Naga Durga | నాగ‌దుర్గ త‌మిళ డెబ్యూ మూవీకి షాకింగ్ క‌లెక్ష‌న్స్ – 10 కోట్ల బ‌డ్జెట్‌తో తీస్తే 15 ల‌క్ష‌లు వ‌చ్చాయి!

ఫోక్ సాంగ్స్‌తో ఫేమ‌స్ అయిన నాగ‌దుర్గ‌కు హీరోయిన్‌గా ఆఫ‌ర్లు క్యూ క‌డుతోన్నాయి. ప్ర‌స్తుతం తెలుగులో ఇడుపుకాయితం సినిమా చేస్తోంది. టాలీవుడ్ స్టార్ డైరెక్ట‌ర్ సుకుమార్ నిర్మిస్తున్న ఈ మూవీ ఇటీవ‌లే లాంఛ్ అయ్యింది. టైటిల్ వివాదం కార‌ణంగా ఇడుపుకాయితం సినిమాకు ఓపెనింగ్ ఈవెంట్‌తోనే ఫుల్ ప‌బ్లిసిటీ వ‌చ్చింది.
కాగా ఇడుపుకాయితం కంటే ముందు త‌మిళంలో హీరోయిన్‌గా ఓ సినిమా చేసింది నాగ‌దుర్గ‌. ల‌వ్ ఓ ల‌వ్ పేరుతో తెర‌కెక్కిన ఈ సినిమాలో ధ‌నుష్ మేన‌ల్లుడు ప‌వీన్ నారాయ‌ణ‌న్ హీరోగా న‌టించాడు.ఈ రొమాంటిక్ కామెడీ మూవీతోనే నాగ‌దుర్గ కోలీవుడ్‌లోకి ఎంట్రీ ఇచ్చింది.

ధ‌నుష్ మేన‌ల్లుడు...

శుక్ర‌వారం త‌మిళంతో పాటు తెలుగులో ల‌వ్ ఓ ల‌వ్‌ రిలీజైంది. ధ‌నుష్ మేన‌ల్లుడు హీరో కావ‌డం, ప‌లువురు స్టార్స్ ప్ర‌మోష‌న్స్‌లో పాల్గొన‌డంతో త‌మిళ‌నాట మంచి బ‌జ్‌తో ఈ సినిమా ప్రేక్ష‌కుల ముందుకొచ్చింది. మ‌రోవైపు నాగ‌దుర్గ త‌మిళ డెబ్యూ మూవీ కావ‌డంతో తెలుగు డ‌బ్బింగ్ వెర్ష‌న్‌పై కూడా మోస్తారు అంచ‌నాలు ఏర్ప‌డ్డాయి. బాక్సాఫీస్ వ‌ద్ద ఎలాంటి సెన్సేష‌న్ క్రియేట్ చేస్తుందోన‌ని ప్రేక్ష‌కులు ఆస‌క్తిగా ఎదురుచూశారు.

ప‌దిహేను ల‌క్ష‌లు...

కానీ తొలిరోజే ఈ మూవీ దారుణంగా డిస‌పాయింట్ చేసింది. శుక్ర‌వారం రోజు ల‌వ్ ఓ ల‌వ్ సినిమాకు త‌మిళంలో ప‌ది ల‌క్ష‌లు, తెలుగులో ఐదు ల‌క్ష‌ల క‌లెక్ష‌న్స్ రాబ‌ట్టింది. రెండు భాష‌ల్లో క‌లిపి కేవ‌లం ప‌దిహేను ల‌క్ష‌లు మాత్ర‌మే వ‌చ్చాయి. నాగ‌దుర్గ క్రేజ్ తెలుగులో ఏ మాత్రం ప‌నిచేయ‌లేదు. ప్ర‌మోష‌న్స్ స‌రిగ్గా చేయ‌క‌పోవ‌డం కూడా మైన‌స్‌గా మారింది. తెలుగులో ఈ సినిమా రిలీజైన సంగ‌తే చాలా మందికి తెలియ‌దు.

కోటి అనుకుంటే....

త‌మిళంలో తొలి రోజు ల‌వ్ ఓ ల‌వ్ సినిమాకు కోటి వ‌ర‌కు క‌లెక్ష‌న్స్ రావ‌చ్చున‌ని మేక‌ర్స్ అంచ‌నా వేసిన‌ట్లు స‌మాచారం. క‌నీసం అందులో స‌గం కూడా రాబ‌ట్ట‌లేక‌పోవ‌డం షాకింగ్‌కు గురిచేస్తోన్న‌ట్లు వార్త‌లొస్తున్నాయి. దాదాపు ప‌ది కోట్ల బ‌డ్జెట్‌తో ల‌వ్ ఓ ల‌వ్ సినిమాను నిర్మించారు. ఫ‌స్ట్ డే క‌లెక్ష‌న్స్ చూస్తుంటే ఈ రొమాంటిక్ కామెడీ మూవీ నిర్మాత‌ల‌కు భారీగానే న‌ష్టాల‌ను మిగిల్చే అవ‌కాశం క‌నిపిస్తోంది.