Bigg Boss | హీరోగా తెలుగు బిగ్‌బాస్ కంటెస్టెంట్ – డైరెక్ట‌ర్‌గా ప్ర‌భాస్ ఈశ్వ‌ర్ యాక్ట‌ర్ – “సాV3” టీజ‌ర్ రిలీజ్‌

Bigg Boss |  తెలుగు బిగ్‌బాస్ సీజ‌న్ 9లో ఓ కంటెస్టెంట్‌గా పాల్గొన్నాడు డీమోన్ ప‌వ‌న్‌. ఈ సీజ‌న్‌లో ఫైన‌ల్ వ‌ర‌కు వెళ్లిన డీమోన్ ప‌వ‌న్ సెకండ్ ర‌న్న‌ర‌ప్‌గా నిలిచాడు. బిగ్‌బాస్ ద్వారా వ‌చ్చిన క్రేజ్‌తో హీరోగా మారాడు. సాV3 పేరుతో ఓ సినిమా చేశాడు. ఈ సినిమాలో రాను బొంబాయికి రాను సాంగ్‌లో డ్యాన్స‌ర్‌గా క‌నిపించిన లిఖిత హీరోయిన్‌గా న‌టిస్తోంది. సామ్రాట్ ఓ కీల‌క పాత్ర పోషించాడు. ప్ర‌భాస్ ఈశ్వ‌ర్‌లో న‌టుడిగా క‌నిపించిన కృష్ణ మాయ సాV3కి ద‌ర్శ‌క‌త్వం వ‌హిస్తున్నాడు.

షూటింగ్ కంప్లీట్‌...

ట్ర‌యాంగిల్ ల‌వ్‌స్టోరీగా తెర‌కెక్కిన సాV3 మూవీ షూటింగ్ పూర్త‌య్యింది. త్వ‌ర‌లో థియేట‌ర్ల‌లో రిలీజ్ కాబోతుంది. ఈ మూవీ ట్రైల‌ర్‌ను ఆదివారం రిలీజ్ చేశారు. ఈ ఈవెంట్‌లో డీమోన్ ప‌వ‌న్‌, రీతూ చౌద‌రి, రాము రాథోడ్‌తో పాటు ప‌లువురు బిగ్‌బాస్ కంటెస్టెంట్స్ పాల్గొన్నారు.

ల‌వ్‌లో క‌ష్టాలు...

నటి రీతు చౌదరి మాట్లాడుతూ - "టీజర్ లో లవ్ అండ్ లైఫ్ గురించి చాలా ఇంట్రెస్టింగ్‌గా చూపించారు. నా దృష్టిలో లైఫ్ లో ఎలా కష్టాలు ఉంటాయో లవ్ లో కూడా అలాగే ఉంటాయి. ఈ రెండింటినీ బ్యాలెన్స్ చేస్తూ వెళ్తేనే హ్యాపీగా ఉంటాం. హీరోగా సాV3 తో ప‌వ‌న్‌కు మంచి పేరుతో పాటు పెద్ద స‌క్సెస్ ద‌క్కాలి" అని చెప్పింది.

పోటాపోటీగా...

సింగర్, బిగ్ బాస్ ఫేమ్ రాము రాథోడ్ మాట్లాడుతూ - "సాV3" సినిమా టీజర్ బాగుంది. లిఖిత, డీమోన్ పవన్ తమ పర్ ఫార్మెన్స్ తో ఆకట్టుకున్నారు.పోటాపోటీగా న‌టించారు" అని అన్నారు. డైరెక్ట‌ర్ కృష్ణ‌మాయ వ‌ల్లే సాV3 లో హీరోగా న‌టించే ఛాన్స్ ద‌క్కింద‌ని, ప్రేక్షకులందరినీ ఎంగేజ్ చేసే ఒక మంచి మూవీ ఇద‌ని డీమోన్ ప‌వ‌న్ పేర్కొన్నారు. "సాV3" కథ వింటున్న‌ప్పుడే ఎలాగైనా ఈ సినిమాలో నటించాలి అనేంత ఇష్టం ఏర్పడింది. సినిమా ప్రారంభం నుంచి ఎండింగ్ వ‌ర‌కు ఎంగేజింగ్‌గా సాగుతుంది. ఫోక్ సాంగ్స్‌తో ఎలాగైతే పేరు వ‌చ్చిందో అంత‌కుమించి ఈ సినిమాతో హీరోయిన్‌గా గుర్తింపు వ‌స్తుంద‌నే న‌మ్మ‌క‌ముంది" అని హీరోయిన్ లిఖిత తెలిపింది.

రామ్ గోపాల్ వ‌ర్మ‌, మ‌ణిర‌త్నం...

డైరెక్టర్ కృష్ణమాయ మాట్లాడుతూ - "సినిమాను ఎలా డైరెక్ట్ చేయాల‌న్న‌ది రామ్ గోపాల్ వర్మ, మణిరత్నం దగ్గర వర్క్ చేసినప్పుడు నేర్చుకున్నా. సాV3 సినిమా చేయ‌డానికి వీరిద్ద‌రే స్ఫూర్తినిచ్చారు. లిఖిత న‌ట‌న స‌ర్‌ప్రైజింగ్‌గా ఉంటుంది. పవన్ గొప్ప పర్ ఫార్మర్. సాV3 పూర్తి కాకుండానే అత‌డితో మ‌రో సినిమా క‌మిట‌య్యాను. భ‌విష్య‌త్తులో చాలా బిజీ యాక్ట‌ర్ అవుతాడు" అని చెప్పాడు.