Rashmika Mandanna | బేబీ బంప్‌తో ర‌ష్మిక – ర‌ణ‌బాలికి ప్యాక‌ప్ చెప్పిన జ‌య‌మ్మ‌

Rashmika Mandanna |  పెళ్లి త‌ర్వాత విజ‌య్ దేవ‌ర‌కొండ‌, ర‌ష్మిక మంద‌న్న ఫ‌స్ట్ టైమ్ జంట‌గా క‌లిసి న‌టిస్తున్న మూవీ ర‌ణ‌బాలి. హిస్టారిక‌ల్ యాక్ష‌న్ ఎంట‌ర్‌టైన‌ర్‌గా తెర‌కెక్కుతోన్న ఈ సినిమాకు రాహుల్ సాంకృత్యాన్ ద‌ర్శ‌క‌త్వం వ‌హిస్తున్నారు. 1870 ద‌శ‌కంలో బ్రిటీష్ పాల‌కుల అకృత్యాల‌ను ఎదురించి పోరాడిన రాయ‌ల‌సీమ‌కు చెందిన ఓ యోధుడి క‌థ‌తో ర‌ణ‌బాలి తెర‌కెక్కుతోంది.

ద‌స‌రాకు థియేట‌ర్ల‌లోకి...

ద‌స‌రా కానుక‌గా అక్టోబ‌ర్ 16న ర‌ణ‌బాలి థియేట‌ర్ల‌లోకి రాబోతుంది. సెప్టెంబ‌ర్‌లోనే ఈ సినిమాను విడుద‌ల చేయాల‌ని మేక‌ర్స్ ప్లాన్ చేశారు. మైసా షూటింగ్ ర‌ష్మిక మంద‌న్న గాయ‌ప‌డ‌టంతో ద‌స‌రాకు వాయిదా ప‌డింది. కాగా ర‌ణ‌బాలి మూవీలో త‌న పాత్ర‌కు సంబంధించిన షూటింగ్‌ను ర‌ష్మిక పూర్తిచేసింది. ఈ విష‌యాన్ని వెల్ల‌డిస్తూ మేక‌ర్స్ ఓ వీడియోను రిలీజ్ చేశారు. ఈ వీడియోలో ర‌ష్మిక ప్రెగ్నెన్సీతో క‌నిపించ‌డం ఆస‌క్తిని పంచుతోంది. ఈ వీడియోలో చిత్ర‌బృందానికి ర‌ష్మిక వీడ్కోలు ప‌లుకుతూ ఎమోష‌న‌ల్ అయ్యింది. భ‌ర్త విజ‌య్ దేవ‌ర‌కొండ‌ను కౌగిలించుకుంది. ఈ వీడియో నెటిజ‌న్ల‌ను ఆక‌ట్టుకుంటోంది.

జ‌య‌మ్మ‌...

ర‌ణ‌బాలిలో జ‌య‌మ్మ అనే పాత్ర‌లో ర‌ష్మిక మంద‌న్న క‌నిపించ‌బోతుంది. ఇందులో విజ‌య్‌, ర‌ష్మిక భార్యాభ‌ర్త‌లుగా న‌టిస్తున్నారు. హాలీవుడ్ న‌టుడు అర్నాల్డ్ వోస్లో విల‌న్‌గా న‌టిస్తున్న ఈ సినిమాను మైత్రీ మూవీ మేక‌ర్స్ నిర్మిస్తోంది. బాలీవుడ్ మ్యూజిక్ డైరెక్ట‌ర్స్ అజ‌య్ - అతుల్ సంగీతాన్ని అందిస్తున్నారు. ఈ వారంలోనే ర‌ణ‌బాలి షూటింగ్ మొత్తం పూర్తికానున్న‌ట్లు స‌మాచారం.

మైసా...

ర‌ణ‌బాలితో పాటు తెలుగులో మైసా సినిమా చేస్తోంది ర‌ష్మిక‌. ఈ లేడీ ఓరియెంటెడ్ యాక్ష‌న్ మూవీ న‌వంబ‌ర్ 27న థియేట‌ర్ల‌లోకి వ‌స్తోంది. ఎంఎస్‌సుబ్బుల‌క్ష్మి బ‌యోపిక్‌లో హీరోయిన్‌గా ర‌ష్మిక క‌న్ఫామ్ అయ్యింది.

It's a wrap for Jayamma ✨

We will dearly miss you on sets, @iamRashmika ❤️

The much loved #EndhayyaSaami out very soon.#RanabaaliTeaser TRENDING #1 on YouTube 🔥
▶️https://t.co/tqKGJM7RdG#Ranabaali GRAND RELEASE WORLDWIDE ON 16.10.26.#NeverForget#RanabaaliOnOct16th pic.twitter.com/qHX008QMkF

— Mythri Movie Makers (@MythriOfficial) September 13, 2026