Nithya Menen | ప‌ద‌కొండేళ్ల త‌ర్వాత హార‌ర్ మూవీలో నిత్యామీన‌న్ – ప్రొడ్యూస‌ర్‌గా తొలి అడుగు

Nithya Menen | నిత్యా మీన‌న్ కొత్త సినిమాపై సంత‌కం చేసి ఏడాది దాటిపోయింది. చివ‌ర‌గా ధ‌నుష్ త‌మిళ మూవీ ఇడ్లీ క‌డైలో హీరోయిన్‌గా న‌టించింది. ఇడ్లీక‌డై త‌ర్వాత సినిమాల‌కు గ్యాప్ తీసుకుంది నిత్యా మీన‌న్‌ . ఈవెంట్లు, సోష‌ల్ మీడియాలోనూ ఈ సీనియ‌ర్ హీరోయిన్ క‌నిపించ‌క‌పోవ‌డం అభిమానుల్లో ఆస‌క్తిక‌రంగా మారింది. ఒకానొక టైమ్‌లో ఈ బెంగ‌ళూరు బ్యూటీ సినిమాల‌కు గుడ్‌బై చెప్పిందంటూ రూమ‌ర్లు వినిపించాయి. వీటిపై కూడా రియాక్ట్ కాలేదు. ఎట్ట‌కేల‌కు ఈ పుకార్ల‌కు చెక్ పెడుతూ నిత్యా మీన‌న్ ఓ హార‌ర్ మూవీతో రీఎంట్రీ ఇవ్వ‌బోతుంది. ఈ సినిమాతోనే నిత్యా మీన‌న్ ప్రొడ్యూస‌ర్‌గా మార‌నున్న‌ట్లు ప్ర‌చారంజ‌రుగుతోంది.

రైట‌ర్‌గా...

యామిరుక్కా భ‌య‌మే, క‌రుంగాప్పియ‌మ్ వంటి హార‌ర్ సినిమాల‌తో త‌మిళ ప్రేక్ష‌కుల‌ను మెప్పించాడు డైరెక్ట‌ర్ డీకే. త‌న‌కు అచ్చొచ్చిన జాన‌ర్‌లోనే నెక్స్ట్ మూవీని చేయ‌బోతున్నాడు ఈ ద‌ర్శ‌కుడు. హార‌ర్ ఫాంట‌సీ బ్యాక్‌డ్రాప్‌లో రూపొందుతోన్న‌ ఈ సినిమాలో నిత్యా మీన‌న్ హీరోయిన్‌గా న‌టించ‌నున్న‌ట్లు స‌మాచారం. ఇప్ప‌టివ‌ర‌కు ద‌క్షిణాదిలో వ‌చ్చిన హార‌ర్ సినిమాల‌కు భిన్న‌మైన పాయింట్‌తో ఈ మూవీ ఉంటుంద‌ని అంటున్నారు. ఈ సినిమాకు డీకేతో క‌లిసి నిత్యామీన‌న్ క‌థ‌ను అందించిన‌ట్లు టాక్ వినిపిస్తోంది. అంతే కాకుండా ప్రొడ్యూస‌ర్‌గా కూడా వ్య‌వ‌హ‌రిస్తోన్న‌ట్లు స‌మాచారం.

స్వీయ నిర్మాణ సంస్థ‌....

ఈ ఏడాదే కేయూరి ప్రొడ‌క్ష‌న్స్ పేరుతో నిత్యా మీన‌న్ స్వీయ నిర్మాణ సంస్థ‌ను ప్రారంభించింది. ఈ బ్యాన‌ర్‌పై తొలి ప్ర‌య‌త్నంగా ఈ హార‌ర్ మూవీని రూపొందించ‌బోతున్న‌ట్లు కోలీవుడ్ వ‌ర్గాల్లో టాక్ న‌డుస్తోంది. ఓ టాప్ ప్రొడ‌క్ష‌న్ హౌజ్‌తో క‌లిసి నిత్యామీన‌న్ ఈ సినిమాను నిర్మించ‌నున్న‌ట్లు చెబుతున్నారు. త్వ‌ర‌లోనే డీకే, నిత్యా మీన‌న్ హార‌ర్ మూవీపై అఫీషియ‌ల్ అనౌన్స్‌మెంట్ రానున్న‌ట్లు తెలిసింది. త‌మిళంలో రూపొందుతోన్న ఈ మూవీని తెలుగుతో పాటు మ‌ల‌యాళంలో రిలీజ్ చేయ‌బోతున్నారు. నిత్యా మీన‌న్ గ‌తంలో రాఘ‌వ లారెన్స్ కాంచ‌న 2లో ఓ హీరోయిన్‌గా న‌టించింది. కెరీర్ మొత్తంలో ఆమె చేసిన ఏకైన హార‌ర్ మూవీ ఇదే. డీకే డైరెక్ష‌న్‌లో రూపొందుతోన్న సినిమాతో ప‌ద‌కొండేళ్ల లాంగ్ గ్యాప్ త‌ర్వాత హార‌ర్ జాన‌ర్‌లో ఈ సీనియ‌ర్ హీరోయిన్ సినిమా చేయ‌బోతుండ‌టం త‌మిళ వ‌ర్గాల్లో ఆస‌క్తిక‌రంగా మారింది.