Divija Prabhakar | హీరోయిన్‌గా బుల్లితెర మెగాస్టార్ ప్ర‌భాక‌ర్ కూతురు – ప‌ల్లెటూరి ప్రేమ‌క‌థ‌లో…

Divija Prabhakar | బుల్లితెర మెగాస్టార్ ప్ర‌భాక‌ర్ కొడుకు చంద్ర‌హాస్ హీరోగా మారాడు. ఇటీవ‌లే బ‌రాబ‌ర్ ప్రేమిస్తా పేరుతో ఓ సినిమా చేశాడు. బూతు సాంగ్ వివాదం కార‌ణంగా గ‌త కొద్ది రోజులుగా ప్ర‌భాక‌ర్‌తో పాటు చంద్ర‌హాస్ పేరు టాలీవుడ్‌లో తెగ వినిపిస్తోంది. చంద్ర‌హాస్ త‌ర్వాత ప్ర‌భాక‌ర్ ఫ్యామిలీ నుంచి ఆయ‌న కూతురు దివిజ కూడా టాలీవుడ్‌లోకి అడుగుపెట్ట‌బోతుంది. హీరోయిన్‌గా ఓ సినిమా చేస్తోంది. వెంక‌ట్రామ‌య్య‌గారి తాలూకా పేరుతో తెర‌కెక్కుతోన్న ఈ సినిమాలో బ‌గ‌లం ఫేమ్ ముర‌ళీధ‌ర్‌గౌడ్‌, సీనియ‌ర్ న‌టి సుధ కీల‌క పాత్ర‌ల్లో న‌టిస్తున్నారు. దినేష్ కుమార్‌, దివిజ ప్ర‌భాక‌ర్ హీరోహీరోయిన్లుగా న‌టిస్తున్నారు.

విలేజ్ బ్యాక్‌డ్రాప్‌లో...

విలేజ్ బ్యాక్‌డ్రాప్‌లో ఫ్యామిలీ ల‌వ్‌స్టోరీగా తెర‌కెక్కుతోన్న ఈ సినిమాకు స‌తీష్ ఆవాల ద‌ర్శ‌క‌త్వం వ‌హిస్తున్నారు. ఈ సినిమాలో కాశీవిశ్వనాథ్, మిర్చిమాధవి, జబర్దస్త్ ఫేం సత్యశ్రీ, మొగలిరేకులు సీరియల్ ఫేం ఇక్బాల్ కీల‌క పాత్ర‌ల్లో న‌టిస్తున్నారు. వెంక‌ట్రామ‌య్య‌గారి తాలూకా మూవీ టైటిల్‌, ఫ‌స్ట్ లుక్‌ను ఇటీవ‌ల ప్ర‌ముఖ నిర్మాత సురేష్‌బాబు రిలీజ్ చేశారు. ఈ సినిమాలో వెంకట్రామయ్యగా టైటిల్ పాత్ర‌లో ముర‌ళీధ‌ర్ గౌడ్ క‌నిపించ‌బోతున్నారు. శతమానం భవతి, బలగం, ఆ నలుగురు త‌ర‌హాలోనే ఫీల్‌గుడ్ మూవీగా వెంక‌ట్రామ‌య్య‌గారి తాలూకా ఉంటుంద‌ని డైరెక్ట‌ర్ పేర్కొన్నారు.
దివిజ ప్ర‌స్తుతం హే చికితా పేరుతో కూడా ఓ సినిమా చేస్తోంది. ఈ సినిమా కూడా షూటింగ్‌ను జ‌రుపుకుంటోంది. ఈ రెండు సినిమాలు ఈ ఏడాదే రిలీజ్ కానున్నాయి. సినిమాల కంటే ముందు కొన్ని సీరియ‌ల్స్‌లో కూడి దివిజ ప్ర‌భాక‌ర్ న‌టించింది.