Pawan Kalyan | హిందూపూర్ ఎమ్మెల్యేగా ప‌వ‌న్ క‌ళ్యాణ్‌

Pawan Kalyan |  హిందూపూర్ ఎమ్మెల్యేగా ప‌వ‌ర్ స్టార్ ప‌వ‌న్ క‌ళ్యాణ్ (Pawan Kalyan) క‌నిపించ‌బోతున్నారు. అయితే రియ‌ల్‌లైఫ్‌లో కాదు. రీల్ లైఫ్‌లో. ఓజీ (OG Movie)బ్లాక్‌బ‌స్ట‌ర్ త‌ర్వాత డైరెక్ట‌ర్ సురేంద‌ర్ రెడ్డితో ఓ సినిమా చేయ‌బోతున్నారు ప‌వ‌న్ క‌ళ్యాణ్‌. ఇటీవ‌ల ఈ సినిమాను అఫీషియ‌ల్‌గా ప్ర‌క‌టించారు. ఈ మూవీకి వ‌క్కంతం వంశీ క‌థ‌ను అందించ‌నున్నారు. ప్ర‌స్తుతం ఈ సినిమాకు సంబంధించి ప్రీ ప్రొడ‌క్ష‌న్ ప‌నులు శ‌ర‌వేగంగా సాగుతోన్నాయి.

పొలిటిక‌ల్ యాక్ష‌న్‌...

పొలిటిక‌ల్ యాక్ష‌న్ థ్రిల్ల‌ర్‌గా ఈ సినిమా తెర‌కెక్కుతోన్న‌ట్లు ప్ర‌చారం జ‌రుగుతోంది. ప‌వ‌న్ క‌ళ్యాణ్ ఇమేజ్‌కు త‌గ్గ‌ట్లుగా సురేంద‌ర్ రెడ్డి, వ‌క్కంతం వంశీ క‌ల‌సి ఓ ప‌వ‌ర్‌ఫుల్ స్క్రిప్ట్‌ను రెడీ చేస్తున్నార‌ట‌. ప్ర‌స్తుతం స్క్రిప్ట్ కు తుది మెరుగులు దిద్దుతున్నార‌ట‌.కాగా ఈ సినిమాలో హిందూపూర్ ఎమ్మెల్యేగా ప‌వ‌న్ క‌ళ్యాణ్‌ క‌నిపించ‌బోతున్న‌ట్లు వార్త‌లు వినిపిస్తున్నాయి. సొసైటీలోని అవినీతిపై ఓ నిజాయితీప‌రుడైన ఎమ్మెల్యే ఎలాంటి పోరాటం సాగించాడ‌నే అంశాల‌తో ఈ మూవీ రూపొంద‌బోతున్న‌ట్లు తెలిసింది. ప‌వ‌న్ క‌ళ్యాణ్ పొలిటిక‌ల్ లైఫ్‌ను పోలిన ప‌లు అంశాలు ఈ సినిమాలో క‌నిపిస్తాయ‌ని అంటున్నారు. హిందూపూర్ బ్యాక్‌డ్రాప్‌లో ఈ సినిమా సాగుతుంద‌ని అంటున్నారు.

ఎప్రిల్ ఫ‌స్ట్ వీక్ నుండి...

ఏప్రిల్ ఫ‌స్ట్ వీక్ నుంచి ప‌వ‌న్ క‌ళ్యాణ్, సురేంద‌ర్ రెడ్డి మూవీ రెగ్యుల‌ర్ షూటింగ్ ప్రారంభం కానున్న‌ట్లు స‌మాచారం. ఫ‌స్ట్ షెడ్యూల్ హైద‌రాబాద్‌లోనే షూట్ చేయ‌నున్నార‌ట‌. ఈ సినిమా కోసం భారీ వ్యయంతో కొన్ని స్పెష‌ల్ సెట్స్ వేస్తున్నార‌ట‌. పవన్ కళ్యాణ్ హీరోగా నటిస్తున్న 32వ మూవీ ఇది.
జైత్ర రామ మూవీస్ బ్యాన‌ర్‌పై రామ్ తాళ్లూరి ఈ సినిమాను నిర్మిస్తున్నారు. ఈ సినిమాకు ప‌లువురు టాలీవుడ్ టాప్ యాక్ట‌ర్స్‌, టెక్నీషియ‌న్లు ప‌నిచేయ‌బోతున్న‌ట్లు స‌మాచారం. సురేంద‌ర్ రెడ్డి మూవీతో పాటు ఓజీ 2 మూవీ చేయ‌నున్నారు ప‌వ‌న్ క‌ళ్యాణ్‌.