Priya Bhavani Shankar | ఇరుముడి హీరోయిన్‌కు ల‌క్కీ ఛాన్స్ – నాని, నితిన్ సినిమాలో రుక్మిణిగా?

Priya Bhavani Shankar |  ఇరుముడితో తెలుగులో పెద్ద విజ‌యాన్ని అందుకుంది కోలీవుడ్ బ్యూటీ ప్రియా భ‌వానీ శంక‌ర్‌. ర‌వితేజ హీరోగా శివ నిర్వాణ ద‌ర్శ‌క‌త్వంలో రూపొందిన ఈ మూవీ మూడు వంద‌ల కోట్ల వ‌సూళ్ల‌తో సంచ‌ల‌నం సృష్టించింది. ఈ ఏడాది తెలుగులో హ‌య్యెస్ట్ క‌లెక్ష‌న్స్ రాబ‌ట్టిన సినిమాగా రికార్డ్ క్రియేట్ చేసింది. ఇరుముడిలో కావేరి అనే పాత్ర‌లో ప్రియా భ‌వానీ శంక‌ర్ క‌నిపించింది. ఓ చిన్నారికి త‌ల్లిగా స‌హ‌జ న‌ట‌న‌తో ఆక‌ట్టుకుంది.

ల‌క్కీ ఛాన్స్‌...

ఇరుముడి స‌క్సెస్‌తో తెలుగులో ఈ ముద్దుగుమ్మ ల‌క్కీ ఛాన్స్ అందుకున్న‌ట్లు స‌మాచారం. నితిన్ క‌థానాయ‌కుడిగా హీరో నాని నిర్మాత‌గా అలియాస్ రుక్మిణి పేరుతో రొమాంటిక్ ఎంట‌ర్‌టైన‌ర్ మూవీ రాబోతుంది. ఇటీవ‌లే ఈ సినిమా లాంఛ్ అయ్యింది. దండోరా ఫేమ్ ముర‌ళీకాంత్ ద‌ర్శ‌క‌త్వం వ‌హిస్తున్నారు.

నెలాఖ‌రు నుంచి...

అలియాస్ రుక్మిణిలో హీరోయిన్‌గా రుక్మిణి వ‌సంత్‌తో పాటు మ‌రికొంద‌రి పేర్లు వినిపించాయి. కానీ వారంద‌రిని కాద‌ని ఈ ఛాన్స్ ప్రియా భ‌వానీ శంక‌ర్‌ను వ‌రించిన‌ట్లు తెలిసింది. సెప్టెంబ‌ర్ నెలాఖ‌రు నుంచి ఈ కోలీవుడ్ సుంద‌రి అలియాస్ రుక్మిణి షూటింగ్‌లో జాయిన్ కాబోతున్న‌ట్లు తెలిసింది.

ర‌చ‌యిత‌గా...

అలియాస్ రుక్మిణిలో కృష్ణ అనే రైట‌ర్ పాత్ర‌లో నితిన్ క‌నిపించ‌బోతున్నాడు. రుక్మిణి అనే మారుపేరుతో న‌వ‌ల‌లు రాస్తుంటాడు. అస‌లు రుక్మిణి ఎవ‌రు? అనే అంశాల‌తో ఈ మూవీ రూపొందుతోంది.
అలియాస్ రుక్మిణి రిలీజ్ డేట్ ఖ‌రారు అయిన‌ట్లు సోష‌ల్ మీడియాలో ప్ర‌చారం జ‌రుగుతోంది. డిసెంబ‌ర్ 3న ఈ సినిమాను ప్రేక్ష‌కుల ముందుకు తీసుకురావాల‌ని మేక‌ర్స్ ప్లాన్ చేస్తున్నారు. ఇప్ప‌టికే ఈ సినిమా షూటింగ్ 40 శాతం వ‌ర‌కు పూర్త‌యిన‌ట్లు స‌మాచారం. లిమిటెడ్ బ‌డ్జెట్‌తో త‌క్కువ రోజుల్లో ప్ర‌యోగాత్మ‌కంగా మేక‌ర్స్ ఈ సినిమాను తెర‌కెక్కిస్తోన్న‌ట్లు స‌మాచారం.

క‌ళ్యాణం క‌మ‌నీయం...

ఇరుముడి కంటే ముందు తెలుగులో క‌ళ్యాణం క‌మ‌నీయం, జీబ్రా, భీమా సినిమాలు చేసింది ప్రియా భ‌వానీ శంక‌ర్‌. ప్ర‌స్తుతం త‌మిళంలో డీమాంటే కాల‌నీ 3తో పాటు మ‌రుగ‌ద నాన్యం 2 సినిమాలు చేస్తోంది. ఈ రెండు సినిమాలు తెలుగులో డ‌బ్ కాబోతున్నాయి.