OTT | ఓటీటీలోకి క‌న్న‌డ యాక్ష‌న్ మూవీ – హీరోయిన్‌గా కూలీ విల‌న్ – తెలుగులోనూ రిలీజ్‌

OTT |  దునియా విజ‌య్ హీరోగా న‌టించిన క‌న్న‌డ మూవీ లాండ్‌లార్డ్ విభిన్న‌మైన ప్ర‌య‌త్నంగా ప్రేక్ష‌కుల‌ను మెప్పించింది. పీరియాడిక‌ల్ యాక్ష‌న్ థ్రిల్ల‌ర్‌గా రూపొందిన ఈ సినిమాలో ర‌చితా రామ్ హీరోయిన్‌గా న‌టించింది. రాజ్ బీ శెట్టి విల‌న్‌గా క‌నిపించాడు. జ‌న‌వ‌రిలో థియేట‌ర్ల‌లో రిలీజైన ఈ మూవీ రెండు నెల‌ల త‌ర్వాత ఓటీటీలోకి వ‌స్తోంది.

తెలుగులో రిలీజ్‌...

లాండ్‌లార్డ్ మార్చి 19 నుంచి జీ5 ఓటీటీలో స్ట్రీమింగ్ కాబోతుంది. క‌న్న‌డంతో పాటు తెలుగులో రిలీజ్ అవుతోంది.ఈ సినిమాలో దునియా విజ‌య్ కూతురు రిత‌న్యా విజ‌య్ ఓ కీల‌క పాత్ర‌లో న‌టించింది. ఈ సినిమాతోనే శాండ‌ల్‌వుడ్‌లోకి ఎంట్రీ ఇచ్చింది.

భూస్వామ్య వ్య‌వ‌స్థ కార‌ణంగా...

1980 ద‌శ‌కంలో క‌ర్ణాట‌క‌లో భూస్వామ్య వ్య‌వ‌స్థ కార‌ణంగా పేద‌లు ఎలాంటి ఇబ్బందుల‌ను ఎదుర్కొనేవార‌నే పాయింట్‌తో ద‌ర్శ‌కుడు జ‌దేశ్ కే హంపి ఈ సినిమాను తెర‌కెక్కించారు. రాచయ్య (దునియా విజయ్) కూలీగా ప‌నిచేస్తుంటాడు. సొంతంగా భూమి కొనుక్కోవాల‌ని ఆశ‌ప‌డ‌తాడు. ఆ ఊరిని సన్నధని (రాజ్ బి. శెట్టి) భూస్వామి ఏలుతుంటాడు. పేద‌ల భూముల‌తో పాటు వారి క‌ష్టాన్ని దోచుకుంటాడు. స‌న్న‌ధ‌ని అక్ర‌మాల‌పై రాచ‌య్య ఎలా ఎదురుతిరిగాడు? పోలీస్ కానిస్టేబుల్‌ భాగ్య (రిత‌న్యా విజయ్)కు రాచ‌య్య‌కు ఉన్న సంబంధ‌మేమిటి? అన్న‌దే ఈ మూవీ క‌థ‌.

వీర‌సింహారెడ్డి మూవీలో...

లాండ్‌లార్డ్ మూవీకి అజ‌నీష్ లోక‌నాథ్ మ్యూజిక్ అందించాడు. దునియా విజ‌య్‌, ర‌చితారామ్‌తో పాటు రాజ్‌బీ శెట్టి యాక్టింగ్ బాగున్నా క‌మ‌ర్షియ‌ల్‌గా మాత్రం ఈ మూవీ విజ‌యాన్ని సాధించ‌లేదు. 20 కోట్ల బ‌డ్జెట్‌తో రూపొందిన ఈ మూవీ 12 కోట్ల‌లోపే వ‌సూళ్ల‌ను ద‌క్కించుకుంది. దునియా విజ‌య్ తెలుగులో బాల‌కృష్ణ వీర‌సింహారెడ్డి మూవీలో విల‌న్‌గా న‌టించాడు. ప్ర‌స్తుతం విజ‌య్ సేతుప‌తి, పూరి జ‌గ‌న్నాథ్ కాంబినేష‌న్‌లో తెర‌కెక్కుతోన్న స్ల‌మ్‌డాగ్ 33 టెంపుల్ రోడ్‌లో ఓ కీల‌క పాత్ర‌లో క‌నిపించ‌బోతున్నాడు.