Premante Idera | ప్రేమంటే ఇదేరా రీ రిలీజ్ డేట్ ఇదే – వెంక‌టేష్‌కు జోడీగా మిస్ వరల్డ్ న‌టించాల్సింది..కానీ!

విక్ట‌రీ వెంక‌టేష్ (Venkatesh) కెరీర్‌లో బిగ్గెస్ట్ బ్లాక్‌బ‌స్ట‌ర్ మూవీస్‌లో ప్రేమంటే ఇదేరా ( Premante Idera )ఒక‌టి. జ‌యంత్ సీ ప‌రాన్జీ ద‌ర్శ‌క‌త్వంలో 1998లో రిలీజైన ఈ మూవీ ఫీల్‌గుడ్ ల‌వ్‌స్టోరీగా తెలుగు ప్రేక్ష‌కుల‌ను మెప్పించింది. ప్రేమంటే ఇదేరా విజ‌యంలో ర‌మ‌ణ గోగుల మ్యూజిక్ కీల‌కంగా నిలిచింది. ఈ సినిమాలోని పాట‌లు యూత్‌ను ఊపేశాయి.
ప్రేమంటే ఇదేరా మూవీలో డాక్ట‌ర్ ముర‌ళి పాత్ర‌లో వెంక‌టేష్ నాచుర‌ల్ యాక్టింగ్‌, కామెడీ టైమింగ్‌తో అద‌ర‌గొట్టారు. ఈ సినిమాతోనే బాలీవుడ్ బ్యూటీ ప్రీతి జింటా హీరోయిన్‌గా టాలీవుడ్‌లోకి ఎంట్రీ ఇచ్చింది. ఈ సినిమాలో హీరోయిన్‌గా ఫ‌స్ట్ ఛాయిస్ ప్రీతి జింటా కాదు. తొలు హీరోయిన్‌గా మిస్ వ‌ర‌ల్డ్ ఐశ్వ‌ర్యా రాయ్‌ని (Aishwarya Rai Bachchan) అనుకున్నారు. ఈ సినిమాతోనే ఆమె టాలీవుడ్‌లోకి ఎంట్రీ ఇవ్వాల్సింది. ఐశ్వ‌ర్య‌ను క‌లిసిన డైరెక్ట‌ర్ జ‌యంత్ సీ ప‌రాన్జీ క‌థ‌ను కూడా వినిపించారు. అప్పుడ‌ప్పుడే సినీ కెరీర్‌ను మొద‌లుపెట్టిన ఐశ్వ‌ర్యా రాయ్ ప్రేమంటే ఇదేరా సినిమాను అంగీక‌రించింది. అదే టైమ్‌లో ఐశ్వ‌ర్యా రాయ్ న‌టించిన ఇరువ‌ర్ (తెలుగులో ఇద్ద‌రు)తో పాటు మ‌రో హిందీ మూవీ డిజాస్ట‌ర్‌గా నిల‌వ‌డంతో ప్రేమంటే ఇదేరా నుంచి మేక‌ర్స్ ఆమెను త‌ప్పించారు. ఐశ్వ‌ర్య స్థానంలో ప్రీతి జింటాను తీసుకున్నారు. అలా బ్లాక్‌బ‌స్ట‌ర్ మూవీని ఐశ్వ‌ర్యా రాయ్ మిస్ చేసుకుంది. ఆమెకు ద‌క్కాల్సిన స‌క్సెస్ ప్రీతి జింటాను వ‌రించింది.
ప్రేమంటే ఇదేరా మూవీ త‌మిళంతో పాటు హిందీలోకి డ‌బ్ అయ్యింది. అక్క‌డ కూడా మంచి వ‌సూళ్ల‌ను రాబ‌ట్టింది. అప్ప‌ట్లోనే ప‌ది కోట్ల వ‌ర‌కు షేర్ క‌లెక్ష‌న్స్ రాబ‌ట్టిన ఈ మూవీ 1998లో అత్య‌ధిక వ‌సూళ్ల‌ను రాబ‌ట్టిన తెలుగు మూవీగా రికార్డ్ క్రియేట్ చేసింది. ఈ సినిమాకుగాను బెస్ట్ సినిమాటోగ్రాఫ‌ర్‌గా జ‌య‌న‌న్ విన్సెంట్ నంది అవార్డును అందుకున్నారు.
వెంక‌టేష్ బ‌ర్త్‌డే సంద‌ర్భంగా ప్రేమంటే ఇదేరా మూవీ మ‌రోసారి ప్రేక్ష‌కుల ముందుకు రాబోతుంది. డిసెంబ‌ర్ 13న ఈ సినిమాను రీ రిలీజ్ చేయ‌బోతున్నారు. తెలుగు రాష్ట్రాల‌తో పాటు ఓవ‌ర్‌సీస్‌లో స్పెష‌ల్ షోస్‌ను స్క్రీనింగ్ చేయ‌బోతున్నారు. ఇటీవ‌లే ప్రేమంటే ఇదేరా రీ రిలీజ్ ట్రైల‌ర్‌ను రిలీజ్ చేశారు. బుధ‌వారం నుంచి ఈ సినిమా బుకింగ్స్ ఓపెన్ కానున్న‌ట్లు స‌మాచారం.
కాగా ప్ర‌స్తుతం హీరోగా వెంక‌టేష్ ఫుల్ బిజీగా ఉన్నారు. చిరంజీవి మ‌న శంక‌ర వ‌ర‌ప్ర‌సాద్‌గారుతో పాటు త్రివిక్ర‌మ్‌తో ఓ మూవీ చేయ‌బోతున్నాడు. అలాగే దృశ్యం 3 కూడా క‌మిట‌య్యాడు.