Naga Chaitanya | టైమ్ ట్రావెల్ ల‌వ్‌స్టోరీలో అక్కినేని హీరో – కొత్త హీరోయిన్‌తో రొమాన్స్‌

Naga Chaitanya | ప్ర‌స్తుతం తెలుగులో టైమ్ ట్రావెల్ సినిమాల ట్రెండ్ న‌డుస్తోంది. మ‌హేష్‌బాబు, రాజ‌మౌళి కాంబినేష‌న్‌లో తెర‌కెక్కుతోన్న వార‌ణాసి టైమ్ ట్రావెల్ క‌థ‌తోనే తెర‌కెక్కుతోంది. అల్లు అర్జున్ రాకా కూడా డిఫ‌రెంట్ టైమ్‌లైన్స్‌లో సాగ‌నున్న‌ట్లు స‌మాచారం. ఈ ట్రెండ్‌లోకి అక్కినేని హీరో నాగ‌చైత‌న్య అడుగుపెట్ట‌బోతున్నారు. ప్ర‌స్తుతం వృష‌క‌ర్మ షూటింగ్‌తో బిజీగా ఉన్నాడు నాగ‌చైత‌న్య‌. మిస్టిక్ థ్రిల్ల‌ర్‌గా తెర‌కెక్కిన ఈ సినిమా షూటింగ్ తుది ద‌శ‌కు చేరుకుంది. న‌వంబ‌ర్‌లో వృష‌క‌ర్మ థియేట‌ర్ల‌లోకి రానున్న‌ట్లు ప్ర‌చారం జ‌రుగుతోంది.

ల‌వ్‌స్టోరీ...

ఓ వైపు వృష‌క‌ర్మ షూటింగ్‌లో పాల్గొంటూనే మ‌రోవైపు త‌న త‌దుప‌రి సినిమా ప్రీ ప్రొడ‌క్ష‌న్ ప‌నులు మొద‌లుపెట్టారు నాగ‌చైత‌న్య‌. వృష‌క‌ర్మ త‌ర్వాత టైమ్ ట్రావెల్ ల‌వ్‌స్టోరీతో నాగ‌చైత‌న్య ఓ సినిమా చేయ‌బోతున్నారు. ఈ సినిమాకు బెదురులంక 2012 ఫేమ్ క్లాక్స్ ద‌ర్శ‌క‌త్వం వ‌హిస్తున్నారు.

సైన్స్ ఫిక్ష‌న్ ఎలిమెంట్స్‌...

టైమ్ ట్రావెల్‌తో పాటు సైన్స్ ఫిక్ష‌న్ ఎలిమెంట్స్ మిక్స్ చేస్తూ డైరెక్ట‌ర్ క్లాక్స్ ఈ క‌థ‌ను సిద్ధం చేసిన‌ట్లు చెబుతున్నారు. రెండు టైమ్ పీరియ‌డ్స్‌లో ఈ సినిమా సాగ‌నుంద‌ని, వీటికి త‌గ్గ‌ట్లుగా డిఫ‌రెంట్ లుక్‌ల‌లో నాగ‌చైత‌న్య క‌నిపించ‌నున్నాడ‌ని అంటున్నారు. ఈ పాత్ర‌ల కోసం ఫిజిక‌ల్‌గానే కాకుండా లుక్ ప‌రంగా ఈ అక్కినేని హీరో మేకోవ‌ర్ కానున్న‌ట్లు తెలిసింది.

ఆకాశంలో ఒక తార హీరోయిన్‌...

ఈ టైమ్ ట్రావెల్ ల‌వ్‌స్టోరీలో నాగ‌చైత‌న్య‌కు జోడీగా సాత్విక వీర‌వ‌ల్లి హీరోయిన్‌గా క‌నిపించ‌బోతున్న‌ట్లు స‌మాచారం. ప్ర‌స్తుతం దుల్క‌ర్ స‌ల్మాన్‌తో ఆకాశంలో ఒక తార సినిమా చేస్తోంది సాత్విక‌. ఈ మూవీతోనే టాలీవుడ్‌లోకి హీరోయిన్‌గా అడుగుపెట్ట‌బోతుంది. తొలి సినిమా రిలీజ్ కాక‌ముందే మ‌రో బంప‌రాఫ‌ర్ అందుకుంది. సాత్విక కంటే ముందు రుక్మిణి వ‌సంత్‌ను అనుకున్నారు. కానీ వ‌రుస డిజాస్ట‌ర్ల ఎఫెక్ట్‌తో ఆమెను ప‌క్క‌న‌పెట్టారు.

అన్న‌పూర్ణ స్టూడియోస్‌...

నాగ‌చైత‌న్య‌, క్లాక్స్ మూవీని అన్న‌పూర్ణ స్టూడియోస్ నిర్మించ‌బోతున్న‌ట్లు స‌మాచారం. జ‌న‌వ‌రిలో షూటింగ్ మొద‌లుపెట్టి వ‌చ్చే ఏడాది చివ‌ర‌లో సినిమాను రిలీజ్ చేసేందుకు స‌న్నాహాలు చేస్తున్నారు.