Oscar Awards | అట్ట‌హాసంగా ఆస్కార్ అవార్డ్స్ వేడుక‌.. విజేత‌లు వీరే

Oscar Awards | త్రినేత్ర‌.న్యూస్‌: సినీరంగంలో అత్యంత ప్ర‌తిష్ఠాత్మ‌క భావించే ఆస్కార్ అవార్డుల (Oscar Awards) ప్ర‌దానోత్స‌వం అంగ‌రంగ‌వైభ‌వంగా ప్రారంభ‌మైంది. అమెరికాలోని లాస్ ఏంజిల్స్‌లో ఉన్న డాల్బీ థియేట‌ర్ వేదిక‌గా మారింది. ప్రతి ఏడాది 23 విభాగాల్లో అవార్డులను ప్రకటిస్తారు. కానీ ఈసారి కొత్తగా బెస్ట్‌ కాస్టింగ్‌ అనే విభాగాన్ని ప్రవేశపెట్టారు. దీంతో మొత్తం 24 విభాగాల్లో అవార్డులు ఇవ్వ‌నున్నారు.

98వ ఆస్కార్ అవార్డుల కోసం 2025 జనవరి 1 నుంచి డిసెంబర్‌ 30 వరకు విడుదలైన సినిమాలను పరిగణ‌న‌లోకి తీసుకున్నారు. ఈ వేడుక‌కు హాలీవుడ్ క‌మెడియ‌న్ కోన‌న్ ఓబ్రియ‌న్ (Connan O'Brien) వ్యాఖ్యాత‌గా వ్య‌వ‌హ‌రిస్తున్నారు. టైటానిక్ హీరో లియోనార్డో న‌టించిన వ‌న్ బ్యాటిల్ ఆఫ్ట‌ర్ అన‌ద‌ర్‌, ర్యాన్ కూగ్ల‌ర్ డైరెక్ట్ చేసిన సిన్న‌ర్స్ చిత్రాలకు అవార్డుల పంట పండింది. ఉత్త‌మ సినిమాటోగ్ర‌ఫీ అవార్డు గెలుచుకున్న మొద‌టి మ‌హిళ‌గా ఆటం డ్యారాల్డ్ అర్కాపా (Autumn Durald Arkapaw) నిలిచారు.

ఆస్కార్‌ విజేతల జాబితా

• ఉత్త‌మ ఇంట‌ర్నేష‌న‌ల్ ఫీచ‌ర్ ఫిల్మ్- సెంటిమెంట‌ల్ వ్యాల్యూ
• బెస్ట్ సినిమాటోగ్ర‌ఫి- ఆటం డ్యూరాల్డ్ అర్కాపా (సిన్న‌ర్‌)
• ఉత్త‌మ ఎడిటింగ్‌- ఆండీ జుర్గెన్‌సెన్ (వ‌న్ బ్యాటిల్ ఆఫ్ట‌ర్ అనెద‌ర్‌)
• ఉత్త‌మ స‌హాయ న‌టుడు- సీన్ పెన్ (వ‌న్ బ్యాటిల్ ఆఫ్ట‌ర్ అన‌ద‌ర్‌)
• ఉత్త‌మ స‌హాయ న‌టి- ఎమీ మాడిగ‌న్ (వెప‌న్స్‌)
• ఉత్త‌మ యానిమేటెడ్ ఫీచ‌ర్‌ ఫిల్మ్‌- కె-పాప్‌ డిమాన్‌ హంటర్స్‌
• ఉత్త‌మ యానిమేటెడ్ షార్ట్ ఫిల్మ్‌- ది గ‌ర్ల్ హూ క్రైడ్ పెర‌ల్స్‌
• ఉత్త‌మ కాస్ట్యూమ్ డిజైన్‌- ఫ్రాంకిన్ స్ట‌న్‌
• ఉత్తమ లైవ్‌ యాక్షన్‌ షార్ట్‌ ఫిలిం- ద సింగర్స్‌, టూ పీపుల్‌ ఎక్స్‌చేంజింగ్‌ సలైవా
• ఉత్త‌మ సంగీతం- లుడ్విన్ గోరాన్స‌న్ (సిన్న‌ర్స్‌)
• ఉత్త‌మ సౌండ్‌- గ‌రేత్ జాన్‌, ఏఐ నెల్స‌న్‌, గ్వెన్‌డాలిన్ యేట్స్ విర్ట‌ల్‌, గేరీ ఏ.రిజో, జాన్ పెర‌ల్ట (ఎఫ్ 1)
• ఉత్త‌మ డాక్యుమెంట‌రీ చిత్రం- మిస్ట‌ర్ నోబ‌డీ ఎగైన్‌స్ట్ పుతిన్‌
• ఉత్త‌మ డాక్యుమెంట‌రీ షార్ట్ ఫిలి- ఆల్ ద ఎంప్టీ రూమ్‌
• ఉత్త‌మ విజువ‌ల్ ఎఫెక్ట్స్‌- జో లెట‌రి, రిచ‌ర్డ్ బ‌నెహం, ఎరిక్ సైండ‌న్‌, డేనియ‌ల్ బారెట్ (అవ‌తార్‌)
• ఉత్తమ ప్రొడక్షన్‌ డిజైన్‌- తమర డేవెరల్‌, షేన్‌ వ్యూ (ఫ్రాంకెన్‌స్టీన్‌)
• ఉత్తమ ఒరిజినల్‌ స్క్రీన్‌ప్లే- ర్యాన్‌ కూగ్లర్‌ (సిన్నర్స్‌)
• ఉత్తమ అడాప్టెడ్‌ స్క్రీన్‌ప్లే- పాల్‌ థామస్‌ అండర్సన్‌ (వన్‌ బాటిల్‌ ఆఫ్టర్‌ అనదర్‌)
• ఉత్తమ మేకప్‌ అండ్‌ హెయిర్‌ స్టైలింగ్‌- మైక్‌ హిల్‌, జోర్డాన్‌ సామ్యూల్‌, క్లియోనా ఫ్యూరే (ఫ్రాంకెన్‌స్టీన్‌)