Balakrishna | షూటింగ్‌లో గాయ‌ప‌డ్డ బాల‌కృష్ణ – అప్‌డేట్ ఇచ్చిన డైరెక్ట‌ర్ – లెజెండ్‌, ల‌య‌న్‌లో ఇలాగే….

Balakrishna | ఎన్‌బీకే 111 షూటింగ్‌లో హీరో బాల‌కృష్ణ గాయ‌ప‌డ్డారు. ఆయ‌న ఆరోగ్య ప‌రిస్థితిపై ట్విట్ట‌ర్ ద్వారా ద‌ర్శ‌కుడు గోపీచంద్ మ‌లినేని అప్‌డేట్ ఇచ్చారు. గ్యాంగ్‌స్ట‌ర్ యాక్ష‌న్ డ్రామాగా తెర‌కెక్కుతోన్న ఎన్‌బీకే 111 షూటింగ్ ప్ర‌స్తుతం కాకినాడ పోర్ట్ ఏరియాలో జ‌రుగుతోంది. హీరో బాల‌కృష్ణ‌తో పాటు విల‌న్‌గా న‌టిస్తోన్న మంచు మ‌నోజ్‌పై ద‌ర్శ‌కుడు ఓ కీల‌క‌మైన యాక్ష‌న్ ఎపిసోడ్‌ను చిత్రీక‌రిస్తున్నారు. షూటింగ్ జ‌రుగుతోన్న స‌మ‌యంలో బాల‌కృష్ణ జారిప‌డ‌టంతో ఆయ‌న మోకాలికి దెబ్బ త‌గిలింది. కాలి మెలిక ప‌డి ప్ర‌మాదం జ‌రిగిన‌ట్లు స‌మాచారం. దాంతో చిత్రీక‌ర‌ణ‌ను నిలిపివేసిన మేక‌ర్స్ బాల‌కృష్ణ‌ను చికిత్స కోసం కాకినాడ‌లోని ఓ ప్రైవేటు ఆసుప‌త్రికి త‌ర‌లించారు. వైద్య ప‌రీక్ష‌ల అనంత‌రం ఆయ‌న‌కు విశ్రాంతి అవ‌స‌ర‌మ‌ని డాక్ట‌ర్లు సూచించిన‌ట్లు తెలిసింది.

అప్‌డేట్‌...

బాల‌కృష్ణ ఆరోగ్య ప‌రిస్థితిపై ట్విట్ట‌ర్ ద్వారా డైరెక్ట‌ర్ గోపీచంద్ మ‌లినేని అప్‌డేట్ ఇచ్చారు. "అభిమానులెవ‌రూ ఆందోళ‌న చెందాల్సిన ప‌నిలేద‌ని అన్నారు. యాక్ష‌న్ సీక్వెన్స్ షూట్ చేస్తోండ‌గా ప్ర‌మాదం జ‌రిగింది. ఆయ‌న కోలుకోవ‌డానికి చిన్న స‌ర్జ‌రీ చేయాల్సివుంటుంద‌ని వైద్యులు తెలిపారు. తొంద‌ర‌లోనే బాల‌కృష్ణ కోలుకొని తిరిగి షూటింగ్‌లో జాయిన్ అవుతారు" అని గోపీచంద్ మ‌లినేని ఈ ట్వీట్‌లో పేర్కొన్నారు.
గ‌తంలో ల‌య‌న్‌, లెజెండ్‌తో పాటు సుల్తాన్ సినిమా షూటింగ్‌ల‌లో కూడా యాక్ష‌న్ స‌న్నివేశాలు చిత్రీక‌రిస్తోండ‌గా బాల‌కృష్ణ గాయ‌ప‌డ్డారు.

కాజ‌ల్ అగ‌ర్వాల్‌....

ఎన్‌బీకే 111 మూవీలో కాజ‌ల్ అగ‌ర్వాల్ హీరోయిన్‌గా న‌టిస్తోంది. రిలీజ్‌కు ముందే ఈ సినిమా ఓటీటీ హ‌క్కులు అమ్ముడుపోయాయి. జీ5 ఓటీటీ డిజిట‌ల్ రైట్స్‌ను ఫ్యాన్సీ రేటుకు ద‌క్కించుకున్న‌ట్లు స‌మాచారం. వీర‌సింహారెడ్డి త‌ర్వాత బాల‌కృష్ణ‌, గోపీచంద్ మ‌లినేని కాంబినేష‌న్‌లో వ‌స్తోన్న సెకండ్ మూవీ ఇది.