Deepika Padukone | ల‌గ్జ‌రీల‌కే ల‌క్ష‌ల్లో ఖ‌ర్చులు – క‌ల్కి 2 నుంచి దీపికా ప‌డుకోణ్ త‌ప్పుకోవ‌డంపై టాలీవుడ్ ప్రొడ్యూస‌ర్ కామెంట్స్‌

Deepika Padukone | ప్ర‌భాస్ క‌ల్కి 2 మూవీ నుంచి దీపికా ప‌డుకోణ్‌ను మేక‌ర్స్‌ ప‌క్క‌న‌పెట్ట‌డం టాలీవుడ్‌తో పాటు బాలీవుడ్ వ‌ర్గాల్లో వివాదాస్ప‌ద‌మైంది. దీపికా పడుకోణ్ పెట్టిన ఎనిమిది గంట‌ల రూల్ కండీష‌న్‌తో పాటు రెమ్యూన‌రేష‌న్ ఎక్కువ‌గా అడ‌గ‌టం వ‌ల్ల‌నే నిర్మాత‌లు ఆమెను ఈ సినిమా నుంచి తీసేసిన‌ట్లు ప్ర‌చారం జ‌రిగింది. క‌ల్కి నుంచి వైదొల‌గ‌డానికి గ‌ల కార‌ణాల‌ను ఈ బాలీవుడ్ బ్యూటీ ఇప్ప‌టివ‌ర‌కు బ‌య‌ట‌పెట్ట‌లేదు. మ‌రోవైపు క‌ల్కి 2 మేక‌ర్స్ కూడా ఈ వివాదంపై సెలైంట్‌గానే ఉంటున్నారు.

అదనపు ఖర్చులు....

క‌ల్కి 2లో దీపికా ప‌డుకోణ్ రోల్‌ను సాయిప‌ల్ల‌వితో రీప్లేస్ చేసిన‌ట్లు సమాచారం. ఈ సినిమా షూటింగ్‌లోనూ సాయిప‌ల్ల‌వి జాయిన్ అయిన‌ట్లు వార్త‌లు వినిపిస్తున్నాయి. కాగా క‌ల్కి 2 వివాదంపై ఓ ఇంట‌ర్వ్యూలో టాలీవుడ్ సీనియ‌ర్ ప్రొడ్యూస‌ర్ కాట్ర‌గ‌డ్డ ప్ర‌సాద్ రియాక్ట్ అయ్యారు. రెమ్యూన‌రేష‌న్ కాకుండా దీపికా ప‌డుకోణ్ కోసం అద‌న‌పు ఖ‌ర్చులు చాలానే చేయాల్సివ‌స్తుంద‌ని అవ‌న్నీ భ‌రించ‌లేకే మేక‌ర్స్ ఆమెను క‌ల్కి 2 నుంచి తీసేశార‌ని కాట్ర‌గ‌డ్డ ప్ర‌సాద్ అన్నారు.

లగ్జరీ హోటల్స్...

"దీపికా ప‌డుకోణ్‌తో సినిమా అంటే రోజు వారీ ఖ‌ర్చులే చాలా ఉంటాయి. ఒక్కోసారి ల‌క్ష‌ల వ‌ర‌కు వెచ్చించాల్సివ‌స్తుంది. షూటింగ్ జ‌రిగిన‌న్నీ రోజులుఆమె వ‌స‌తి కోసం ల‌గ్జ‌రీ హోట‌ల్స్‌, విల్లాలు బుక్ చేయాల్సిందే. విమాన ప్ర‌యాణ‌పు ఖ‌ర్చుల‌కు అయితే అంతే ఉండ‌దు. ప‌దే ప‌దే జ‌ర్నీలు చేస్తూనే ఉంటుంది. రెమ్యూన‌రేష‌న్‌తో పాటుగా ఈ అద‌న‌పు ఖ‌ర్చుల‌ను నిర్మాత‌లే భ‌రించాలి. దీపికా తీరు వ‌ల్ల క‌ల్కి నిర్మాత‌లు చాలానే ఇబ్బందులు ప‌డ్డారు. ఆమె ల‌గ్జ‌రీ కోరిక‌ల‌ను భ‌రించ‌లేకే దీపికా ప‌డుకోణ్‌ను క‌ల్కి 2 సినిమా నుంచి ప‌క్క‌న‌పెట్టారు" అంటూ కాట్ర‌గ‌డ్డ ప్ర‌సాద్ కామెంట్స్ చేశారు. ఆయ‌న వ్యాఖ్య‌లు వైర‌ల్ అవుతోన్నాయి. సీనియ‌ర్ ప్రొడ్యూస‌ర్ వ్యాఖ్య‌ల‌ను చాలా మంది స‌మ‌ర్థిస్తున్నారు. బాలీవుడ్ నెటిజ‌న్లు మాత్రం వైర‌ల్ కావ‌డానికి మ‌రొక‌రిపై అబ‌ద్ద‌పు ఆరోప‌ణ‌లు చేయ‌డం క‌రెక్ట్ కాద‌ని అంటున్నారు.

రాకా...కింగ్‌

క‌ల్కి 2ను రిజెక్ట్ చేసిన ఈ బ్యూటీ ప్ర‌స్తుతం అల్లు అర్జున్‌తో రాకా మూవీ చేస్తోంది. ఈ సినిమాలో వారియ‌ర్‌గా యాక్ష‌న్ రోల్‌లో క‌నిపించ‌బోతుంది. రాకా మూవీకి అట్లీ ద‌ర్శ‌క‌త్వం వ‌హిస్తున్నాడు. రాకాతో పాటు హిందీలో షారుఖ్ ఖాన్ కింగ్‌లో దీపికా ప‌డుకోణ్ హీరోయిన్‌గా న‌టిస్తోంది.