Rashmika Mandanna | పెళ్లి త‌ర్వాత ర‌ష్మిక ఫ‌స్ట్ మూవీ – బాలీవుడ్ సీక్వెల్‌తో ప్రేక్ష‌కుల ముందుకు….

ఇటీవ‌లే విజ‌య్ దేవ‌ర‌కొండ‌తో క‌లిసి ఏడ‌డుగుల వేసింది నేష‌న‌ల్ క్ర‌ష్ ర‌ష్మిక మంద‌న్న‌. ఫిబ్ర‌వ‌రి 26న రాజ‌స్థాన్‌లోని ఉద‌య్‌పూర్‌లో విరోష్ పెళ్లి గ్రాండ్‌గా నిలిచింది. హైద‌రాబాద్‌లో రిసెప్ష‌న్‌ను ఏర్పాటుచేశారు.పెళ్లి త‌ర్వాత ఫారిన్ వెకేష‌న్ వెళ్లిన ఈ జోడీ ఇటీవ‌లే హైద‌రాబాద్‌కు వ‌చ్చారు. నెక్స్ట్ వీక్ నుంచి తిరిగి సినిమా షూటింగ్‌ల‌ను మొద‌లుపెట్ట‌బోతున్నారు.

ధురంధ‌ర్ 2 థియేట‌ర్ల‌లో...

ప్ర‌స్తుతం ర‌ష్మిక మంద‌న్న తెలుగులో ర‌ణబాలి, మైసా సినిమాలు చేస్తోంది. బాలీవుడ్‌లో కాక్‌టెయిల్ 2లో న‌టిస్తోంది. కాక్‌టెయిల్ 2 రిలీజ్ డేట్‌ను మేక‌ర్స్ శుక్ర‌వారం రివీల్ చేశారు. జూన్ 19న ఈ మూవీ థియేట‌ర్ల‌లో కి రానున్న‌ట్లు ప్ర‌క‌టించారు. ఈ సినిమా ఫ‌స్ట్ లుక్‌ను మార్చి 18న థియేట‌ర్ల‌లో విడుద‌ల చేయ‌బోతున్నామ‌ని వెల్ల‌డించారు. ధురంధ‌ర్ 2 మూవీ థియేట‌ర్ల‌లో ఈ సినిమా ఫ‌స్ట్ లుక్‌ను స్క్రీనింగ్ చేయ‌నున్న‌ట్లు టాక్ వినిపిస్తోంది.
కాక్‌టెయిల్ 2లో ర‌ష్మిక మంద‌న్న‌తో పాటు కృతి స‌న‌న్ మ‌రో హీరోయిన్‌గా న‌టిస్తోంది. షాహిద్ క‌పూర్ క‌థానాయ‌కుడిగా క‌నిపించ‌బోతున్నాడు.

ప్రీ లుక్ పోస్ట‌ర్‌...

శుక్ర‌వారం ఈ సినిమా ప్రీ లుక్ పోస్ట‌ర్‌ను మేక‌ర్స్ రిలీజ్ చేశారు. వేర్వేరుగా రిలీజ్ చేసిన ఈ పోస్ట‌ర్లు చూస్తుంటే షాహిద్‌, ర‌ష్మిక‌తో పాటు కృతిస‌న‌న్ ఒకే కారులో క‌లిసి జ‌ర్నీ చేస్తోన్న‌ట్లుగా క‌నిపిస్తోంది. ఇందులో ర‌ష్మిక మంద‌న్న‌, కృతి స‌న‌న్ లెస్బియ‌న్స్‌గా న‌టించ‌బోతున్న‌ట్లు ప్ర‌చారం జ‌రుగుతోంది. మేక‌ర్స్ మాత్రం ఈ రూమ‌ర్‌పై ఇప్ప‌టివ‌ర‌కు క్లారిటీ ఇవ్వ‌లేదు.

ఫ‌స్ట్ టైమ్‌...

పెళ్లి త‌ర్వాత ఫ‌స్ట్ టైమ్ కాక్‌టెయిల్ 2తో ప్రేక్ష‌కుల ముందుకు రాబోతుంది ర‌ష్మిక మంద‌న్న‌. అంతే కాకుండా ఈ ఏడాది ర‌ష్మిక నుంచి రిలీజ్ కానున్న తొలి సినిమా కూడా ఇదే కావ‌డం గ‌మ‌నార్హం. దాంతో ఈ సినిమా రిజ‌ల్ట్ విష‌యంలో అభిమానుల్లో ఆస‌క్తి మొద‌లైంది. కాక్‌టెయిల్ మూవీ సీక్వెల్‌గా కాక్‌టెయిల్ 2 తెర‌కెక్కుతోంది. ఈ సీక్వెల్‌కు హోమీ అద్జానియా ద‌ర్శ‌క‌త్వం వ‌హిస్తున్నాడు. ఇటీవ‌లే ఈ మూవీ షూటింగ్ కంప్లీట్ అయ్యింది. ప్ర‌స్తుతం పోస్ట్ ప్రొడ‌క్ష‌న్ ప‌నులు జ‌రుగుతోన్నాయి.