Samantha | మా ఇంటి బంగారంలో హీరోయిన్‌గా ఫ‌స్ట్ ఛాయిస్ స‌మంత కాద‌ట – నాచుర‌ల్ బ్యూటీతో అనుకొని…

Samantha | రామ్‌చ‌ర‌ణ్ పెద్ది త‌ర్వాత జూన్ నెల‌లో రిలీజ్ అవుతోన్న సినిమాల్లో స‌మంత మా ఇంటి బంగారంపై ఎక్కువ‌గా హైప్ నెల‌కొంది. క్రైమ్ కామెడీగా తెర‌కెక్కుతోన్న ఈ మూవీ జూన్ 19న థియేట‌ర్ల‌లోకి రాబోతుంది. హీరోయిన్‌గా న‌టిస్తూనే భ‌ర్త రాజ్ నిడిమోరుతో క‌లిసి స‌మంత ఈ సినిమాను నిర్మిస్తోంది. నందిని రెడ్డి ద‌ర్శ‌క‌త్వం వ‌హిస్తున్నారు. మా ఇంటి బంగారంతో దాదాపు రెండేళ్ల త‌ర్వాత క‌థానాయిక‌గా టాలీవుడ్‌లోకి రీఎంట్రీ ఇవ్వ‌బోతుంది స‌మంత‌.

స‌మంత కాదు...

కాగా మా ఇంటి బంగారంలో హీరోయిన్‌గా ఫ‌స్ట్ ఛాయిస్ స‌మంత కాద‌ట‌. సాయిప‌ల్ల‌వి హీరోయిన్‌గా స‌మంత నిర్మాణంలో ఈ సినిమాను రూపొందించాల‌ని అనుకున్నార‌ట‌. ఈ సీక్రెట్‌ను మా ఇంటి బంగారం ప్ర‌మోష‌న్స్‌లో స‌మంత స్వ‌యంగా రివీల్ చేసింది.

నా బ్యాన‌ర్‌లోనే...

సాయిప‌ల్ల‌వి యాక్టింగ్‌కు నేను పెద్ద ఫ్యాన్‌ను. ఆమె హీరోయిన్‌గా నా బ్యాన‌ర్‌లోనే మా ఇంటి బంగారం సినిమా చేయాల‌ని అనుకున్నా. కానీ ఆ టైమ్‌లో సాయిప‌ల్ల‌వి బిజీగా ఉండ‌టంతో కుద‌ర‌లేదు. దాంతో ఈ సినిమాలో నేనే హీరోయిన్‌గా న‌టించాల్సివ‌చ్చింది. సాయిప‌ల్ల‌వి త‌ప్పుకోవ‌డంతో నా ఇమేజ్‌కు త‌గ్గ‌ట్లుగా మేక‌ర్స్ క‌థ‌లో చాలా మార్పులు చేశారు అని స‌మంత అన్న‌ది. భ‌విష్య‌త్తులో త‌ప్ప‌కుండా సాయిప‌ల్ల‌వి హీరోయిన్‌తా త‌న బ్యాన‌ర్‌లో సినిమా చేస్తాన‌ని స‌మంత చెప్పింది. ఆమె కామెంట్స్ వైర‌ల్ అవుతోన్నాయి.

యాక్ష‌న్ రోల్‌....

మా ఇంటి బంగారం మూవీలో దిగంత్‌, గుల్ష‌న్ దేవ‌య్య కీల‌క పాత్ర‌లు పోషిస్తున్నారు. ఈ సినిమాకు స్టోరీ, స్క్రీన్‌ప్లేను రాజ్ నిడిమోరు అందించారు. ఓ పెద్దింటిలోకి కోడ‌లిగా అడుగుపెట్టిన యువ‌తి క‌థ‌తో మా ఇంటి బంగారం రూపొందుతోంది. త‌న కుటుంబాన్ని కాపాడుకోవ‌డానికి ఆమె ఎలాంటి పోరాటం చేసింది అన్న‌దే ఈ మూవీ క‌థ‌. ఈ సినిమాలో యాక్ష‌న్ రోల్‌లో స‌మంత క‌నిపించ‌బోతున్న‌ది. ఈ సినిమాకు సంతోష్ నారాయ‌ణ‌న్ మ్యూజిక్ అందిస్తున్నారు.