Peddi | స్టెప్పుల‌తో అద‌ర‌గొట్టిన రామ్ చ‌ర‌ణ్‌, శృతి హాస‌న్ – పెద్ది స్పెష‌ల్ సాంగ్ రిలీజ్ ఎప్పుడంటే?

Peddi |  రామ్‌చ‌ర‌ణ్ హీరోగా న‌టించిన పెద్ది మూవీపై పాన్ ఇండియ‌న్ లెవెల్‌లో భారీగా బ‌జ్ నెల‌కొంది. పీరియాడిక‌ల్ బ్యాక్‌డ్రాప్‌లో స్పోర్ట్స్ యాక్ష‌న్‌గా తెర‌కెక్కుతోన్న ఈ మూవీ జూన్ 4న వ‌ర‌ల్డ్ వైడ్‌గా రిలీజ్ కాబోతుంది. బుచ్చిబాబు సానా ద‌ర్శ‌క‌త్వం వ‌హించిన ఈ సినిమాలో జాన్వీ క‌పూర్ హీరోయిన్‌గా న‌టిస్తోంది.

స్పెష‌ల్ సాంగ్‌...

పెద్దిలో హీరోయిన్ శృతి హాస‌న్ స్పెష‌ల్ సాంగ్‌లో క‌నిపించ‌బోతుంది. ఏప్రిల్ నెలాఖ‌రున హైద‌రాబాద్‌లో గ్రాండ్‌గా రామ్‌చ‌ర‌ణ్, శృతి హాస‌న్‌ల‌పై ఈ పాట‌ను షూట్ చేశారు. హ‌ల్లల్లలో హ‌ల్లో హ‌ల్లో అంటూ సాగిన ఈ ఐటెంసాంగ్ ప్రోమోను మేక‌ర్స్ శుక్ర‌వారం రిలీజ్ చేశారు. ఈ ప్రోమోలో శృతి హాస‌న్‌, రామ్‌చ‌ర‌ణ్ త‌మ స్టెప్పుల‌తో ఇర‌గ‌దీశారు. ఈ సాంగ్ ప్రోమోలో శృతి హాస‌న్‌తో జాన్వీ క‌పూర్ కూడా క‌నిపించింది. తెలుగులో ఈ పాట‌కు ఆనంత శ్రీరామ్ లిరిక్స్ అందించ‌గా ర‌క్షిత సురేష్ ఆల‌పించింది. ఏఆర్ రెహ‌మాన్ మ్యూజిక్ అందించారు. ఈ ఐటెం సాంగ్‌కు జానీ మాస్ట‌ర్ కొరియోగ్ర‌ఫీ అందించారు.

భోపాల్ ఈవెంట్‌లో...

పెద్ది కా ఆవాజ్ పేరుతో మే 23న శ‌నివారం భోపాల్‌లో ఓ భారీ ఈవెంట్‌ను నిర్వ‌హించ‌బోతున్నారు.ఈ ఈవెంట్‌లోనే హ‌ల్ల‌ల్ల‌లో ఫుల్ సాంగ్‌ను రిలీజ్ చేయ‌బోతున్నారు. ప్రోమోతో పాటు రామ్‌చ‌ర‌ణ్‌, శృతి హాస‌న్ స్పెష‌ల్ పోస్ట‌ర్‌ను రిలీజ్ చేశారు. ఈ పోస్ట‌ర్ సోష‌ల్ మీడియాలో వైర‌ల్ అవుతోంది.

వంద మిలియ‌న్ల‌తో...

కాగా రామ్‌చ‌ర‌ణ్ పెద్ది ట్రైల‌ర్‌ను మేక‌ర్స్ ఇటీవ‌ల రిలీజ్ చేశారు. ఇర‌వై నాలుగు గంట‌ల్లోనే ఈ ట్రైల‌ర్ వంద మిలియ‌న్ల వ్యూస్‌తో రికార్డ్ క్రియేట్ చేసింది. ఇందులో క్రికెట‌ర్‌, రెజ్ల‌ర్‌, ర‌న్న‌ర్‌గా...క్రాస్ ఓవ‌ర్ అథ్లెట్ పాత్ర‌లో రామ్‌చ‌ర‌ణ్ లుక్‌, అత‌డి ట్రాన్స్‌ఫ‌ర్మేష‌న్ అభిమానుల‌ను ఆక‌ట్టుకున్నాయి. పెద్ది సినిమాలో శివ‌రాజ్‌కుమార్‌, జ‌గ‌ప‌తిబాబు, దివ్యేందు శ‌ర్మ కీల‌క పాత్ర‌ల్లో క‌నిపించ‌బోతున్నారు.