Mrunal Thakur | క‌న్నీళ్లు పెట్టుకున్న మృణాల్ ఠాకూర్‌ – క‌ల నిజ‌మైందంటూ ఎమోష‌న‌ల్ పోస్ట్‌

Mrunal Thakur |  సీతారామం బ్యూటీ మృణాల్ ఠాకూర్‌ సోష‌ల్ మీడియాలో ఎమోష‌న‌ల్ పోస్ట్ పెట్టింది. త‌న క‌ల‌నిజ‌మైందంటూ క‌న్నీళ్లు పెట్టుకుంది. మృణాల్ సోద‌రుడు మందార్ ఠాకూర్ విదేశాల్లో ఉన్న‌త విద్య‌ను పూర్తిచేసుకున్నాడు. సోద‌రుడి గ్రాడ్యుయేష‌న్ వేడుక‌ల్లో మృణాల్ ఠాకూర్ పాల్గొన్న‌ది. ఈ వేడుక తాలూకు వీడియోను అభిమానుల‌తో పంచుకుంది. ఈ సంతోష‌క‌ర క్ష‌ణాల గురించి సోష‌ల్ మీడియాలో ఓ పోస్ట్ పెట్టింది. నిన్ను చూస్తుంటే గ‌ర్వంగా ఉందంటూ త‌మ్ముడిపై ప్ర‌శంస‌లు కురిపించింది. "నాకున్న అతి పెద్ద క‌ల‌ల్లో ఒక‌టి నిజ‌మైంది. జీవితంలోనే అత్యంత ఆనంద‌మైన క్ష‌ణాలివి. ఈ గ్రాడ్యుయేష‌న్ సెల‌బ్రేష‌న్స్ చూస్తుంటే నువ్వో హీరోలా...నీ సినిమాలో నేను చిన్న పాత్ర‌లో భాగ‌మైన అనుభూతి క‌లుగుతోంది. ఎప్ప‌టికీ ఈ రోజును మ‌ర్చిపోలేను" అంటూ పోస్ట్ పెట్టింది. త‌మ్ముడి డిగ్రీ ప‌ట్టాతో ఫొటోల‌కు ఫోజులిచ్చిన మృణాల్ ఠాకూర్ ఎమోష‌న‌ల్ అయ్యింది. క‌న్నీళ్లు పెట్టుకుంది. ఈ వీడియో వైర‌ల్ అవుతోంది.

గైడ్‌...అడ్వైజ‌ర్‌...

సోద‌రుడు మందార్ ఠాకూర్‌తో అనుబంధం గురించి ప‌లుమార్లు వెల్ల‌డించింది మృణాల్‌. త‌మ్ముడి వ‌ల్లే తాను సినిమాల్లోకి అడుగుపెట్ట‌గ‌లిగాన‌ని, గొప్ప నా గైడ్‌, అడ్వైజ‌ర్‌, ఫిలాస‌ఫ‌ర్ అన్ని త‌మ్ముడే అంటూ ఇటీవ‌ల ఓ ఇంట‌ర్వ్యూలో చెప్పింది.కాగా మృణాల్ బాట‌లోనే సోద‌రుడు మందార్ కూడా సినిమాల్లోకి అడుగుపెట్ట‌బోతున్నాడ‌ట‌. ఫిల్మ్ మేకింగ్ కోర్సు కంప్లీట్ చేసిన‌ట్లు స‌మాచారం. డైరెక్ట‌ర్‌గా మారే ప్ర‌య‌త్నాల్లో ఉన్నాడ‌ట‌.

మూడు సినిమాలు...

కాగా ఈ ఏడాది తెలుగులో డెకాయిట్‌, హిందీలో దో దివానే షెహ‌ర్ మే, హై జ‌వానీ తో ఇష్క్ హోనా హై సినిమాల‌తో ప్రేక్ష‌కుల‌ను ప‌ల‌క‌రించింది. మూడు సినిమాలు బాక్సాఫీస్ వ‌ద్ద మిక్స్‌డ్ టాక్‌ను సొంతం చేసుకున్నాయి. ప్ర‌స్తుతం అల్లు అర్జున్ రాకాలో మృణాల్ ఓ హీరోయిన్‌గా న‌టిస్తోన్న‌ట్లు ప్ర‌చారం జ‌రుగుతోంది.