Ram Charan | చిరంజీవి క్లాప్‌తో రామ్‌చ‌ర‌ణ్, సుకుమార్ మూవీ షురూ

Ram Charan | రంగ‌స్థ‌లం సినిమాతో రామ్‌చ‌ర‌ణ్‌కు (Ram Charan) పెద్ద హిట్టిచ్చారు ద‌ర్శ‌కుడు సుకుమార్‌. ఈ బ్లాక్‌బ‌స్ట‌ర్ త‌ర్వాత వీరిద్ద‌రి కాంబినేష‌న్ మ‌రోసారి తెలుగు ప్రేక్ష‌కుల ముందుకు రాబోతుంది. ఈ కొత్త మూవీ ఆదివారం హైద‌రాబాద్‌లో గ్రాండ్‌గా లాంఛ్ అయ్యింది. ఈ సినిమా ఓపెనింగ్ ఈవెంట్‌కు మెగాస్టార్ చిరంజీవి చీఫ్ గెస్ట్‌గా హాజ‌ర‌య్యారు. రామ్‌చ‌ర‌ణ్‌పై చిత్రీక‌రించిన తొలి స‌న్నివేశానికి ఆయ‌న క్లాప్ కొట్టారు.

స్పెష‌ల్ అట్రాక్ష‌న్‌...

రామ్‌చ‌ర‌ణ్, సుకుమార్ సినిమాను మైత్రీ మూవీ మేక‌ర్స్ నిర్మిస్తోంది. ఈ మూవీ ఓపెనింగ్ ఈవెంట్‌కు రామ్‌చ‌ర‌ణ్ స్పెష‌ల్ అట్రాక్ష‌న్‌గా నిలిచారు. స్టైలిష్ లుక్‌లో అటెండ్ అయ్యారు. ఈ వేడుక‌లో పెద్ది డైరెక్ట‌ర్ బుచ్చిబాబుసానా, టీ సిరీస్ అధినేత భూష‌ణ్ కుమార్‌తో పాటు ప‌లువురు టాలీవుడ్ సెలిబ్రిటీలు పాల్గొన్నారు. రంగ‌స్థ‌లం సినిమాకు భిన్నంగా మోడ్ర‌న్ క‌థ‌తో స్టైలిష్ యాక్ష‌న్ ఎంట‌ర్‌టైన‌ర్‌గా  దర్శకుడు సుకుమార్ ఈ సినిమాను తెరకెక్కిస్తోన్నట్లు స‌మాచారం. డిసెంబ‌ర్ నుంచి రెగ్యుల‌ర్ షూటింగ్ మొద‌లుకాబోతున్న‌ట్లు తెలిసింది.

డోర‌తీ ఫేమ్‌...

రామ్‌చ‌ర‌ణ్ హీరోగా న‌టిస్తోన్న 17వ సినిమా ఇది. ఇందులో డోర‌తీ ఫేమ్ రిషికాంత్ ఓ కీల‌క పాత్ర‌లో క‌నిపించ‌బోతున్న‌ట్లు స‌మాచారం. ఓపెనింగ్ అవెంట్‌కు అత‌డు అటెండ్ అయ్యాడు. ఆర్‌సీ 17లో సాత్విక వీర‌వ‌ల్లి హీరోయిన్‌గా నటిస్తోన్న‌ట్లు వార్త‌లొస్తున్నాయి. పుష్ప‌, పుష్ప 2 త‌ర్వాత సుకుమార్ ద‌ర్శ‌క‌త్వం వ‌హిస్తోన్న ఈ మూవీ పాన్ ఇండియ‌న్ లెవెల్‌లో తెలుగుతో పాటు త‌మిళం, మ‌ల‌యాళం, క‌న్న‌డ‌, హిందీ భాష‌ల్లో రిలీజ్ కాబోతుంది.

The journey of #RC17 begins with the MEGA CLAP ❤️

Megastar @KChiruTweets garu sounded the clapboard and blessed the entire team of #RC17 ✨

#YouCanImagine #RC2Sukku
#SRC

Mega Power Star @AlwaysRamCharan Master Storyteller @aryasukku @MythriOfficial @SukumarWritings #TSeriesFilms @RC17Offl

— Mythri Movie Makers (@MythriOfficial) November 1, 2026