Ranveer Singh | సందీప్ వంగా డైరెక్ష‌న్‌లో సినిమా – రిజెక్ట్ చేసిన ధురంధ‌ర్ హీరో

Ranveer Singh | ర‌ణ‌వీర్‌సింగ్ హీరోగా న‌టించిన ధురంధ‌ర్ మూవీ బాక్సాఫీస్ రికార్డుల‌ను తిర‌గ‌రాస్తోంది. వ‌ర‌ల్డ్ వైడ్‌గా 1150 కోట్లకుపైగా వ‌సూళ్ల‌తో అత్య‌ధిక క‌లెక్ష‌న్స్ రాబ‌ట్టిన హిందీ సినిమాల్లో ఒక‌టిగా నిలిచింది. ధురంధ‌ర్ ప్రేక్ష‌కుల ముందుకొచ్చి నెల రోజులు అవుతున్న ఇప్ప‌టికీ హౌజ్‌ఫుల్స్‌లో థియేట‌ర్ల‌లో ఆడుతోంది.
హీరో ర‌ణ‌వీర్‌సింగ్ కెరీర్‌లో బిగ్గెస్ట్ హిట్‌గా ధురంధ‌ర్‌ నిలిచింది. ఇందులో హ‌మ్జా అలీ అనే స్పై పాత్ర‌లో అద్భుత‌మైన న‌ట‌న‌ను క‌న‌బ‌రిచాడు ర‌ణ‌వీర్‌సింగ్‌. యాక్టింగ్ ప‌రంగా ర‌ణ‌వీర్ కెరీర్‌లో బెస్ట్ మూవీ ఇద‌ని అభిమానులు పేర్కొంటున్నారు.ధురంధ‌ర్ మూవీకి సీక్వెల్ కూడా రాబోతుంది. ధురంధ‌ర్ 2 పేరుతో రూపొందుతున్న ఈ మూవీని మార్చి 19న విడుద‌ల‌చేయ‌బోతున్న‌ట్లు మేక‌ర్స్ ప్ర‌క‌టించారు.

సందీప్ వంగా ప్ర‌శంస‌లు...

ధురంధ‌ర్ మూవీపై ఆడియెన్స్‌తో పాటు ఇండ‌స్ట్రీకి చెందిన దిగ్గ‌జ ద‌ర్శ‌కులు సైతం ప్ర‌శంస‌లు కురిపిస్తున్నారు. ధురంధ‌ర్ ప‌వ‌ర్‌ఫుల్ మూవీ అని, యాక్టింగ్‌, డైరెక్ష‌న్‌, స్క్రీన్‌ప్లేతో పాటు అన్నింటిలో టాప్ నాచ్‌గా ఉందంటూ స్పిరిట్ డైరెక్ట‌ర్ సందీప్ వంగా మూవీ టీమ్‌ను అభినందిస్తూ ఇటీవ‌ల‌ ఓ పోస్ట్ పెట్టాడు.

అర్జున్ రెడ్డి రీమేక్‌...

తాజాగా సందీప్ వంగా మ‌రో ఇంట్రెస్టింగ్ సీక్రెట్‌ను బ‌య‌ట‌పెట్టాడు. అర్జున్ రెడ్డి హిందీ రీమేక్‌ను ర‌ణ‌వీర్‌సింగ్‌తో చేయాల‌ని ప్ర‌య‌త్నించిన‌ట్లు చెప్పాడు. కానీ సందీప్ వంగా ఆఫ‌ర్‌ను ధురంధ‌ర్ హీరో రిజెక్ట్ చేశాడ‌ట‌. అర్జున్ రెడ్డి తెలుగులో పెద్ద హిట్ట‌వ్వ‌డంతో హిందీలో రీమేక్ చేసే ఛాన్స్ వ‌చ్చింది. ఈ రీమేక్‌లో హీరోగా ర‌ణ‌వీర్‌సింగ్ అయితే బాగుంటుంద‌నిపించింది. అత‌డిని అప్రోచ్ అయ్యాను. కానీ క‌థ చాలా బోల్డ్‌గా....ఇలాంటి డార్క్ కాన్సెప్ట్‌తో కూడిన సినిమాలో త‌న‌ను ఆడియెన్స్‌ యాక్సెప్ట్ చేయ‌లేర‌నే భ‌యంతో క‌బీర్‌సింగ్ మూవీని ర‌ణ‌వీర్‌సింగ్ రిజెక్ట్ చేశాడు అలా ర‌ణ‌వీర్‌సింగ్ సినిమా చేసే ఛాన్స్ మిస్స‌య్యింది అని సందీప్ వంగా అన్నారు.
షాహిద్ క‌పూర్‌ను హీరోగా ఫిక్స్ చేసిన త‌ర్వాత కూడా చాలా మంది భ‌య‌పెట్టార‌ని అన్నాడు. షాహిద్ సోలో హీరోగా న‌టించిన సినిమాలేవి వంద కోట్లు దాట‌లేదు, అత‌డితో సినిమా అంటే రిస్క్ అని అన్నారు. అవేవి ప‌ట్టించుకోకుండా సినిమా చేశాన‌ని సందీప్ వంగా చెప్పారు.
కేవ‌లం 60 కోట్ల బ‌డ్జెట్‌తో రూపొందిన క‌బీర్‌సింగ్ 379 కోట్ల‌తో బాక్సాఫీస్ వ‌ద్ద సంచ‌ల‌నం సృష్టించింది. 2019లో రిలీజైన ఈ మూవీ ఆ ఏడాది అత్య‌ధిక వ‌సూళ్ల‌ను రాబ‌ట్టిన సినిమాగా రికార్డ్ క్రియేట్ చేసింది.