Vijay Deverakonda | రష్మికపై కొండంత‌ ప్రేమను చాటుకున్న విజయ్ – పెళ్లైనా త‌గ్గేదేలే

Vijay Deverakonda |  టాలీవుడ్ ల‌వ్ బ‌ర్డ్స్ విజ‌య్ దేవ‌ర‌కొండ, ర‌ష్మిక మంద‌న్న ఈ ఏడాది ఫిబ్ర‌వ‌రిలో వైవాహిక బంధంలోకి అడుగుపెట్టారు. దాదాపు ప‌ది రోజుల పాటు ఈ జంట పెళ్లి వేడుక‌లు ఘ‌నంగా జ‌రిగాయి. వెడ్డింగ్ సెల‌బ్రేష‌న్స్ ముగిసిన వెంట‌నే విజ‌య్‌, ర‌ష్మిక సినిమాల‌తో బిజీ అయ్యారు.

మూడో సినిమా ఇది...

ప్ర‌స్తుతం వీరిద్ద‌రి కాంబినేష‌న్‌లో తెలుగులో ర‌ణ‌బాలి సినిమా తెర‌కెక్కుతోంది. హిస్టారిక‌ల్ యాక్ష‌న్‌గా తెర‌కెక్కుతోన్న ఈ సినిమాకు రాహుల్ సాంకృత్యాన్ ద‌ర్శ‌క‌త్వం వ‌హిస్తున్నారు. విజ‌య్‌, ర‌ష్మిక కాంబినేష‌న్‌లో వ‌స్తోన్న మూడో మూవీ ఇది.

యానిమే అవార్డ్స్‌...

ఇటీవ‌ల జ‌పాన్‌లోని టోక్యోలో జ‌రిగిన వ‌ర‌ల్డ్ యానిమే అవార్డ్స్ ఈవెంట్‌కు ఓ చీఫ్ గెస్ట్‌గా ర‌ష్మిక మంద‌న్న అటెండ్ అయ్యింది. ఈ వేడుక కోసం భ‌ర్త విజ‌య్ దేవ‌ర‌కొండ‌తో క‌లిసి జ‌పాన్ వెళ్లింది ర‌ష్మిక‌. ఈ వేడుక‌లో హాలీవుడ్ న‌టుడు విన్‌స్ట‌న్ డ్యూక్‌తో క‌లిసి అవార్డ్ ప్ర‌జెంట‌ర్‌గా వ్య‌వ‌హ‌రించింది.

ఆర్ ఆక్ష‌రం...

యానిమే అవార్డ్స్ ఈవెంట్‌ను ముగించుకొని విజ‌య్‌, ర‌ష్మిక బుధ‌వారం ఇండియాకు వ‌చ్చారు. హైద‌రాబాద్ ఎయిర్‌పోర్ట్‌లో స్టైలిష్‌గా అభిమానుల‌ను క‌నిపించారు. వైట్ ష‌ర్ట్‌, డెనిమ్ జీన్స్ ధ‌రించి ర‌ష్మిక మోడ్ర‌న్ లుక్‌లో మెరిసింది. కాగా విజ‌య్ మెడ‌లోని లాకెట్ అభిమానుల దృష్టిని ఆక‌ర్షించింది. మెడ‌లో పొడ‌వాటి గోల్డ్ చైన్ ధ‌రించి విజ‌య్ క‌నిపించారు. ఈ చైన్‌కు ఆర్ అనే అక్ష‌రంతో కూడిన లాకెట్ ఉంది. ఆర్ అంటే ర‌ష్మిక అంటూ నెటిజ‌న్లు కామెంట్లు పెడుతోన్నారు. లాకెట్‌తో భార్య ర‌ష్మిక‌పై త‌న‌కున్న ప్రేమ‌ను విజ‌య్ చాటుకున్నాడ‌ని అంటున్నారు. పెళ్లైనా భార్య‌పై విజ‌య్‌కి ఉన్న ప్రేమ త‌గ్గ‌లేద‌ని అంటున్నారు.

కాక్ టెయిల్ 2...

ప్ర‌స్తుతం తెలుగులో ర‌ణ‌బాలి, మైసాతో పాటు బాలీవుడ్‌లో కాక్ టెయిల్ 2 సినిమాలు చేస్తోంది ర‌ష్మిక మంద‌న్న‌. ఈ మూడు సినిమాలు ఈ ఏడాదే ప్రేక్ష‌కుల ముందుకు రానున్నాయి. మ‌రోవైపు విజ‌య్ కూడా ర‌ణ‌బాలితో పాటు రౌడీ జ‌నార్ధ‌న షూటింగ్‌ల‌తో బిజీగా ఉన్నాడు. ఇటీవ‌లే హాయ్ నాన్న ఫేమ్ శౌర్యువ్ డైరెక్ష‌న్‌లో ఓ మైథ‌లాజిక‌ల్ మూవీకి గ్రీన్‌సిగ్న‌ల్ ఇచ్చాడు.