త్రినేత్ర News Logo
DIGITAL-NEWS

CM Revanth Reddy visit Vijay Deverakonda house | విజయ్ దేవరకొండ ఇంటికి సీఎం రేవంత్ రెడ్డి.. రష్మిక-విజయ్ జంటకు ముఖ్యమంత్రి ఆశీర్వాదాలు

టాలీవుడ్ సెన్సేషనల్ కపుల్ విజయ్ దేవరకొండ-రష్మిక మందన్నలను ముఖ్యమంత్రి రేవంత్ రెడ్డి కలిశారు. ఇటీవల వివాహ బంధంతో ఒక్కటైన ఈ కొత్త జంటకు శుభాకాంక్షలు తెలిపేందుకు సీఎం స్వయంగా విజయ్ నివాసానికి వెళ్లారు.

J

Entertainment | Published On Mar 5, 2026, 9.12 pm IST

CM Revanth Reddy visit Vijay Deverakonda house | విజయ్ దేవరకొండ ఇంటికి సీఎం రేవంత్ రెడ్డి.. రష్మిక-విజయ్ జంటకు ముఖ్యమంత్రి ఆశీర్వాదాలు
Advertisement

CM Revanth Reddy visit Vijay Deverakonda house | త్రినేత్ర.న్యూస్ : టాలీవుడ్ క్రేజీ కపుల్స్ విరోష్ వెడ్డింగ్ ఇటీవల అంగరంగ వైభవంగా జరిగిన విషయం తెలిసిందే. మార్చి 4న తమ వెడ్డింగ్ రిసెప్షన్‌ని ఈ జంట ఘనంగా నిర్వహించింది. టాలీవుడ్, బాలీవుడ్‌తో పాటు పలువురు రాజకీయ ప్రముఖులు కూడా విరోష్ రిసెప్షన్‌కి హాజరై కొత్త జంటకు కంగ్రాట్స్ చెప్పారు. తాజాగా సీఎం రేవంత్ రెడ్డి.. విజయ్ దేవరకొండ ఇంటిని సందర్శించారు. స్టార్ కపుల్ విజయ్ దేవరకొండ - రష్మిక మందన్నలకు ఆయన స్వయంగా శుభాకాంక్షలు తెలియజేశారు.

కొత్త జంటకు ఆశీర్వాదాలు

ముఖ్యమంత్రి రేవంత్ రెడ్డి.. హైదరాబాద్‌లోని విజయ్ నివాసానికి వెళ్లి, కొత్త దంపతులకు బొకే అందజేసి అభినందనలు తెలిపారు. వారిద్దరూ నిండు నూరేళ్లు సుఖసంతోషాలతో వర్ధిల్లాలని సీఎం ఆకాంక్షించారు.

విజయ్ కుటుంబ సభ్యులతో ముచ్చట

సీఎం రాకతో విజయ్ దేవరకొండ కుటుంబ సభ్యులు హర్షం వ్యక్తం చేశారు. కొద్దిసేపు విజయ్ తల్లిదండ్రులు, కుటుంబ సభ్యులతో సీఎం రేవంత్ రెడ్డి ముచ్చటించారు. సినిమా రంగ విశేషాలతో పాటు పలు సామాజిక అంశాల గురించి కూడా ఈ సందర్భంగా చర్చకు వచ్చినట్లు సమాచారం.

సోషల్ మీడియాలో వైరల్

ముఖ్యమంత్రి రేవంత్ రెడ్డి, విజయ్-రష్మికలతో కలిసి ఉన్న ఫోటోలు ప్రస్తుతం సోషల్ మీడియాలో విపరీతంగా వైరల్ అవుతున్నాయి. తమ అభిమాన నటుడి ఇంటికి స్వయంగా ముఖ్యమంత్రి రావడంతో 'రౌడీ' అభిమానులు ఖుషీ అవుతున్నారు. రాజకీయ, సినీ వర్గాల మధ్య ఉన్న ఈ సత్సంబంధాలు టాలీవుడ్‌లో ఆసక్తికర చర్చకు దారితీశాయి.

Advertisement
Advertisement