Oscars 2026 | రూ. 318 కోట్ల డైమండ్ న‌క్లెస్‌తో హాలీవుడ్ హీరోయిన్ ర్యాంప్ వాక్ – ఆస్కార్ చ‌రిత్ర‌లోనే రికార్డ్‌

Oscars 2026 | 98వ ఆస్కార్ వేడుక వైభ‌వంగా జ‌రిగింది. ఈ ఈవెంట్‌లో హాలీవుడ్ హీరోయిన్లు ర్యాంప్ వాక్‌పై త‌మ వ‌య్యారాల‌తో ఆహుతుల‌ను అల‌రించారు. హీరోయిన్ల గ్లామ‌ర్ త‌ళుకుల‌తో ఆస్కార్ వేదిక వెలిగిపోయింది. హాలీవుడ్ టాప్ హీరోయిన్లు అంద‌రూ రాడ్‌కార్పెట్‌పై మెరిశారు.
హాలీవుడ్ హీరోయిన్ కేట్ హ‌డ్స‌న్ మాత్రం ఆస్కార్ వేడుక‌లో స్పెష‌ల్ అట్రాక్ష‌న్‌గా నిలిచింది. ఆమె ధ‌రించిన న‌క్లెస్ ఆస్కార్ ఈవెంట్‌కు హాట్ టాపిక్‌గా మారింది. సాంగ్ సంగ్ బ్లూ సినిమాకు గాను బెస్ట్ హీరోయిన్ విభాగంలో ఆస్కార్ నామినేష‌న్స్‌లో కేట్ హ‌డ్స‌న్ నిలిచింది.

318 కోట్లు...

ఆస్కార్ సెల‌బ్రేష‌న్స్‌కు కేట్ హ‌డ్స‌న్ డైమండ్ న‌క్లెస్ ధ‌రించి అటెండ్ అయ్యింది. చూడ‌టానికి సింపుల్‌గా ఉన్న ఈ డైమండ్ న‌క్లెస్ ఖ‌రీదు వింటే మాత్రం షాక‌వ్వాల్సిందే. 35 మిలియ‌న్ డాల‌ర్లు అంటే ఇండియ‌న్ క‌రెన్సీలో 318 కోట్ల‌కుపైనే ఉంటుంద‌ట‌.

ఇట‌లీ సంస్థ‌...

41 క్యారెట్ల రేర్ గ్రీన్ డైమండ్స్‌తో ఇట‌లీకి చెందిన గారెట్టి అనే సంస్థ ఈ డైమండ్ న‌క్లెస్‌ను త‌యారు చేసింద‌ట‌. ఆస్కార్ చ‌రిత్ర‌లోనే అత్యంత ఖ‌రీదైన జ్యూవెల్ల‌రీ ధ‌రించి అటెండ్ అయిన హీరోయిన్‌గా కేట్ హ‌డ్స‌న్ నిలిచింది.
ఆస్కార్స్‌లో కేట్ హ‌డ్స‌న్‌కు నిరాశే ఎదురైంది. బెస్ట్ హీరోయిన్ విభాగంలో తుది రేసులో నిలిచినా ఆమెకు అవార్డు ద‌క్క‌లేదు. హామ్నేట్ సినిమాకుగాను జెస్సీ బక్లీ బెస్ట్ హీరోయిన్‌గా అవార్డును కైస‌వం చేసుకుంది. కేట్ హ‌డ్స‌న్ సాంగ్ సంగ్ బ్లూ మూవీ కేవ‌లం బెస్ట్ హీరోయిన్ కేట‌గిరీలో మాత్ర‌మే ఆస్కార్‌కు నామినేట్ అయ్యింది.30 మిలియ‌న్ల బ‌డ్జెట్‌తో రూపొందిన సాంగ్ సంగ్ బ్లూ మూవీ 58 మిలియ‌న్ల‌కుపైగా వ‌సూళ్ల‌ను ద‌క్కించుకున్న‌ది. ఈ సినిమాలో హ్యూజ్‌జాక్‌మ‌న్ హీరోగా న‌టించాడు.