Rashmika Mandanna | తెలుగులో హారర్ మూవీకి రష్మిక మందన్న గ్రీన్ సిగ్నల్ – డైరెక్ట‌ర్ ఎవ‌రంటే?

Rashmika mandanna | 2025 ర‌ష్మిక మంద‌న్న‌(Rashmika Mandanna) కు బాగా క‌లిసివ‌చ్చింది. తెలుగు(Tollywood), హిందీ భాష‌ల్లో క‌లిసి ఈ ఏడాది ఐదు సినిమాలు చేసింది. అందులో నాలుగు బ్లాక్‌బ‌స్ట‌ర్స్‌గా నిలిచాయి. బాలీవుడ్‌లో ర‌ష్మిక హీరోయిన్‌గా న‌టించిన ఛావా, థామా బాక్సాఫీస్ వ‌ద్ద కాసుల వ‌ర్షం కురిపించాయి. తెలుగులో కుబేర‌తో తో పాటు ఇటీవ‌ల రిలీజైన ది గ‌ర్ల్‌ఫ్రెండ్ సినిమాతో ప్రేక్ష‌కుల‌ను మెప్పించింది.
ఈ విజ‌యాల‌తో ఫుల్ జోష్‌లో ఉన్న ర‌ష్మిక మంద‌న్న టాలీవుడ్‌లో మ‌రో క్రేజీ ప్రాజెక్ట్‌కు గ్రీన్‌సిగ్న‌ల్ ఇచ్చిన‌ట్లు స‌మాచారం. ఓ లేడీ ఓరియెంటెడ్‌ హార‌ర్ మూవీ చేయ‌నున్న‌ట్లు టాక్ వినిపిస్తోంది. ఈ సినిమాకు జాతిర‌త్నాలు ఫేమ్ కేవీ అనుదీప్ ద‌ర్శ‌క‌త్వం వ‌హించ‌నున్న‌ట్లు టాలీవుడ్ వ‌ర్గాలు చెబుతున్నాయి. అనుదీప్ శైలి కామెడీ ట‌చ్ ఉంటూనే ఈ సినిమా చివ‌రి వ‌ర‌కు భ‌య‌పెడుతుంద‌ట‌. ఇటీవ‌లే ర‌ష్మిక‌ను క‌లిసిన అనుదీప్ క‌థ‌ను వినిపించిన‌ట్లు చెబుతున్నారు. అయితే ప్ర‌స్తుతం ఉన్న బిజీ షెడ్యూల్స్ కార‌ణంగా ర‌ష్మిక ఇంకా ఈ సినిమాకు ఓకే చెప్ప‌లేద‌ట‌.
థామా త‌ర్వాత ర‌ష్మిక న‌టిస్తున్న సెకండ్ హార‌ర్ మూవీ ఇది. తెలుగులో మాత్రం ర‌ష్మిక హార‌ర్ సినిమా చేయ‌డం ఇదే ఫ‌స్ట్ టైమ్‌. త్వ‌ర‌లోనే ర‌ష్మిక మంద‌న్న‌, కేవీ అనుదీప్ సినిమాకు సంబంధించిన అఫీషియ‌ల్ అనౌన్స్‌మెంట్ రావ‌చ్చున‌ని అంటున్నారు.
ప్ర‌స్తుతం ర‌ష్మిక మంద‌న్న మూడు సినిమాలు చేస్తూ బిజీగా ఉంది. తెలుగులో మైసా పేరుతో ఓ ఫిమేల్ సెంట్రిక్ మూవీ చేస్తుంది. గోండు తెగ‌ల బ్యాక్‌డ్రాప్‌లో తెర‌కెక్కుతున్న ఈ సినిమాలో వారియ‌ర్ ప్రిన్స్ త‌ర‌హా పాత్ర‌లో ర‌ష్మిక మంద‌న్న క‌నిపించ‌బోతున్న‌ది. కాబోయే భ‌ర్త విజ‌య్ దేవ‌ర‌కొండ‌తో ఓ హిస్టారిక‌ల్ మూవీలో న‌టిస్తోంది. గీత గోవిందం, డియ‌ర్ కామ్రేడ్ త‌ర్వాత విజ‌య్, ర‌ష్మిక కాంబినేష‌న్‌లో తెర‌కెక్కుతున్న ఈ సినిమాకు రాహుల్ సాంకృత్యాన్ ద‌ర్శ‌క‌త్వం వ‌హిస్తున్నాడు. హిందీలో ర‌ష్మిక హీరోయిన్‌గా న‌టిస్తున్న కాక్ టెయిల్ 2 షూటింగ్ చివ‌రి ద‌శ‌లో ఉంది.
మ‌రోవైపు విజ‌య్ దేవ‌ర‌కొండ‌తో వ‌చ్చే ఏడాది ర‌ష్మిక ఏడ‌డుగులు వేయ‌బోతున్న‌ట్లు ప్ర‌చారం జ‌రుగుతోంది. గ‌త అక్టోబ‌ర్‌లో వీరిద్ద‌రి ఎంగేజ్‌మెంట్ జ‌రిగిన‌ట్లు స‌మాచారం. ఫిబ్ర‌వ‌రిలో విజ‌య్‌, ర‌ష్మిక పెళ్లిపీట‌లు ఎక్క‌బోతున్న‌ట్లు చెబుతున్నారు.