమాతో స‌మంత‌కు యాభై కోట్లపైనే ప్రాఫిట్స్ రావ‌చ్చున‌ని అంచ‌నా వేస్తున్నారు.

న‌క్స‌లైట్‌గా...

మా ఇంటి బంగారంలో న‌క్స‌లైట్‌గా, త‌న కుటుంబాన్ని కాపాడుకునే కోడ‌లిగా డిఫ‌రెంట్ వేరియేష‌న్స్‌తో కూడిన పాత్ర‌లో స‌మంత అద్భుత న‌ట‌న‌ను క‌న‌బ‌రిచింది. ఈ సినిమాలో స‌మంత‌పై తెర‌కెక్కించిన యాక్ష‌న్ సీక్వెన్స్‌లు అభిమానుల‌ను ఆక‌ట్టుకుంటున్నాయి. ఈ లేడీ ఓరియెంటెడ్ మూవీలో గుల్ష‌న్ దేవ‌య్య‌, దిగంత్ కీల‌క పాత్ర‌లు పోషించారు. సంతోష్ నారాయ‌ణ‌న్ మ్యూజిక్ అందించాడు. మా ఇంటి బంగారం మూవీ ప్ర‌మోష‌న్స్‌లోనే తాను త‌ల్లి కాబోతున్న‌ట్లు స‌మంత ప్ర‌క‌టించింది. మాతృత్వ బంధం కార‌ణంగా ఏడాది పాటు సినిమాల‌కు స‌మంత గ్యాప్ ఇవ్వ‌బోతున్న‌ట్లు ప్ర‌చారం జ‌రుగుతోంది.