Romantic OTT | త‌న‌కంటే వ‌య‌సులో చిన్న‌వాడైన హీరోతో న‌య‌న‌తార రొమాన్స్ – ఓటీటీలోకి త‌మిళ రొమాంటిక్ మూవీ

Romantic OTT |  లేడీ సూప‌ర్ స్టార్ న‌య‌న‌తార హీరోయిన్‌గా న‌టిస్తూ భ‌ర్త విఘ్నేష్ శివ‌న్‌తో క‌లిసి హాయ్ సినిమాను నిర్మించింది. రొమాంటిక్ ఎంట‌ర్‌టైన‌ర్‌గా తెర‌కెక్కిన ఈ సినిమాలో కెవిన్ హీరోగా న‌టించాడు. విష్ణు ఎడ‌వ‌న్ ద‌ర్శ‌క‌త్వం వ‌హించాడు.

వ‌య‌సులో చిన్న‌వాడైన హీరో....

న‌య‌న‌తార హీరోయిన్‌, ప్రొడ్యూస‌ర్ కావ‌డంతో రిలీజ్‌కు ముందు హాయ్ మూవీపై భారీగానే అంచ‌నాలు ఏర్ప‌డ్డాయి. అందులోనూ త‌న‌కంటే వ‌య‌సులో చిన్న‌వాడైన హీరోతో రొమాంటిక్ మూవీ చేయ‌డం ఆస‌క్తిక‌రంగా మారింది. ఆ ఎక్స్‌పెక్టేష‌న్స్‌ను మూవీ రీచ్ కాలేక‌పోయింది. హాయ్ డిజాస్ట‌ర్‌గా నిలిచింది. న‌య‌న‌తార‌కు న‌ష్టాల‌ను తెచ్చిపెట్టింది.

ఓటీటీలోకి....

తాజాగా ఈ త‌మిళ రొమాంటిక్ కామెడీ మూవీ ఓటీటీలోకి వ‌చ్చేస్తోంది. సెప్టెంబ‌ర్ 25 నుంచి జీ5 ఓటీటీలో స్ట్రీమింగ్ కాబోతుంది. త‌మిళంతో పాటు తెలుగులో హాయ్ మూవీ రిలీజ్ అవుతోంది. త‌మిళ దిగ్గ‌జ న‌టుడు, ద‌ర్శ‌కుడు భాగ్య‌రాజ్ న‌టించిన చివ‌రి మూవీ ఇది. ఈ సినిమాలో సీనియ‌ర్ హీరోహీరోయిన్లు రాధిక శ‌ర‌త్‌కుమార్‌, ప్ర‌భు, సుహాసిని కీల‌క పాత్ర‌ల్లో క‌నిపించారు. దాదాపు ఇర‌వై కోట్ల బ‌డ్జెట్‌తో రూపొందిన ఈ మూవీ థియేట‌ర్ల‌లో ప‌ద‌కొండు కోట్ల లోపే వ‌సూళ్ల‌ను ద‌క్కించుకుంది. కాన్సెప్ట్ ఔట్‌డేటెడ్ కావ‌డం, ఎమోష‌న్స్ స‌రిగ్గా వ‌ర్క‌వుట్ కాక‌పోవ‌డంతో హాయ్ మూవీ ప్రేక్ష‌కుల‌ను మెప్పించ‌లేక‌పోయింది.

సుబ్ర‌హ్మ‌ణ్యం ....

సుబ్ర‌హ్మ‌ణ్యం త‌ల్లిదండ్రులే లోకంగా బ‌తుకుంటాడు. ప్రేమ వివాహం చేసుకోవాల‌ని క‌ల‌లు కంటాడు. ప్రాణంగా ప్రేమించిన మ‌ర‌ద‌లికి త‌న ల‌వ్‌ను ప్ర‌పోజ్ చేస్తాడు. ఆమె రిజెక్ట్ చేయ‌డంతో హైద‌రాబాద్ వెళ్లిపోతాడు. మ‌రోవైపు తండ్రి బ‌ల‌వంతంగా కుద‌ర్చిన ఇష్టం లేని పెళ్లి నుంచి త‌ప్పించుకోవ‌డానికి దేవ‌సేన కూడా హైద‌రాబాద్ వ‌స్తుంది. అనుకోని ప‌రిస్థితుల్లో దేవ‌సేన‌, సుబ్ర‌హ్మ‌ణ్యం ఒకే చోట ఉంటారు. భార్యాభ‌ర్త‌లుగా నాటకం ఆడాల్సివ‌స్తుంది. ఆ డ్రామా వారి జీవితాల‌ను ఎలాంటి మ‌లుపులు తిప్పింది అన్న‌దే ఈ మూవీ క‌థ‌.