Sreemukhi | బిగ్‌బాస్ జోడీ సీజ‌న్ 2కు కొత్త హోస్ట్ – శ్రీముఖి బెట‌ర్ అంటూ నెటిజ‌న్ల కామెంట్స్‌!

Sreemukhi | బిగ్‌బాస్ (Bigg Boss)  తెలుగు సీజ‌న్ 9 ఎండింగ్‌కు వ‌చ్చేసింది. డిసెంబ‌ర్ 21న గ్రాండ్ ఫినాలేను నిర్వ‌హించ‌బోతున్న‌ట్లు టాక్ వినిపిస్తోంది. టాప్ ఫైవ్ కంటెస్టెంట్స్ ఎవ‌ర‌న్న‌ది నెక్స్ట్ వీక్‌లో డిసైడ్ కాబోతుంది. ఇప్ప‌టికే క‌ళ్యాణ్ ప‌డాల (Kalyan Padala) ఫైన‌ల్‌లోకి అడుగుపెట్టాడు.
బిగ్‌బాస్ సీజ‌న్ 9 ముగిసిన వెంట‌నే బిగ్‌బాస్ జోడీ సీజ‌న్ 2ను లాంఛ్ చేసేందుకు స్టార్ మా స‌న్నాహాలు చేస్తోంది. బిగ్‌బాస్ జోడీ న‌యా సీజ‌న్ కోసం కొత్త హోస్ట్‌గా ప్ర‌దీప్ మాచిరాజు రంగంలోకి దిగ‌బోతున్న‌ట్లు టాక్ వినిపిస్తోంది. ప్ర‌దీప్ మాచిరాజుతో ప్రోమో షూట్‌ను ఇటీవ‌లే కంప్లీట్ చేసిన‌ట్లు స‌మాచారం. ఈ ప్రోమోతోనే బిగ్‌బాస్ జోడీ సీజ‌న్ 2ను అఫీషియ‌ల్‌గా అనౌన్స్‌చేయ‌నున్న‌ట్లు తెలిసింది. అంతే కాకుండా కంటెస్టెంట్స్ ఎవ‌ర‌న్న‌ది కూడా ఈ ప్రోమో ద్వారా రివీల్ చేయ‌నున్నార‌ట‌.
శ్రీముఖిని ప‌క్క‌న‌పెట్టి?
కాగా బిగ్‌బాస్ జోడీ గ‌త సీజ‌న్‌కు శ్రీముఖి (Sreemukhi) యాంక‌ర్‌గా వ్య‌వ‌హ‌రించింది. త‌న కామెడీ టైమింగ్‌, మాట‌తీరుతో హోస్ట్‌గా అద‌ర‌గొట్టింది. శ్రీముఖి కార‌ణంగానే టీఆర్‌పీలో బిగ్‌బాస్ జోడీ టాప్‌లో నిలిచింది. సీజ‌న్ 2 కోసం శ్రీముఖిని ప‌క్క‌న‌పెట్టి ప్ర‌దీప్‌ను హోస్ట్‌గా ఫిక్స్ చేయ‌డంతో బుల్లితెర ఫ్యాన్స్ డిస‌పాయింట్ అవుతున్నారు.బిగ్‌బాస్ జోడీకి శ్రీముఖి యాంక‌ర్ అయితేనే బెట‌ర్ అంటూ కామెంట్స్ చేస్తున్నారు.
బిగ్‌బాస్ జోడీ సీజ‌న్ 2 లో రీతూ చౌద‌రి, సంజ‌న గ‌ర్లానీ, ఫ్లోరా షైనీ, దేబ్జానీ మోద‌క్‌, త‌నూజ‌, ఇమాన్యుయేల్‌, క‌ళ్యాణ్‌, రాము రాథోడ్‌, శ్రేష్టి వ‌ర్మ‌తో పాటు మ‌రికొంద‌రు కంటెస్టెంట్స్‌గా పాల్గొనే అవ‌కాశం ఉంద‌ని అంటున్నారు. ఈ డ్యాన్స్ రియాలిటీ షో స్టార్ మాతో పాటు జియో హాట్ స్టార్‌లో స్ట్రీమింగ్ కానుంది. ప్ర‌స్తుతం ఆదివారం విత్ స్టార్ మా ప‌రివారంతో పాటు తెలుగులో మ‌రికొన్ని టీవీ షోస్‌కు హోస్ట్‌గా వ్య‌వ‌హ‌రిస్తోంది శ్రీముఖి.
మ‌రోవైపు అక్కడ అబ్బాయి ఇక్క‌డ అమ్మాయి సినిమాతో ఈ ఏడాది తెలుగు ప్రేక్ష‌కుల ముందుకొచ్చారు ప్ర‌దీప్ మాచిరాజు. ఈ సినిమా కార‌ణంగా కొన్నాళ్లు టీవీ షోస్‌కు గ్యాప్ ఇచ్చారు. బిగ్‌బాస్ జోడీతో బుల్లితెర‌పైకి రీఎంట్రీ ఇవ్వ‌బోతున్నాడు.