Nayanthara | పూజా హెగ్డే హార‌ర్ సినిమాలో గెస్ట్‌గా లేడీ సూప‌ర్ స్టార్

Nayanthara |  రాఘ‌వ లారెన్స్ హీరోగా న‌టించిన కాంచ‌న సిరీస్ సినిమాలు బాక్సాఫీస్ వ‌ద్ద బ్లాక్‌బ‌స్ట‌ర్స్‌గా నిలిచాయి. ఈ ఫ్రాంచైజ్‌లో ఇప్ప‌టివ‌ర‌కు నాలుగు సినిమాలు వ‌చ్చాయి. ఈ ఫ్రాంచైజ్‌కు కొన‌సాగింపుగా కాంచ‌న 4 సినిమాను తెర‌కెక్కిస్తోన్నారు రాఘ‌వ లారెన్స్‌. హీరోగా న‌టిస్తూనే ఈ హార‌ర్ మూవీకి లారెన్స్ స్వ‌యంగా ద‌ర్శ‌క‌త్వం వ‌హిస్తున్నారు. పూజా హెగ్డే, నోరా ఫ‌తేహి హీరోయిన్లుగా క‌నిపించ‌బోతున్నారు. తాజాగా కాంచ‌న 4పై మ‌రో ఇంట్రెస్టింగ్ అప్‌డేట్ సోష‌ల్ మీడియాలో చ‌క్క‌ర్లు కొడుతోంది. ఈ సినిమాలో లేడీ సూప‌ర్ స్టార్ న‌య‌న‌తార ఓ కీల‌క పాత్ర‌లో న‌టించ‌నుంద‌ట‌.

స్టార్ హీరోయిన్‌...

కాంచ‌న సిరీస్ సినిమాల్లో ఫ్లాష్‌బ్యాక్ ఎపిసోడ్స్‌కు చాలా ఇంపార్టెన్స్ ఉంటుంది. ఈ సెంటిమెంట్‌ను కాంచ‌న 4లో ఫాలో అవుతోన్నార‌ట లారెన్స్‌. హై ఎమోష‌న‌ల్ సీన్ల‌తో ఓ ఫ్లాష్‌బ్యాక్ ఎపిసోడ్‌ను రాసుకున్నార‌ట‌. క‌థ‌లో కీలకంగా నిలిచే ఈ ఎపిసోడ్‌లో స్టార్ హీరోయిన్ న‌టిస్తే బాగుంటుంద‌ని భావించిన మేక‌ర్స్ న‌య‌న‌తార‌ను అప్రోచ్ అయ్యార‌ట‌. క‌థ‌తో పాటు క్యారెక్ట‌ర్‌ను డిజైన్ చేసిన తీరు న‌చ్చ‌డంతో న‌య‌న్ ఈ సినిమాలో న‌టించ‌డానికి అంగీక‌రించింద‌ట‌. న‌య‌న్ క్యారెక్ట‌ర్ లెంగ్త్ మాత్ర‌మే త‌క్కువేన‌ని అంటున్నారు. ఇర‌వై నిమిషాల వ‌ర‌కు న‌య‌న్ స్క్రీన్‌పై క‌నిపిస్తుంద‌ట‌. కానీ క్యారెక్ట‌ర్ తాలూకు ప్ర‌భావం మాత్రం సినిమా అంతా ఉంటుంద‌ట‌.

ఫ‌స్ట్ టైమ్‌...

త్వ‌ర‌లోనే కాంచ‌న 4 సెట్స్‌లో న‌య‌న‌తార అడుగుపెట్ట‌నున్న‌ట్లు స‌మాచారం. ఈ హార‌ర్ మూవీలో పూజా హెగ్డే ద‌య్యంగా క‌నిపించ‌బోతుండ‌గా...నోరా ఫ‌తేహి గ్లామ‌ర్ రోల్ చేస్తోంది. కాంచ‌న 4తోనే కెరీర్‌లో ఫ‌స్ట్ టైమ్ పూజా హెగ్డే హార‌ర్ జాన‌ర్‌ను ట‌చ్ చేయ‌బోతుంది. దాదాపు 120 కోట్ల బ‌డ్జెట్‌తో కాంచ‌న 4 రూపొందుతోన్న‌ట్లు స‌మాచారం.

హిందీలో స‌ల్మాన్ ఖాన్‌తో...

ప్ర‌స్తుతం న‌య‌న‌తార బాలీవుడ్‌తో పాటు ద‌క్షిణాదిలో క‌లిపి ఎనిమిదికిపైగా సినిమాలు చేస్తోంది. హిందీలో స‌ల్మాన్ ఖాన్‌తో ఓ భారీ యాక్ష‌న్ ఎంట‌ర్‌టైన‌ర్ మూవీ చేస్తోంది. క‌న్న‌డంలో య‌శ్ టాక్సిక్‌లో నెగెటివ్ షేడ్స్‌తో కూడిన పాత్ర‌లో క‌నిపించ‌బోతుంది.