Nayanthara | త‌న సినిమాతో తానే పోటీ – రెండు రోజుల గ్యాప్‌లో న‌య‌న‌తార రెండు సినిమాలు రిలీజ్‌

Nayanthara |  కెరీర్‌లో ఫ‌స్ట్ టైమ్ త‌న సినిమాతో తానే బాక్సాఫీస్ వ‌ద్ద పోటీప‌డ‌బోతుంది లేడీ సూప‌ర్ స్టార్ న‌య‌న‌తార. ఆమె హీరోయిన్‌గా న‌టించిన రెండు సినిమాలు...రెండు రోజుల గ్యాప్‌లో ప్రేక్ష‌కుల ముందుకు రాబోతున్నాయి. ఇందులో ఓ సినిమా క‌న్న‌డ కాగా...మ‌రోటి త‌మిళ మూవీ కావ‌డం గ‌మ‌నార్హం. ఈ రెండు సినిమాలో తెలుగులోనూ రిలీజ్ కాబోతుండ‌టం గ‌మ‌నార్హం.

టాక్సిక్‌...

కేజీఎఫ్ ఫేమ్ య‌శ్ హీరోగా న‌టించిన టాక్సిక్ మూవీ ఆగ‌స్ట్ 26న ప్రేక్ష‌కుల ముందుకు రాబోతుంది. పీరియాడిక‌ల్ గ్యాంగ్‌స్ట‌ర్ యాక్ష‌న్‌గా తెర‌కెక్కిన ఈ సినిమాలో న‌య‌న‌తార ఓ హీరోయిన్‌గా న‌టించింది. ఇందులో ఆమెతో పాటు రుక్మిణి వ‌సంత్‌, కియారా అద్వానీ, తారా సుతారియా, హ్యుమా ఖురేషి కూడా క‌థానాయిక‌లుగా క‌నిపించ‌బోతున్నారు. ఈ పాన్ ఇండియ‌న్ మూవీలో గంగ అనే పాత్ర‌లో న‌య‌న‌తార క‌నిపించ‌బోతుంది. టాక్సిక్‌లో న‌య‌న‌తార పాత్ర బోల్డ్‌గా సాగ‌నున్న‌ట్లు ప్ర‌చారం జ‌రుగుతోంది. టాక్సిక్ మూవీకి గీతూ మోహ‌న్ దాస్ ద‌ర్శ‌క‌త్వం వ‌హించారు. ఈ క‌న్న‌డ మూవీపై దేశ‌వ్యాప్తంగా భారీగా అంచ‌నాలు నెల‌కొన్నాయి.

హాయ్

టాక్సిక్ రిలీజైన రెండు రోజుల త‌ర్వాత న‌య‌న‌తార హీరోయిన్‌గా న‌టించిన త‌మిళ మూవీ హాయ్ థియేట‌ర్ల‌లోకి రాబోతుంది. ఆగ‌స్ట్ 28న విడుద‌ల అవుతోంది. తొలుత ఈ సినిమాను ఆగ‌స్ట్ 14న రిలీజ్ చేయాల‌ని అనుకున్నారు. కానీ పోస్ట్ ప్రొడ‌క్ష‌న్ ప‌నులు డిలే కావ‌డంతో హాయ్ మూవీని రెండు వారాల పాటు వాయిదా వేశారు. కొత్త రిలీజ్ డేట్‌ను శుక్ర‌వారం అఫీషియ‌ల్‌గా ప్ర‌క‌టించారు. త‌న‌క‌న్న వ‌య‌సులో చిన్న‌వాడైన ఓ యువ‌కుడితో ప్రేమ‌లో ప‌డే మ‌హిళ క‌థ‌తో ఈ సినిమా తెర‌కెక్కుతోంది. ఇందులో కెవిన్ హీరోగా క‌నిపించ‌బోతున్నాడు. హాయ్ మూవీని త‌న భ‌ర్త విఘ్నేష్ శివ‌న్‌తో క‌లిసి న‌య‌న‌తార స్వ‌యంగా నిర్మించ‌డం గ‌మ‌నార్హం. లోకేష్ క‌న‌గ‌రాజ్ అసిస్టెంట్ విష్ణు ఈ సినిమాకు ద‌ర్శ‌క‌త్వం వ‌హిస్తున్నాడు. టాక్సిక్‌, హాయ్...ఈ రెండు సినిమాలు తెలుగులోకి డ‌బ్ అవుతున్నాయి.